MATAYO 19

1KANDI kyahika, Yesu obuyamazire ebigambo ebi, yaruga omu Galiraya, yaija omu mitano ya Buyudaya, nseri ya Yorudani, 2ebitebe bingi nibimukuratira; yabakiriza oku.

3Nbafalisayo bakaija namberali nibamwohya, bibagamba ngu Omuntu nasobora okubinga mukaziwe okumujunaniza ekigambo kyona? 4Yagarukamu nagamba ati Timukasomaga ngu Ogu ayabakozire ira, akabakora omusaija nomukazi, 5nagamba ati Omusaija nikyo alirekera ise na nyina, atarane na mukaziwe; nabo babiri baliba mubiri gumu? 6Nukwo tibakirir babiri, baitu omubiri gumu. Nukwo Ruhanga ekiyateranizemu. 7Bamugambira ngu Musa kikyekyamuragize okumuha ebaruha eyokubaganizibwamu nokumubinga? 8Yabagambira ati Obwokugumangana okwomu mitima yanyu Musa nikyo yaikiririze okubinga bakazi banyu; kandi kara na kara kikaba kitali kiti. 9Nanyowe nimbagambira nti Wena obwalibiga mukaziwe, rundi okumujunaniza obwobusihani: nauwe anyakuswera ogu abingirwe, buli asihaine. 10Abegeswa bamugambira ngu Ebigambo ebyomusaija na mukaziwe biraha biri biti, tikiri kirungi okuswera. 11Yabagambira ati Abantu tibasobora bona okuikiriza ekigambo kinu, rundi abakihebwa. 12Baitu haroho abakonerwe abazairwe bai okuruga omu nda za banyinabo: haroho abakonerwe abantu: haroho abakonerwe abayekonere bonka obwobukama obwomu iguru. Anyakusobora okukiikiriza, akiikirize.

13Nubwo baleta namberali abana abato abateho emikonoye, asabe: abegeswabe babahana. 14baitu Yesu yagamba ati Mubaleke abana abato, mutabatanga okuija namberendi; baitu abanyakuli nkabo obukama obwomu iguru bwabu. 15Yabataho emikonoye, yarugayo.

16Dora, hakaija omuntu hali, nagamba ati Mukama wange, ndakora ekigambo ki ekirungi ntunge obwomezi obutahwaho? 17Yamugambira at Kikyekikunkaguliza nyowe ha Kigambo ekirungi? Omurungi ali omu: baitu oraba nogonza okutaha omu bwomezi, okwatege ebiragiro. 18Yamugambira ati Biraha? Yesu yagamba ati Otaliita, otalisihana, otaliiba, otalihangi’ra, 19otinege ‘so na nyoko: gonza omutahi wawe nkokwoyegonza wenka. 20Omusigazi yamugambira ati Ebi byona nkabihikiriza, kandi ekimbuzireho kiraha? 21Yesu yamugambira ati Oraba nogonza okuhiki’ra, genda, ogule ebyonyinabyo, obahe abasege, oliba nitungo omu iguru; kandi oije, onkuratire. 22Baitu omusigazi obuyahulire ekigambo eki, yagenda atuntuire: baitu akabanyina itungo lingi.

23Yesu yagambira abegeswabe ati Munanukwo nimbagambira nti Nikiremera omuntu omutungi okutaha omu bukama obwomu iguru. 24Kandi nimbagambira nti Nikirahuka engamira okuraba omu kanyindo kenkinzo, okukira omutungi okutaha omu bukama bwa Ruhanga. 25Abegeswabe obubakihulire, bahuni’ra muno, nibagamba ngu Mara araha arukusobora okujunwa? 26Yesu yabarole’ra nabagambira ati Omu Bantu ekitikisoboka, baitu Ruhanga nasobora byona. 27Kandi Petero yagarukamu namugambira ati Dora, itwe tukasiga byona, twakuratira Iwe: naitwe tulitunga ki? 28Yesu yabagambira ati mananukwo nimbagambira nti Inywe abankuratire nyowe, omu mazarwa agakabiri Omwana womuntu obwaliika’ra ha ntebe eyekitinisakye, nainywe muliika’ra ha ntebe ikumi na ibiri, nimucwera omusango reri. 29Nomuntu wena wena anyakusigire enju, rundi bene babu, rundi banyanya, rundi ise, rundi nyina, rundi abana, rundi obutaka, habwibara lyange, alihebwa emirundi kikumi, kandi aligwetwa obwomezi obutahwaho. 30Baitu baingi abotabanza abaliba abenyuma; nabenyuma abaliba abokubanza.

Currently Selected:

MATAYO 19: BRR64

Highlight

Copy