YONA 1
1
1KANDI ekigambo kya MUKAMA kikaija hali Yona mutabani wa Amita ngu Imuka, 2ogende Nineve, orubuga oru orukoto orurangi'ra; baitu obubi bwabu buimukire omu maiso gange. 3Baitu Yona yaimuka airukire Tarasisi okuruga omu maiso ga MUKAMA; yasirimuka Yopa, yasanga ekyombo nikigenda Tarasisi: yahayo ehozo yakyo, yakigwe'ramu, agende Tarasisi hamu nabo, aruge omu maiso ga MUKAMA. 4Baitu MUKAMA yaleta omuyaga mwingi ha nyanja, habaho ihunga eringi omu nyanja, nukwo ekyombo kikaba kimalize okucweka. 5Nubwo abalimba batina, bakunga omuntu wena omucweziwe, banaga omu nyanja ebintu ebikaba biri omu nyanja, okukyanguhya namberebali. Baitu Yona akaba asirimukire omu nda yekyombo; yabyama wekyombo yabyama yagwijagara 6Nukwo omukuru wekyombo yaija namberali, yamugambira ati Obaire ki iwe omugwijagizi? imuka, kunga Ruhanga wawe, rundi Ruhanga araba natutekereza, tuleke okuhwereker'era 7Bagambirangana omuntu wena na mutahiwe ngu Muije nu, tutome tumanye ogu anyakutuletire akabi kanu. Nukwo batoma, okutoma kwagwera Yona. 8Bamugambira ngu Tugambire, tukwesengerize, noha atuletire akabi kanu; omulimo gwawe kiki, kandi noruga nkaha? owanyu ninkaha? kandi ihanga lyawe liraha? 9Yabagambira ati Ndi Muheburaniya; kandi ntina YAHWE, Ruhanga womuiguru, ayakozire enyanja nobwe're. 10Nubwo abasaija batina muno muno, bamugambira ngu Kiki eki ekyokozire? Baitu abasaija bakaba bamanyire airukire omu maiso ga MUKAMA, baitu akabagambira. 11Nubwo bamugambira ngu Itwe turakukora ki, enyanja eculere namberetuli? baitu enyanja yayeyongera okusikuka. 12Yabagambira ati Mumpimbe, munage omu nyanja; nukwo enyanja eraculera namberemuli: baitu manyire nti Ihunga linu eringi libagwerire habwange. 13Baitu abasaija bakagoya namani bahike ha musa; baitu batasobole: baitu enyanja yayeyongera omuno okubasikukiraha. 14Nukwo bakungira MUKAMA, bagamba ngu Tukwesengerize, ai MUKAMA, tukwesengerize, tuleke okuhwerekere'ra habwobwomezi bwomusaija onu, kunu otatujunaniza esagama etaroho musango; baitu iwe MUKAMA okozire nkwosimire. 15Nukwo bahimba Yona, bamunaga omu nyanja: enyanja yaleka Okusikuka. 16Nubwo abasaija abo batina MUKAMA muno muno; baitira MUKAMA ekyonzira, bayeraga okweraga. 17Kandi MUKAMA yatekaniza encu enkoto emire Yona; Yona yaba omu nda yencu ebiro bisatu nyamusana nekiro.
Currently Selected:
YONA 1: BRR64
Highlight
Share
Copy
Want to have your highlights saved across all your devices? Sign up or sign in
Bible in Runyoro-Rutooro 1964 Version © Bible Society of Uganda, 1964.
