ZAKALIYA 4
4
1KANDI maraika ayabalize nanyowe yagaruka okuija, yansisimura, nkomuntu okwasisimurwa omu turotwe. 2Yangambira ati Norora ki? Nagamba nti Ndozire, kandi dora, ebikondo kyetabaza ekyezabu yonka, nekibindi kyakyo kikiri eruguru, netabaza zakyo musanju zikiroho; emiseke musanju habwetabaza zona, eziri haruguru yakyo: 3nemiti ebiri eyemizeituni haihi nakyo, gumu ha rubaju rwekibindi orwobulyo, nogundi ha rubaju rwakyo orwemoso. 4Nagarukamu nabaza na maraika ayabalize nanyowe nagamba nti Binu biki mukama wange 5Maraika ayabalize nanyowe yagarukamu nangambira ati Torukumanya ebi okubiri? Nagamba nti Nangwa, mukama wange. 6Yagarukamu nangambira ati Kinu nikyo kigambo kya MUKAMA hali Zerubaberi ati Tihali habwobusobozi, nobuhokuba habwamani, baitu habwomwoyo gwange, agambire MUKAMA wamahe. 7Niwoha iwe orusozi orukoto? Omu maiso ga Zerubaberi olifoka ekyeya: kandi aliturukya ibale erya ha ruguru nokutoka ngu Mugisa, mugisa gube haliryo. 8Kandi ekigambo kya MUKAMA kyaija namberendi ngu 9Emikono ya Zerubaberi ekataho emiganda yenju enu; nemikonoye niyo erigimara; kandi olimanya MUKAMA wamahe okwantumire namberoli. 10Baitu noha agayire ekiro ekyebike? Baitu balisemererwa, balirora akabale akokulenga omu mukono gwa Zerubaberi, abo musanju, amaiso ga MUKAMA; bairukairuka okuhikya ensi yona. 11Nyowe nagarukamu namugambira nti Emizeituni enu ebiri kiki, ha mukono gwobulyo ogwekikondo kyetabaza na ha mukono gwakyo ogwemoso? 12Nagarukamu omurundi ogwakabiri, namugambira nti Amatagi ago abiri agemizeituni kiki, agali ha mbaju zeminwa ebiri eyezabu, agarukuitira amagita gezabu? 13Yangarukamu nagamba ati Torukumanya ago okugali? Nagamba nti Nangwa mukama wange. 14Nubwo yagamba ati Nibo bana babiri abamagita abarukweme’ra ahali Mukama wensi yona.
Currently Selected:
ZAKALIYA 4: BRR64
Highlight
Share
Copy
Want to have your highlights saved across all your devices? Sign up or sign in
Bible in Runyoro-Rutooro 1964 Version © Bible Society of Uganda, 1964.
