MATAYO 20

1BAITU obukama obwomu iguru nibusisana nkomuntu ayina enjuye, ayazindukire nyenkya okuguli’ra abakazi, balime omu rugonjorwe orwemizabibu. 2Obuyamazire okuraganiza nabakozi edinali emu eyekiro kimu, yabatuma omu rugonjo orwemizabibu. 3Yataruka esaha zihakire isatu, yatale bataloho ekibarukukora: 4nabo yabagambira ati Nainywe mugende omu rugonjo orwemizabibu, nanyowe ndabahera ekiraseme’ra. 5bagenda. Yaturuka esaha nkomukaga nesaha nkomwenda, nakora ati. 6Yaturuka esaha zihikire ikumi nemu, yasanga abandi bemerire; yabagambira ati Kikyekibemerize hanu okiza obuire, mutaloho ekimurukukora? 7bamugambira ngu Baitu busaho omuntu atugulirire. Yabagambira ati nainywe mugende omu rugonjo orwemizabibu. 8Obuire obubwaizire mukama worugonjo orwemizabibu yagambira omuketowe ati Yeta abakozi, obuhe empera yabu, obandize ha benyuma okuhikya abo ababandize. 9Nabo abesaha eyaikumi nemu obubaizire, bakahebwa omuomu edinali emu. 10Nabo ababandize obubaizire, bakatekereza ngu barahebwa omuomu edinali emu. 11Obubagihairwe, 12bahyemera nyineka, nibagamba ngu banu abenyuma bakozire esaha emu yonka, nabainganainganiza naitwe abaruhire omuihangwe, nomusana nigutwokya. 13baitu yagarukamunagambira omu halibo ati Mutahi wange, tinkukozire kubi: toragainege nanyowe edinali emu? 14Twara etawe, ogende; ninyenda okuha onu owenyuma nka Iwe. 15Tindukusobora kukora ebyange nkokundukugonza? Rundi eriso lyawe libi, baitu nyowe ndi murungi? 16Nukwo bati abenyuma balibanza, nabokubanza baliba benyuma.

17Yesu obwakaba natemba hali Yerusalemu, yatwara abegeswabe ikumi na babiri omunsita yabagambira omu muhanda ati Dora, 18ntutemba hali Yerusalemu; Omwana womuntu alihebwayo hali banyakatagara abakuru nabahandiki; nabo balimucwera omusango okumuita, 19kandi balimuhayo hali Abamahanga okumute’ra enaku, nukumutera, nokumubamba ha muti; kandi ha kiro kyakasatu alihumburwa.

20Nubwo nyina abana ba Zebedayo yaija hali nabanabe,namuramya, namusaba ekigambo kimu. 21Yamugambira ati ati Noyenda ki? Yamugambira ati Ragira abana bange banu babiri baika’re, ondi ha Mukono gwawe ogwobulyo, nondi h Mukono gwawe ogwemoso, omu bukama bwawe. 22baitu Yesu yagarukamu, nagamba ati Timumanyire ekimurukusaba.Nimusobora okunywa ha mpwahwa nyowe eyingenda okunywaho? Bamugambira ngu, Ntusobora. 23Yabagambira ati Empwahwa yange niyo mulinywaho mali; baitu okuika’ra ha Mukono gwange ogwobulyo nogwemoso tali nyowe ngaba, baitu nukwo kwabu isenyowe abayakwahulire. 24Na bali ikumi obubahulire babihi’rwa bene babu ababiri. 25Kandi Yesu yabeta namberali, nagamba ati Mumanyire abakama abamuhanga nibabalema, nabakuru babu nibabatwara namani. 26Baitu tikiriba kiti omulinywe: baitu wena anyakugonza okuba omukuru omulinywe, aliba muhereza wanyu; 27nogu anyakugonza okuba owokubanza omulinywe aliba muiru wanyu rubale: 28Nkomwana womuntu okwataraizire okuherezebwa, baitu okuhereza, nokuhayo obwomezibwe okucungura haingi.

29Obubakaba nibaturuka omu Yeriko, ekitebe kingi kikamukuratira. 30Dora, abafu bamaiso babiri abakaba baikalire ha muhanda rubaju, obubahulire ngu Yesu nahinguraho, batokera ha iguru, nibagamba ngu Mukama waitu otuganyire, iwe Omwana wa Daudi. 31Ekitebe kyabahana baculere; baitu abo bagarukira muno okutokera ha iguru, nibagamba ngu Mukama waitu, otuganyire iwe Omwana wa Daudi. 32Yesu yayeme’ra nabeta, yabagambira ati Nimwenda mbakole ki? 33Bamugambira ngu Mukama waitu, amaiso gaitu gaiguke. 34Yesu yakwatwa embabazi, nakora ha maiso gabu: ahonaho bakarora, bamukuratira.

Currently Selected:

MATAYO 20: BRR64

Highlight

Copy