OBADIYA 1

1OKWOLEKWA kwa Obadiya. Nukwo agambire Mukama RUHANGA, ebya Edomu ati Tuhulire ebigambo ebirugire hali MUKAMA, kandi omukwenda atumirwe omu mahanga nagamba ati Muimuke, tumuimuki're nobulemu. 2Dora, nkufoire omuto omu mahanga: ogayirwe muno. 3Emyehembo eyomutima gwawe okubibabihirwe Iwe anyakuikara omu nyatika eziibale, iwe arukukuikara haiguru; arukugambo omu mutimagwe ngu Noha alimbundaza hansi? 4Nubwolengera haiguru nkisamba, kandi nobwekiju kyawe kitairwe omu nyunyuzi, ndikuihayo ninkuleta hansi, agambire MUKAMA. 5Kuba abasuma baizire namberoli, rundi abahura ekiro, (kunu ohwerekerire!) tibakuibire nokuhiha? abanogi bemizabibu kuba baizire namberoli, tibakusigireho emizabibu eyokusoroza? 6Ebintu bya Esau ka biseruirwe, ebyomuhendobye ebyaserekerwe ka bijumbuirwe! 7Abasaija bona abaragaine naiwe bakusendekereize nokuhikya ha mutano: abasaija abaikaraga naiwe nobusinge bakubihire ebisuba, kandi bakusinguire; abo abarukulya ebyokulya byawe nibataho omutego hansi yawe: tiharoho okwetegereza omuluwe. 8Ha kiro eki, agambire MUKAMA, tindihwerekereza abasaija bamagezi omu Edomu, nokwetegereza omu rusozi rwa Esau? 9Nabasaija bawe bamani, iwe Temani, balifube'ra, nukwo omuntu wena ahwerekerezebwe ha rusozi rwa Esau habwokuitwa. 10Habwitima eryakozirwe mugenzi wae Yakobo ensoni zirikusweka, kandi olimarwaho ebiro nebiro. 11Ha kiro eki obuwayemerire ha rubaju orundi, ha kiro eki abanyaihanga obubaihireho ebintubye, nabamahanga bataha omu malemboge, nibatomera Yerusalemu, naiwe okaba oli nkomu halibo. 12Baitu iwe otale'ra ekiro kya mugenzi wawe ha kiro ekyomuhitogwe, kunu otasemererwa ha bana Yuda omu kiro kyokuhwereke'ra kwabu; kunu otabaza nemyehembo ha kiro kyobujune. 13Otataha omu irembo eryabantu bange ha kiro kyomuhito gwabu; ego, otarole'ra obujune bwabu ha kiro ekyomuhito gwabu, kunu otataho emikono ha bintu byabu ha kiro ekyomuhito gwabu. 14Kunu otayeme'ra ha mutangatanganiro, okuhwerekereza abe abairuka; kunu otahayo abe abasigaraho omu kiro kyobujune. 15Baitu ekiro kya MUKAMA kiri haihi amahanga gona: nkaiwe okuwakozire, nukwo olikorwa oti; okukora kwawe kulikugarukira omutwe gwawe wenka. 16Baitu nkokumwanyweraga ha rusozi rwange orurukwera, nukwo amahanga gona garanywaga gati obutosa, ego, balinywa, balimura, kandi balisasana nkabatakabahoga. 17Baitu ha rusozi Sayuni halibaho abaliiruka, kandi ruliba orurukwera; kandi enju ya Yakobo balitunga itungo lyabu. 18Kandi enju ya Yakobo eriba omu'ro, nenju ya Yusufu orulimi rwomu'ro, nenju ya Esau eriba nkebisunga, kandi balihira omulibo, kandi balibokya: kunu tihalisigaraho nomu hali enju ya Esau; baitu MUKAMA akigambire. 19Kandi abo abobukizi bwobulyo balirya orusozi rwa Esau; kandi abomu kyeya balirya obwe're bwa Samaliya: na Benyamini alirya Gireadi. 20Nabo abomu ihe eri eryabana ba Isareri abasenguirwe, abali omu Bekanani, balirya okuhikya Zalefasi; nabomu Yerusalemu abenguirwe abali omu Sefaradi, balirya embuga ezobukizi bwobulyo. 21Nabajuni balitemba orusozi Sayuni okucwera emisango orusozi rwa Esau; kandi obukama buliba bwa MUKAMA.

Currently Selected:

OBADIYA 1: BRR64

Highlight

Copy