जकरिया 14
14
यहवे दाङ्बे़ल्ले़ कुयुमा
1यरुसले़मए, ओमे़त्ते़म्मे़ॽ, यहवे दाङ्बे़ल्ले़ लत्छा अक्तङ्बा कुये़न् थिक् तार पत्, आल्ल खिनिॽ चिगक्वा सामाहाॽ के़म्नाप्तिआङ् खिनिॽ तगिए मे़हाःत्छिङ्ॽ॥ 2आङ्गाॽ के़रे़क् मे़न्छाम् सुवाङ्हाॽ यरुसले़मओ थङ् चोःक्मारे़ लागि सुप्सुङ्सिङ्ॽ, हे़क्क्याङ् कन् ये़क्यक्किन् हुक्काप् मे़जोगुॽ, हिम्हाॽओबा चिगक्वाहाॽ मे़नाप्तुसिॽ हे़क्क्याङ् मे़न्छुमाहाॽ मे़दे़म्सुसिआङ् मेःत् मे़मे़त्तुसिॽ॥ ये़क्यक्कोबा कुभ्रे़ःङ् मनाहाॽ मे़दे़म्सुसिआङ् वेॽ लाजेॽओ मे़देॽरुसिॽ, कर के़याःक्पा मनाहाॽग ये़क्यक्कोलाम् लाःत्लाःत् मे़न्देॽरुसिन्ॽ॥ 3खे़ब्याङ् थङ् पोङ्बा ये़न्नो ते़न्धङ् चोःक्पा कुइसिक् यहवे दाङ्बे़न् लःन् ताआङ् खे़न् मे़न्छाम् सुवाङ्हाॽनु थङ् चोक्॥ 4खे़न् ये़न्नो यरुसले़म तगि नाङ्गे़न् पिसाङ् के़युङ्बा चैतुन कोःक्माओ खुने़ॽ कुलाङ्ङिल्ले़ तोॽरुआङ् ये़म्सिङ्ॽ, खे़ब्याङ् नाङ्गे़न्लाम् नाम्धा थारिक् चैतुन कोःक्माल्ले़ कुलुम्मो पक्क्रे़ॽ पःङ्ॽ हे़क्क्याङ् खे़प्मो लत्छा यम्बा ने़ने़बादे़न् पोङ्ॽ॥ कुभ्रे़ःङ् कोःक्मान् थाङ्गे़त् ले़प्माङ् नु कुभ्रे़ःङ् कोःक्मान् लाङ्गे़त् ले़प्माङ् से़म्बेःक्लो॥ 5आङ्गाॽ आगोःक्माओबा ने़ने़बादे़न्लाम्बा के़बोःक्खिआङ् खिनिॽ के़घे़त्तासिॽ, थेआङ्भे़ल्ले़ खे़न् आसेल#१४:५ आसेल मिका १:११ ओ के़बप्पा बेथएजेल मे़प्मनादे़न्निन् लत्छा पोङ्मा सुक्॥ थारिक् पोबेक्॥ यहुदाबा हाङ् उज्जियाहःल्ले़ कुये़म्मो लुप्लि थाङे़ल्ले़ मनाहाॽ मे़घे़त्छिङ्बा हे़क्केए खिनिॽ के़घे़त्ताॽसिॽ॥ खे़ब्याङ् यहवे दाङ्बा आङ्गाॽ आनिङ्वाॽफुमाङ्ङिन् खुने़ॽ के़रे़क् कुमाङ्लाइङ्बाहाॽनु युरो॥#१४:५ हिब्रुओ, यहवे दाङ्बा आङ्गाॽ आनिङ्वाॽफुमाङ्ङिन् खुने़ॽ के़रे़क् कुमाङ्लाइङ्बाहाॽनु खे़ने़ॽओ (यरुसले़म) युरो॥ 6खे़न् ये़न्नो खाआङ् मे़ओःत्ने़न्, सेःम्माआङ् मे़सेःम्ने़न् इग्र सेःक्वाआङ् मे़धाने़न्॥#१४:६ हिब्रुओ कल्ले़ कुबेन् निःन्धो होप्॥ 7खे़न् ये़न्नो नाम्माङ् मे़धाने़न्, खे़न् लत्छा निङ्वाॽ के़माबा ये़न् पोङ्ॽ—युःन्छिक् पोङ्साङ् खाओःत्ताङ्ङे पत्॥ खे़न् ये़न्निन् यहवे दाङ्बाल्ले़रक् निसुरो॥
8खे़न् ये़न्नो यरुसले़मलाम् फजङ्जङ्ना च्वाःत् लःन् युरो, कुभ्रे़ःङ् च्वाःत्तिन् नाङ्गे़न् वरःङ्#१४:८ इग्र कुसिवे़त् वरःङ् ले़प्माङ् नु कुभ्रे़ःङ् च्वाःत्तिन् नाम्धा वरःङ्#१४:८ इग्र लुम्बाङ् वरःङ् ले़प्माङ् कुङ्बेःक्लो॥ चुङ्वाःम्मा नु वहित् थामा ये़म्मो चक्मे़ल्लॽए कुङ्ङाङ् ने़रो॥ 9यहवे दाङ्बे़न् के़रे़क् इक्सादिङ् खाम्बेःक्मोबा हाङ् पोङ्ॽ॥ खे़न् ये़न्नो यहवे दाङ्बा लत्छारक् वाॽ हे़क्क्याङ् मनाहाॽरे़ खुने़ॽ कुमिङ्ङोरक् माङ्से़वा मे़जोगुॽ॥ 10यहुदा थाङ्गे़त् गेबालाम् यरुसले़म लाङ्गे़त् रिम्मोन थारिक् के़रे़क् लाजेन् अराबा हे़क्तङ्बा पोङ्ॽ॥ कर यरुसले़ःम्मिन् चाङ्जाङ्बा मे़जोगुॽ, हे़क्क्याङ् बेन्यामिनरे़ कुलाम्धेःप्पोलाम् थिक्सिगेक्पा लाम्धेत् कुसुक्पोबा लाम्धेत् थारिक्, हे़क्क्याङ् हननेलरे़ कुजङ्हिम्मोलाम् हाङ्ङिल्ले़ कुजे़ल्ले़क्सेॽ एःम्मादे़न् थारिक् आप्फेक् कुने़मादे़न्नो ने़रो॥ 11यरुसले़ःम्मो मनाहाॽ मे़नुॽमे़दाआङ् मे़युङ्ॽ, हे़क्क्याङ् खे़न् याम्मो आभे़ल्ले़आङ् मे़म्मे़क्खुन्ॽ॥ खे़न् थाप्थेःक् याम्धेक्को ने़रो॥ 12यरुसले़ःम्मिल्ले़ कुदक्ले़ङ्वाओ थङ् के़जोःक्पा के़रे़क् मे़न्छाम् सुवाङ्हाॽ यहवे दाङ्बे़ल्ले़ अक्तङ्बा लत्छा माङ्दुक्मे़ल्ले़ तरुसिर याःन्दुसिॽ—खे़ङ्हाॽ लाङ्ङिल्ले़ मे़दक्सिङ्ङाङ् मे़ये़प्पा ते़न्नोए खुन्छिॽ ने़क्सान् हर्गिॽ किबेक्, खे़ङ्हाॽरे़ खुन्छिॽ मिक्किन् खुन्छिॽ मिक्हङ्ङोए हर्गिॽ किबेक्, हे़क्क्याङ् खे़ङ्हाॽरे़ खुन्छिॽ ले़सोःत्ते़न् खुन्छिॽ मुराओए किबेःक्लो॥
13खे़न् ये़न्नो यहवे दाङ्बे़ल्ले़ मनाहाॽ साॽरिक् किमा नु यङ्मा के़प्माओ थासुसिॽ॥ खे़ङ्हाॽ खुन्छिॽ आप्फेक् लुम्मो हुक् मे़गेःत्छिङ्ॽ, हे़क्क्याङ् थिक् नु वेॽ मे़भत्छिङ्ॽ॥ 14यहुदाःल्ले़आङ् यरुसले़ःम्मो ते़न्धङ् चोगुॽ॥ कब्रिङ् पिसाङ्बा के़रे़क् मे़न्छाम् सुवाङ्हाॽरे़ खुन्छिॽ याङ्साकुन्धेहाॽ मे़सुप्सुॽ—साम्म्याङ्, युप्पा, चाङ्हाॽ आत्तातान्ने यरिक् मे़भुक्खुॽ॥ 15अन्हाॽ, अन्योक्हाॽ, उमेहाॽ, अदङ्हाॽ नु निङ्मि साःङ्गाहिम्हाॽओ के़वाॽबा के़रे़क् थक्साहाॽआङ् हाबा खे़न् माङ्दुक्माल्ले़ से़रुसिॽ॥ 16खे़ब्याङ् यरुसले़ःम्मिन् थङ्ङो के़भप्पा के़रे़क् मे़न्छाम् सुवाङ्हाॽलाम् आक्खे़न् मे़हिङे़ मे़याःक्ते़आङ् मे़वये़, खे़ङ्हाॽ तङ्बे थक्मा मुक्साम्दाङ्बा यहवे दाङ्बा हाङ्ङिन् माङ्से़वा मे़त्छे़ नु साःङ्गाहिम् तङ्नाम् तोसे़ यरुसले़ःम्मो मे़बेःक्॥ 17मुक्साम्दाङ्बा यहवे दाङ्बा हाङ्ङिन् यरुसले़ःम्मो माङ्से़वा मे़त्छे़ इक्सादिङ् खाम्बेःक्मोबा के़रे़क् हिम्सयङ्हाॽओलाम् मे़म्बेःक्ने़न्ने़भग्र खे़ङ्हाॽरे़ खुन्छिॽ लागि पाङ्गे़न्दिङ् वहित् मे़धाने़न्ॽ॥ 18मिस्र लाजेॽबा मनाहाॽ खे़प्मो मे़म्बेःक्ने़न्ने़भग्र खे़ङ्हाॽरे़ खुन्छिॽ लागि वहित् मे़धाने़न्ॽ॥ यहवे दाङ्बे़ल्ले़ साःङ्गाहिम् तङ्नाम् मे़न्दोमनाबाहाॽओ तारुबा माङ्दुक्मान् खे़ङ्हाॽरे़ खुन्छिॽ सम्धाङ्ङाङ् तारुॽ॥ 19मिस्र लाजेॽओ नु साःङ्गाहिम् तङ्नाम् तोसे़ मे़म्बेःक्मनाबा के़रे़क् मे़न्छाम् सुवाङ्हाॽओआङ् आम्भा खे़न् खुम्दिङ्ङिन् थारो॥
20खे़न् ये़न्नो अन्हाॽरे़ खुन्छिॽ पःङ्गेॽहाॽओ “यहवे दाङ्बे़ल्ले़ कुलागि तोःम्मनाबा” लॽरिक् लक्मनाबा पत्लो, यहवे दाङ्बे़ल्ले़ कुहिम्मोबा सामापुमाहाॽ ले़त्ति तोःम्मादे़न्निल्ले़ कुदगि के़युङ्बा सुत्थो खोर्याहाॽ हे़क्तङ्बा पोङ्ॽ॥ 21यरुसले़म नु यहुदाओ के़युङ्बा के़रे़क् खप्प्याहाॽ मुक्साम्दाङ्बा यहवे दाङ्बे़ल्ले़ कुलागि सेसे पोङ्ॽ, हे़क्क्याङ् वयागे़न् सिदुङ्जभा के़दोम्बा के़रे़क् मनाहाॽ मे़दाआङ् कुभा खप्प्याहाॽ मे़याङ्सिङ् हे़क्क्याङ् हाबा खे़प्मोए सा मे़धोःक्तुॽ॥ खे़ब्याङ् मुक्साम्दाङ्बा यहवे दाङ्बे़ल्ले़ कुहिम्मो याम्मो आप्फाल्ले़आङ् लत्थिक्काङ् कनानि#१४:२१ खप्प्या के़सङ्बा ले़ङ्हङ्बाहाॽ॥ मे़वाॽने़न्लो॥
Currently Selected:
जकरिया 14: LIF
Highlight
Share
Copy
Want to have your highlights saved across all your devices? Sign up or sign in
© 2009, 2023, Wycliffe Bible Translators, Inc. All rights reserved.
