ZAKALIYA 3
3
1KANDI yanyoleka Yosuha nyakatgara mukuru wabu ayemerire omu maiso ga maraika wa MUKAMA, na Setani ayemerire ha mukonogwe ogwobulyo okumubiriki’ra. 2MUKAMA yagambira Setani ati MUKAMA akuhane iwe Setani; ego, MUKAMA ayakomeremu Yerusalemu akuhane:tinikyo kicumuro ekyasahuirwe omu mu’ro? 3Lero Yosuha akaba ajwire ebyokujwara ebisisikaire, yayeme’ra omu maiso ga maraika. 4Yagarukamu yagambira abo abakaba bemerire omu maisoge ati Muiheho ebyokujwara ebisisiskaire. Yagambira uwe ati Dora, nkuihireho okutahiki’ra kwawe, kandi ndikujweka ebyokujwara ebyomutoro. 5Nyowe nagamba nti Bamute ha mutwe ekiremba ekisemire. Nukwo bamute ha mutwe ekiremba ekisemire, bamujweka ebyokujwara; maraika wa MUKAMA yayeme’raho. 6Maraika wa MUKAMA yagambira Yosuha muno ati Nukwo agambire 7MUKAMA wamahe ati Obworagenderaga omu mihanda yange, kandi obworayerindaga ekiragiro kyange, niwe oracweraga emisango enju yange, kandi oralindaga ezigati zange, kandi ndikuha omwanya ogwokui’ra hamu na banu abemerire haihi. 8Hu’ra ‘nu iwe Yosuha nyakatagara mukuru wabu, iwe nabatahi bawe abaika’ra omu maiso gawe; baitu baba Bantu abokuro’raho: baitu dora, ndisindika omuiru ange Itagi. 9Baitu dora, ibale erinataire omu maiso ga Yosuha; ha ibale limu haroho amaiso musanju: dora, ndisarura okusarurwa kwalyo, agambire MUKAMA wamahe, kandi ndiihaho kiro kimu. 10Ha kiro eki, agambire MUKAMA wamahe murayetangana omuntu wena mutahiwe, hansi yomuzabibu na hansi yomutini.
Currently Selected:
ZAKALIYA 3: BRR64
Highlight
Share
Copy
Want to have your highlights saved across all your devices? Sign up or sign in
Bible in Runyoro-Rutooro 1964 Version © Bible Society of Uganda, 1964.
