मलाकि 1
1
1इस्राइलिहाॽरे़ खुन्छिॽ लागि माङ्निङ्वाॽपान् के़बाःप्पा मलाकिलाम्बा यहवे दाङ्बे़ल्ले़ हाङुबा कुबाःन्जाक्किल्ले़ माङ्निङ्वाॽपान्—
निङ्वाॽफुमाङ्ङिल्ले़ इस्राइलिहाॽ लुङ्माॽ तुक्तुसिॽ
2यहवे दाङ्बे़ल्ले़ पाःत्तुॽ, “आङ्गाॽ खे़निॽ लुङ्माॽ तुक्निङ्ङाङ् वाॽआ॥”
कर खे़निॽ के़लॽरि, “आक्खेलॽरिक् आदाङ्बारे़ आनिगे याप्मि लुङ्माॽ के़दुक्ते़आङ् वाॽबे?”
यहवे दाङ्बे़ल्ले़ पाःत्तुॽ, “थे एसाबे़न् याकुबरे़ कुम्भुॽ मे़वये़ने़म्बि? हे़क्केसाङ् आङ्गाॽ याकुबे़न् लुङ्माॽ तुक्तुङ्॥ 3कर एसाबे़न् नाॽरुङ् हे़क्क्याङ् आङ्गाॽ खे़ल्ले़ कुगोःक्मा फाङ्जङ्हाॽ मुरे़क् खारे़क् थेआङ् मे़न्नुॽमनाबा चोगुङ् पिरुङ्ङाङ् खे़ल्ले़ खोमा के़बोङ्बा कुलक् लाजेन् स्यालाहाॽ मे़याक्ल फाॽआङ् ले़रुङ् पिरुङ्सिङ्॥”
4एसाबरे़ कुमुॽइदाङ्सा ए़दोम लाजेॽओ के़युङ्बा एदोमिहाॽरे़ मे़बाःत्तुबिला, “आनिगे ये़क्यक्हाॽ खाप्पुथ्यःङ् पोःक्खे़आङ् ने़ःॽ, हे़क्केसाङ् के़धुप्पा के़यम्बा आनिगे ये़क्यक्हाॽ याम्मो चोगुम्बे़॥”
कर मुक्साम्दाङ्बा यहवे दाङ्बे़ल्ले़ अक्खे पाःत्तुॽ, “खे़न्हाॽरे़ चोःक्माग मे़जोगुर, कर आङ्गाॽ यन्छुङ् पिरुङ्सिङ्ॽ॥ खे़न्हाॽरे़ खुनिॽ लाजेन् कुइगे़भे़म्बा मनाहाॽरे़ खुन्छिॽ लाजेॽसिङ्बुङ् फाॽआङ् कुसिङ् निःत्ते़त्, हे़क्क्याङ् खे़ॽयोबा मनाहाॽनु यहवे दाङ्बे़न् आभे़ल्ले़साङ् हाङ्गे़न् सिक्चा लोरो॥ 5कन् खे़निॽ इस्राइलिहाॽरे़ आबाङे खे़निॽ मिक्किल्ले़ के़निसुम्माङ् के़बाःत्तुम्ॽ, ‘इस्राइल लाजेॽबा इःन्दो लाःक्कात्ताङ् यहवे दाङ्बे़न् पयम् यम्बा चोक्लो॥’”
याम्ले़ मे़न्दाःक्मनाबा सिदुङ्जभा
6मुक्साम्दाङ्बा यहवे दाङ्बे़ल्ले़ निङ्वाॽफुसाम्बाहाॽ अक्खे मे़त्तुसिॽ, “लत्छा ये़म्बित्छासाःल्ले़ कुम्बा इङ्धाङ् पिरुॽ, हे़क्क्याङ् से़वारोबे़ल्ले़ कुन्दाङ्बे़न् इङ्धाङ् पिरुॽ॥ आङ्गाॽ खे़निॽ पानुदिङ् पाआ, खे़निॽ आङ्गाॽ थेआङ् याप्मि इङ्धाङ् के़म्बिरिम्बाबे? आङ्गाॽ खे़निॽ दाङ्बाआ, खे़निॽ आङ्गाॽ थेआङ् याप्मि कुनागे़न्छाॽरिम्बाबे?
“खे़निॽ आङ्गाॽ आमिङ्ङिन् कुनामे़न्छाॽ के़मे़त्तुम् हे़क्क्याङ् आल्लसाङ् आङ्गाॽ याप्मि से़ःन्गे़दोसिॽ, ‘आक्खेलॽरिक् आनिगे खे़ने़ॽ के़मिङ्ङिन् नामे़न्छाॽ मे़त्तुम्बे़आङ् वयिगे़बे?’
7“मनाहाॽरे़ आङ्गाॽ आलागि ले़त्ति मे़दोन्दुबा ते़न्नो खे़निॽ आजिःन्जिःम्बा चामा थुङ्माहाॽ के़दोन्दुम्ॽ॥
“कर खे़निॽ अक्खेलॽरिक् आङ्गाॽ याप्मि से़ःन्गे़दोसि, ‘आनिगे आक्खेलॽरिक् चिःन्नासिगे़बे?’”
कर आङ्गाॽ पाःत्तुङ्ॽ, “आङ्गाॽ कुनामे़न्छाॽ याप्मि के़मे़त्तिआङ् याप्मि के़जिःन्दि॥ 8मिक्फःम्बा थक्साहाॽ खे़निॽ वयागे़न् सिङ्दुङ्जभा के़दोःन्दुम्सिम्मिल्ले़ थे खे़न् ताप्फे़ःम्बा याःम्बक् मे़बोङ्ने़म्बि? कुलाङ् के़सक्पा नु के़दुक्पा के़यॽबा थक्साहाॽ खे़निॽ सिङ्दुङ्जभा तोःम्मासि ताप्फे़ःम्बा याःम्बक् मेःम्बि? हे़क्तङ्बा थक्साहाॽ खे़निॽ सुहाङ्गे़म्बाहाॽ के़दोःन्दुम् के़बिरुम्सिम्मे़ल्ले़ थे खे़ङ्हाॽ खे़निॽनु खुन्छिॽ निङ्वाॽ ताबि? थे खे़ङ्हाॽरे़ हे़क्तङ्बा थक्साहाॽ मे़दाःक्तुसिबि?” मुक्साम्दाङ्बा यहवे दाङ्बे़ल्ले़ पाःत्तुॽ॥
9“‘आनिगे लुङ्माॽ आदुक्ते़ॽ’ फाॽआङ् निङ्वाॽफुमाङ्ङिन् पेलि फाक्ते़म्मे़ॽ॥ खे़निॽ हुक्किल्ले़ अक्तङ्बाए हुक्सोयाङ् के़दोःन्दुम्मिल्ले़ थे खुने़ॽ के़दाःक्तिबि?” मुक्साम्दाङ्बा यहवे दाङ्बे़ल्ले़ पाःत्तुॽ॥
10“मनाहाॽरे़ आङ्गाॽओ ले़त्ति मे़दोन्दुबादे़न्नो खे़निॽ थेनाधे मि मे़न्हाःम्मारे़ लागि खे़निॽओ कुभारे़ माङ्हिम्मोबा लाम्धेःत्हाॽ के़सुबुम्मिल्ले़ नुॽमे़न्॥ थेआङ्भे़ल्ले़ आङ्गाॽ खे़निॽनु आनिङ्वाॽ तुगे़आङ् वाॽ, खे़निॽ हुक्किल्ले़ के़दोःन्दुम्बा हुक्सोयाङ्ङिन् आङ्गाॽ मे़दाःक्कान्,” मुक्साम्दाङ्बा यहवे दाङ्बे़ल्ले़ पाःत्तुॽ॥ 11“नाम्गे़त् पिसाङ् नु नाम्धा पिसाङ् थारिक् के़रे़क् मे़न्छाम् सुवाङ्लुम्मो आङ्गाॽ आमिङ्ङिन् पयम् यम्बा पोङ्ॽ॥ के़रे़क् ते़न्हाॽओ आङ्गाॽ आमिङ्ङो मे़न्छाम् सुवाङ्हाॽरे़ सुक्पा मे़हाःन्दुॽ हे़क्क्याङ् सुत्थो हुक्सोयाङ् मे़दारुॽ, थेआङ्भे़ल्ले़ के़रे़क् मे़न्छाम् सुवाङ्हाॽरे़ आङ्गाॽ मिङ्सो इङ्धाङ् मे़बिआरो,” मुक्साम्दाङ्बा यहवे दाङ्बे़ल्ले़ पाःत्तुॽ॥
12“कर खे़निॽग ‘यहवे दाङ्बाओ ले़त्ति तोःम्मादे़न्निन् चिःन्जिन् के़घुबा चोक्,’ हे़क्क्याङ् ‘खे़ॽयो के़ने़बा खे़न् चामा थुङ्माहाॽ चिःन्जिन् के़घुबा चोक्’ के़लॽरिआङ् आङ्गाॽ आमिङ्ङिन् कुनामे़न्छाॽ के़मे़त्तुम्॥ 13हे़क्क्याङ् खे़निॽ अक्खेआङ् के़बाःत्तुम्ॽ, ‘कङ्ग आक्तङ्बा आनानाबा याःम्बक्निबे, के़लॽरिआङ् खे़निॽ नाःन् के़गिःन्दुम्ॽ’ मुक्साम्दाङ्बा यहवे दाङ्बे़ल्ले़ पाःत्तुॽ॥ ‘के़गाःम्बा, कुलाङ् के़सक्पा नु के़दुक्पा थक्सापुसाहाॽ सिदुङ्जभा हे़क्के के़दोःन्दुम्सिम्, थे खे़निॽ हुक्लाम्बा के़दोःन्दुम्बा अक्तङ्बा हुक्सोयाङ्हाॽ आङ्गाॽ ताःक्तुङ्बाबि?’ यहवे दाङ्बे़ल्ले़ पाःत्तुॽ॥
14“कर अक्खेलॽरिक् इङ्ले़क् के़जोक्पे़न् साङ्ग्रा माङ्दे थार, खे़न् मनाःल्ले़ आबाङे कुधक्सा लुप्पोबा ताःक्मा सुक्के़दे़प्पा कुम्बाबा थक्सान् तोःम्मारे़ लागि माङ्हुप् चोगुॽ, कर के़गाःम्बा थक्सान् यहवे दाङ्बाओ तोःन्दुॽ॥ थेआङ्भे़ल्ले़ आङ्गाॽ पयम् यम्बा हाङ्आ, हे़क्क्याङ् के़रे़क् मे़न्छाम् सुवाङ्हाॽ आङ्गाॽनु मे़गिआङ् मिङ्सो इङ्धाङ् मे़बिआरो,” मुक्साम्दाङ्बा यहवे दाङ्बे़ल्ले़ पाःत्तुॽ॥
Currently Selected:
मलाकि 1: LIF
Highlight
Share
Copy
Want to have your highlights saved across all your devices? Sign up or sign in
© 2009, 2023, Wycliffe Bible Translators, Inc. All rights reserved.