ZAKALIYA 5
5
1KANDI nagaruka okuimukya amaiso gange, narora kandi dora, omuzingo ogurukuhu’ruka. 2Yangambira ati Oboine ki? Nagarukamu nti Mboine omuzingo ogurukuhu’ruka; okuraiha kwagwo mikono abiri, nokugaliha kwagwo mikono ikumi. 3Nukwo yangambira ati Gunu nugwo mukyeno ogurukugenda nuguhika ensi yona: baitu omuntu wena aliiba alibingwamu ha rubaju rwagwo orumu nkokuguli, kandi omuntu wena alirahira alibingwamu ha rubaju rwagwo orundi nkokuguli. 4Ndigusindikira gugende, agambire MUKAMA wamahe, kandi gulitaha omu nju yomusana, nomu nju yogu arukurahi’ra busa ibara lyange: kandi guliikara hagati yenjuye, kandi guligimaraho hamu nemiti yayo namabale gayo.
5Nubwo maraika ayabalize nanyowe yaturuka, yangambira ati Imuka hati bunu amaiso gawe, orole eki ekirikuturuka. 6Nagamba nti Kiki? Yagamba ati Niyo efa erukuturuka. Kandi yagamba ati Nukwo kusisana kwabu omu nsi zona: 7(kandi dora, hafundurwa etaranta eyisasi:) kandi onu mukazi aikalire omunda ya efa. 8Yagamba ati Nubwo Bubi; yamusindika hansi omunda yefa: yanaga ekintu kiisasi ha munwa gwayo. 9Nubwo naimukya amaiso gange, narora, kandi dora, haija bakazi babiri, kandi omuyaga gukaba guli omu mapapa gabu, lero bakaba banyina amapapa nkamapapa gekidongodongo: baimukya efa hagati yensi niguru. 10Nubwo nagambira maraika ayabalize nanyowe nti Abo nibatwara nkaha efa? 11Yangambira ati Okumwombekera enju omu nsi ya Sinara: kandi obweritekanizibwa, alitebwayo omu kiikarokye wenka.
Currently Selected:
ZAKALIYA 5: BRR64
Highlight
Share
Copy
Want to have your highlights saved across all your devices? Sign up or sign in
Bible in Runyoro-Rutooro 1964 Version © Bible Society of Uganda, 1964.
