ZABULI 119
119
ALEFU
1BAYINA omugisa abahikirire omu muhanda,
Abanyakugenda omu biragiro bya MUKAMA.
2Bayina omugisa abakwata ebiyamanyisize,
Abanyakumuse’ra nomutima gwona.
3Ego, tibakora kutahiki’ra kwona;
Bagenda omu muhandaye.
4Okaturagira ebiragiro byawe,
Twekambege okubikwata.
5Kuba emuhanda yange egumire
Okuhu’raga ebiragiro byawe!
6Nubwo ntalikwatwa ensoni,
Obundita omutima gwange ha biragiro byawe byona.
7Ndikusima nomutima ogutayina bugobya,
Obundyega emisango yawe eyobulyo.
8Ndakwataga ebiragiro byawe:
Nkwesengerize otandekera kimu. BESI
9Omusigazi asemeze ata omuhandagwe?
Obwayekenga nkekigambo kyawe okukiri.
10Nomutima gwange gwona nkuseruire:
Otandeka okuhaba omu biragiro byawe.
11Ekigambo kyawe nkyahuire omu mutima gwange,
Ndeke okukusisa.
12Oyebazibwe, ai MUKAMA:
Onyegesw ebiragiro byawe.
13Neminwa yange ntebize
Ebyobulyo byona ebyakanwa kawe.
14nsemererirwe omuhanda gwebi ebiwamanyisize,
Nkanyakusemere’rwa itungo lyona.
15Ndatekerezaga ebyoyegesa,
Nita omutima gwange ha mihanda yawe.
16Ndakyanganukiraga ebiragiro byawe:
Tinyebwege kigambo kyawe
GIMERI
17Ogi’re omuiru wawe ebyembabazi enyingi, nyowe nyomere,
Nukwo ndakwataga ekigambo kyawe.
18Oigule amaiso gange, ndole
Ebyamahano ebyomu biragiro byawe.
19Ndi mugonyi hansi:
Otansereka biragiro byawe.
20Obwomezi bwange bucwekere obwokwegomba.
Okubuyinakwo hali ebgyobulyo byawe ebira byona.
21Ohanire abemyehembo abakyenwa,
Abahaba okuruga omu biragiro byawe.
22Onyiheho okujumwa nokugayibwa;
Baitu nkakwata ebiwamanyisize.
23Abakuru nabo bakaika’ra nibangeya:
Baitu omuiru wawe akatekereza ebiragiro byawe.
24Nebiwamanyisize nibyo nkyanganukira
Nibyo bimpaisa amagezi.
DALESI
25Obwomezi bwange bugumire haitaka:
Onyomeze nkekigambo kyawe okukiri.
26Nkoleka emihanda yange, naiwe wangarukamu:
Onyegese ebiragiro byawe.
27O’manyise omuhanda ogwebi ebyoyegesa:
Nukwo ndatekerezaga emirimo yawe eyamahano.
28Obwomezi bwange buhwerire obwokuganya:
Onga’remu amani nkekigambo kyawe okukiri.
29Onyiheho omuhanda ogwebisuba
Kandi ompe ebiragiro bywe nembabazi.
30Nkegomboza omuhanda ogwokwesigwa:
Ebyobulyo byawe nbitaire omu maiso gange.
31Ningumira hali ebi ebuwamanyisize:
Ai MUKAMA, otankwasa ensoni.
32Ndairukiraga omu muhanda ogwebiragiro bwawe,
Obwoligalihya omutima gwange.
HE
33Onyegese, ai MUKAMA, omuhanda ogwebiragiro byawe;
Nanyowe ndagukwataga okuhikya empero.
34Ompe amagezi, nanyowe ndakwataga ebiragiro byawe;
Ego, ndibyerinda nomutima gwange gwona.
35Ongendese omu muhanda ogwebiragiro byawe;
Baitu nibyo nkyanganukira.
36Ohindule omutima gwange hali ebi ebiwamanyisize,
Kunu busa hali okwegomba. 37Ohindule amaiso gange, galeke okurora ebitarumu,
Kandi onyomeze omu mihanda yawe.
38Ogumye ekigambo kyawe hali omuiru wawe,
Nikyo kyokutina iwe.
39Ompindu’re ekijumo ekindukutina;
40Dora, nyegombere muno ebyoyegesa: nyomeze omu kuhiki’ra kwawe.
VAU
41Nokuganyira kwawe kuhike namberendi, ai MUKAMA,
Nukwo kujuna kwawe, nkekigambo kyawe okukiri.
42Nukwo ndiba nekigambo ekyokumugarukamu anyakunjuma;
Baitu nyesigire ekigambo kyawe.
43Kunu otaihiramu kimu ekigambo ekyamananu omu kanwa kange
Baitu ntegerize ebyobulyo byawe.
44Nukwo ndakwataga obutosa ekiragiro kyawe
Ebiro nebiro.
45Kandi ndagendaga nyina obugabe
Baitu nkase’ra ebyoyegesa.
46Kandi ndikyanganukira ebiragiro byawe,
Kunu tindikwatwa ensoni.
47Kandi ndikyanganukira ebiragiro byawe,
Ebinagondeze.
48Ndiimukya emikono yange hali ebiragiro byawe, ebinagondeze;
Kandi nditekereza ebyoragira.
ZAINI
49Oijuke ekigambo hali omuiru wawe,
Baitu oka’nihiza.
50Eki nikyo kimpumuza omu muhito gwange.
Baitu ekigambo kyawe kinyomeze.
51Abemyembo bakansekereza muno:
Baitu Tinkubukire okuruga omu biragiro, ai MUKAMA,
52Nyijukire ebyobulyo byawe ebyaira, ai MUKAMA,
Kandi ninguma omutima.
53Ekiniga ekirukwaka kinkwasire,
Obwababi abaleka ebiragiro byawe.
54Ebiragiro byawe nibyo nziniraho
Omu nju eyokugenda kwange.
55Nkaijuka ibara lyawe ekiro, ai MUKAMA,
Kandi nkakwata ebiragiro byawe.
56Ekigambo kinu kyange,
Okukwataga ebyoragira.
KESI
57MUKAMA nugwo mugabo gwanmge:
Nkagamba nti ndakwataga ebigambo byawe.
58Nkesengereza embabazi zawe nomutima gwange gwona:
Onganyire nkekigambo kyawe okukiri.
59Nkatekereza emihanda yange,
Nahindura ebigere byange hali ebi ebiwamanyisize.
60Nkanguha, kunu ntaikaleho,
Okukwata ebiragiro byawe.
61Emiguha eyababi enzingize;
Baitu tinyeberwe ebiragiro byawe.
62Omu itumbi ndaimukaga okukusima,
Obwemisango yawe eyobulyo.
63Nyowe nterana hamu na bona abanyakukutina,
Nabo abakwata ebyoyegesa. 64Ensi, ai MUKAMA, ijuire okuganyira kwawe:
Onyegese ebyoragira.
TESI
65Omugizire kurungi omuiru wawe,
Ai MUKAMA, nkekigambo kyawe okukiri.
66Onmyegese omusango ogwobulyo nokwetegereza
Baitu nyikirize ebiragiro byawe.
67Obunkaba ntakasalizibwe nkahaba;
Baitu hati bunu ninkwata ekigambo kyawe.
68Iwe oli murungi, kandi okora ebirungi;
Onyegese ebyoragira.
69Abemyehembo bancwererireho ekigambo ekyebisuba:
Nomutima gwange gwona ndakwataga ebyoragira.
70Omutima gwabu gunyesere nkebisajwa;
Baitu nyowe nkyanganukira ebiragiro byawe.
71Kikangasira okusalizibwa;
Nukwo nyege ebyoragira.
72Ebiragiro ebyakanwa kawe birungi namberendi,
Okukira ebicweka ebyezabu nefeza enkumi nenkumi.
YODI
73Engaro zawe nizo zankozire, nizo zambumbire:
Ompe amagezi, nyege ebiragiro byawe.
74Abanyakutina iwe balindora, balisemererwa;
Baitu nkategereza ekigambo kyawe.
75Manyire, ai MUKAMA, emisango yawe yobulyo,
Kandi nti okansaliza omu kwesigwa.
76Nkwesengerize, embabazi zawe enungi zimpumuze,
Nkekigambo kyawe okujiri hali omuiru wawe.
77Embabazi zawe enungi zihike namberendi, nyomere:
Baitu ebiragiro byawe nibyo nkyanganukira.
78Abemyehembo bakwatwe ensoni; baitu bakante’ra hansi busa:
Baitu ndatekerezaga ebyoragira.
79Abanyakutina iwe bampindukire nyowe,
Kandi balimanya ebiwamanyisize.
80Omutima gwange guhiki’re omu biragiro byawe;
Ntakwatwa ensoni.
KAFU
81Obwomezi bwange bugwire ensazi obwokujuna kwawe:
Baitu nintegereza ekigambo kyawe.
82Amaiso gange gafa obwekigambo kyawe,
Obugamba nti olinyiruki’ra di?
83Baitu nfokere nkendyanga enyakuhanikirwe omu muika;
Baitu tinyebwa ebyoragira.
84Ebiro ebyomuiru wawe biingaha?
Olihikiriza di omusango hali abo abampigana?
85Abemyehembo bakandimira obuhya,
Abatahondera ebiragiro byawe.
86Ebiragiro byawe byokwesiga:
Bampiganira busa; iwe onjune.
87Bakaba bamalize okumpwerekereza hansi;
Baitu ntaleke ebyoragira.
88Onyomeze nkembabazi zawe enungi okuziri;
Nukwo ndakwataga akanwakawe ebikamanyisa.
LAMEDI
89Ebiro byona, ai MUKAMA,
Ekigambo kyawe kigumira omu iguru.
90Okwesigwa kwawe kwobusinge bwona:
Iwe okagumyaho ensi, kandi ikaraho.
91Bikiroho na hati hona nkokuwaragire;
Baitu ebintu byona bairu bawe.
92Kuba ebiragiro byawe bikaba bitali byokusemererwa byange,
Nubwo nakuferire omu muhito gwange.
93Tinyebwege biragiro byawe ebiro byana;
Baitu okanyomeza nebi.
94Ndi wawe, onjune;
Baitu nkase’ra ebyoyegesa.
95Ababi bandinzire okumpwerekereza;
Baitu nyowe ndatekereza ebiwamanyisize.
96Mboine ebihikirire byona nambere bigarukira;
Baitu ebiragiro byawe bigalihire muno.
97Ebiragiro byawe nimbigonza muno
Nibyo ntekereza obuire okuira.
98Ebiwaragire bimpaisa amagezi okukira abanyanzigwa bange;
Baitu biikara nanyowe obutosa.
99Nyetegerize muno okukira bona abanyegesa;
Baitu ebiragiro byawe nibyo ntekereza.
100Manyire okukira abagurusi,
Obwokukwata ebyoyegesa.
101Nkerinda ebigere byange hali omuhanda gwona omubi,
Nukwo nkwatege ekigambo kyawe.
102Tinkakubukaga okuruga omu misango yawe;
Baitu niwe wanyegeseze.
103Ebigambo byawe ka birungi, binuli’ra muno!
Ego, nibinura okukira obwoki omu kanwa kange:
104Ebyoyegesa nibyo bimpaisa amagezi:
Nikyo nobire omuhanda gwona ogwebisuba.
NUNI
105Ekigambo kyawe niyo etabaza hali ebigere byange,
Kandi omusana hali omuhanda gwange.
106Nkarahira, kandi nakigumya,
Nti ndakwataga emisango yawe eyobulyo.
107Nsalirwe muno muno:
Onyomeze, ai MUKAMA, nkekigambo kyawe okukiri.
108Ikiriza, nkwesengerize, ebihongwa ebyakanwa kange akatahambirizibwa, ai MUKAMA,
Onyegese nemisango yawe.
109Obwomezi bwange buli omu Mukono gwange obutosa;
Baitu Tindukwebwa biragiro byawe.
110Ababi bakanteraho endubatira;
Baitu ntahabe omwebi ebyoyegesa,
111Ebiwamanyisize nibyo bkwasire nkobugwetwa bwange ebiro byana;
Baitu nibyo bisemeza omutima gwange.
112Ntaire omutima gwange ha biragiro byawe okubikoraga
Ebira byona nokuhikya emperor.
SAMEKI
113Ninoba abo abagobya omu mutima;
Baitu ebiragiro byawe nimbigonza.
114Niwe kyoweserekamu kyange kandi engabu yange:
Nihira ekigambo kyawe.
115Mundugeho, inywe abakozi bobubi;
Nyowe nkwatege ebiragiro bya Ruhanga wange.
116Onsagike nkekigambo kyawe okukiri, nyomere;
Kunu otandeka okukwatwa ensoni obwokunihira kwange.
117Iwe onsagike, nukwo ndakira,
Nebiragiro byawe ndabitahoga omutima obutosa.
118Ogayire bona abanyakuhaba omwebi ebyoragira;
Baitu okugabya kwabu nibyo bisuba.
119Omaraho ababi bona abaha nsi nkebyenga:
Nikyo ngondeza ebiwamanyisize.
120Omubiri gwange nugutukumira obwokukutina;
Kandi ntinire emisango yawe.
AYINI
121Nkakora ebyomusango nebyobulyo:
Otansiga hali abo abarukunyendereza.
122Oyeme habwomuiru wawe obwoburungi:
Otaikiriza abemyehembo okunyendereza.
123Amaiso gange gafa obwokujuna kwawe,
Nobwekigambo kyawe ekyokuhiki’ra.
124Ogire omuiru wawe nkokuganyira kwawe ikukuli
Onyegese nebyoragira.
125Ndi muiru wawe, ompe amagezi;
Nukwo ‘manye ebiwamanyisize.
126Akasumi kahikire MUKAMA okukora emirimo;
Baitu badibize ebiragiro byawe.
127Nikyo ngondeza ebiragiro byawe
Okukira ezuba, ego, okukira ezabu enungi.
128Nikyo ntekerereza byona ebyoyegesa ha bigambo byona nti byobulyo;
Ninoba omuhanda gwona ogwebisuba.
PE
129Ebiwamanyisize byamahano:
Obwomezi bwange nikyo bubikwatira.
130Ebigambo byawe obubisuku’rwa biretta omusana;
Bibaha okwetageresa abatanyina magezi.
131Nkasamya muno akanwa kange, nimpija;
132Ompindukire, onganyire,
Nkokuwakoraga abo abarukugonza ibara lyawe.
133Onterekereze ebigere byange omu kigambo kyawe;
Nokutahiki’ra kwona kutantunga.
134Oncungule omu kwendereza kwabantu:
Nukwo ndakwataga ebyoyegesa.
135Omulikize omuiru wawe amaiso gawe;
Onyegese nebyoragira.
136Amaiso gange nigagera ebyambu byamaizi,
Abo obwokutakwata ebiragiro byawe.
TIZADE
137Iwe wokuhiki’ra, ai MUKAMA,
nebyobulyo byawe byamananu.
138Okaragira ebiwamanyisize omu kuhiki’ra
139Ihali lyange linyokeze;
Baitu aba’nobere beberwe ebigambo byawe.
140Ekigambo kyawe kyezibwe muno;
Omuiru wawe nikyo akigondize.
141Nyowe ndi muke, kunu ti’manyirwe muno;
Baitu tinyebwa ebyoyegesa.
142Okuhiki’ra kwawe kwebira nebiro,
Nebiragiro byawe mananu.
143Obujune nokuhu’rwa binkwasire:
Ebigembo byawe nibyo binkyanganukya.
144Ebiwamanyisize byokuhi’ra ebiro byona:
Ompe amagezi, kandi ndyomere,
KOFU
145Nkungire nomutima gwange gwona; ongarukemu, ai MUKAMA:
Ndakwataga ebyoragira.
146Nkukungire; injune,
Kandi ndalindaga ebiwamanyisize.
147Nkazinduka emamba etakasazire, nakunga:
Nkategereza ebigambo byawe.
148Amaiso gange gakakira ebisisimuka ebyekiro,
Ntekegereza ebigambo kyawe.
149Ohu’re iraka lyange nkembabazi zawe enungi okuziri:
Onyomeze, ai MUKAMA, Nkebyobulyo byawe okubiri
150Bai’ra hihi abakuraratira obubi;
Bali hara nebiragiro byawe.
151Iwe oli haihi, ai MUKAMA;
Kandi ebiragiro byawe byona mananu.
152Okuruga ira nkamanya ebi wamanyisize,
Nti okabigumyaho ebiro nebiro.
RESI
153tekereza omuhito gwange, onjune;
Baitu tinyebwa ebiragiro byawe.
154Ontonganire ebigambo byange, oncungule:
Onyomeze nkekigambo kyawe okukiri.
155Okujunwa kuli hara nababi;
baitu tibase’ra ebyoragira.
156Okuganyira kwawe okurungi kwingi, ai MUKAMA:
Onyomeze nkebyobulyo byawe okubiri.
157Baingi abarukunyendereza naba’nobere;
Baitu timpabire okuruga omwebi ebiwamanyisize.
158Nkabona abakora ebyokugobeza, naganya;
Baitu tibata mutima ha kigambo kyawe.
159Tekereza okundukugonza ebyoyegesa:
Onyomeze, ai MUKAMA, nkembabazi zawe enungi okuziri.
160Ekigambo kyawe kyona mazoma;
Kandi ebyobulyo byawe byina biikaraho ebiro byona.
SINI
161Abakuru bakanyendereza batandoho kigamb;
Baitu omutima gwange nugutina ebigambo byawe.
162Nkyanganukira ekigambo kyawe,
Nkanyakubona itungo lingi.
163Ninoba ebisuba, kandi nimbinuga;
Baitu eburagiro byawe nimbigonza.
164Emirundi musanju izoba limu nkukugiza,
Obwemisango yawe eyobulyo.
165bayina obusine bwingi abarukugonza ebiragiro byawe;
Tibarumu ekibesitaraho.
166Ntegerize okujuna kwawe, ai MUKAMA,
Nkozire ebiragiro byawe.
167Obwomezi bwange bulinzire ebiwamanyisize;
Kandi nimbigondeza kimu.
168Ndinzire ebyoragira nebiwamanyisize;
Baitu emihanda yange yona eri omu maiso gawe
TAU
169Okukunga kwange kui’re haihi holi, ai MUKAMA:
Ompe amagezi nkekigambo kyawe okukiri.
170Okwesengereza kwange kuije omu maiso gawe:
Onkize nkekigambo kyawe okukiri.
171Eminwa yange egambe ebyokukugiza;
Baitu onyegesa ebyoragira.
172Orulimi rwange ruzine ekigambo kyawe;
Baitu ebiragiro byawe byona nukwo kuhiki’ra;
173Omukono gwawe guikale haihi okunkonyera;
baitu nkegomboza ebyoyegesa.
174Nkegomba okujuna kwawe, ai MUAKA;
Nebiragiro byawe nibyo binkyanganukya.
175Obwomezi bwange bwomere, kandi buikukugiza;
Nebyobulyo byawe binkonyere.
176Nkahaba nkentama ebuzire; ose’re omuiru wawe;;
baitu tinyebwa ebiragiro byawe.
Currently Selected:
ZABULI 119: BRR64
Highlight
Share
Copy
Want to have your highlights saved across all your devices? Sign up or sign in
Bible in Runyoro-Rutooro 1964 Version © Bible Society of Uganda, 1964.
