MIKA 3

1NAGAMBA nti Muhu're, mbesengerize, inywe emitwe ya Yakobo, kandi abalemi benju ya Isareri: tihali habwanyu okumanya ebyobulyo? inywe 2abarukonoba oburungi nimugonza obubi; nimubabagaho oruhu, nimuiha enyama ha magufa gabu; 3kandi nimulya enyama yemibiri eyabantu bange; kandi nimubabagaho oruhu, nimucwacwana amagufa gabu: ego babaiha emyanya, nkenyama yomukinaga, kandi nkenyama eyomu nyungu. 4Nubwo balikunga MUKAMA, baitu tibaligarukamu: ego, alisereka amaisoge namberebali omu kasumi ako, nkokubakozire kubi omu ngeso zabu. 5Nubwo MUKAMA agambire ebya banabi abarukuhabisa abantu bange: abarukuruma namaino gabu nibami'ra ngu Businge; kandi wena atarukuta omu kanwa kabu, betekaniza okurwana nauwe: 6nikyo kiribera ekiro namberemuli, timuliragura; kandi izoba lirigwaho hali banabi, kandi enyamusana eriiragura halibo. 7Nabarozi balikwatwa ensoni, nembwandwa ziriburanganizibwa; ego, bona balisweka eminwa yabu: baitu okugarukama tikuruga hali Ruhanga. 8Baitu nyowe, mazimakwo nyijuire amani habwomwoyo gwa MUKAMA, nebyobulyo, nobusobozi, okusobo'ra Yakobo okusisakwe, na Isareri ekibikye. 9Muhu're kinu, mbesengerize, inywe emitwe yenju ya Yakobo, kandi abalemi abenju ya Isareri, abarukumuga ebyobulyo, nimuhabisa okuhiki'ra kwona. 10Nibombeka Sayuni nesagama, na Yerusalemu nokutahiki'ra. 11Emitwe yayo bacwa emisango habwempera, na banyakatagara begesa habwomusara, na banabi bayo baragura habwefeza: baitu baliigamira ha MUKAMA nibagamba nbu Tinuwe MUKAMA ali hagati yaitu? akabai kona tikalituzira. 12Sayuni eririmwa nkomusiri, kandi Yerusalemu erifoka emitumo, norusozi orwenju nkebiikaro ebiraihire ebyekibira.

Currently Selected:

MIKA 3: BRR64

Highlight

Copy