MIKA 2

1ZIRIBABONA abo abacwe'ra okutahiki'ra nibakora kubi ha bitabu byabu! obuire obubukya babukora, baitu buli omu busobozi bwomukono gwabu. 2Kandi bayegomba ebibanja, babinyaga; namaju,kandi bagaihaho: kandi nibendereza omuntu nenjuye, omuntu nobugwetwabwe. 3Nikyo MUKAMA agambire ati Dora, nincwekere'ra akabi ha kitabu eki, akamutaliihamu engoto zanyu, kunu timuligenda nemyekuniko, baitu niko kasumi akabi. 4Ha kiro eki balikucwera orufumo, nibatera empamo ezobujune nimu: ahindura omugabo gwabantu bange: dora okwangunyakire! abaganira abokwema emisiri yaitu. 5Nikyo otalitungira owokunaga omuguha habwokutoma omu kuso'rokana kwa MUKAMA. 6Ngu Muleke okuragura, nukwo baragura bati. Tibaliragu'ra abo: ebijumo tibirirugaho. 7Baligamba ngu Iwe enju ya Yakobo, omwoyo gwa MUKAMA gulemerwe? ezi nizo engesoze? Ebigambo byange tibikora kurungi ogu arukugendera omu mazima? 8Baitu omu biro binu abantu bange baimukire nkomunyanzigwa: inywe mwaka orugoye ha byokujwara byabu abarukuhinguraho batarukutina, nkabantu abatarukugonza okurwana. 9Abakazi bomu bantu bange mubabinga omu maju gabu amarungi; nimuihaho ekitinisa kyange ha bana babu ebiro byona. 10Muimuke murugeho, baitu hanu tiharoho okuhumra kwanyu: habwokutasemera okurukuhwerekereza, nokuhwerekereza okwobujune. 11Omuntu arukugendera omu muyaga nebisuba obwaliba nabiha ebisuba nagamba ati Ndibaragu'ra ebyamarwa nebitamiza; ogu nuwe aliba nabi wabantu banu.

12Mazimakwo ndibasoroza inywena, Yakobo; mazimakwo ndisoroza Abaisareri abasigaireho; ndibateraniza hamu nkentama eza Bozira: nkigana hagati yirisizo lyazo, balitera obwogo bwingi habwabantu okuba baingi. 13Arukuhagura atembere omu maiso gabu: bahaguire bahikire ha irembo, baliturukiremu: kandi omukama wabu ahinguire omu maiso gabu, na MUKAMA abebembire.

Currently Selected:

MIKA 2: BRR64

Highlight

Copy