MATAYO 18

1OMU kasumi ako abegeswa bakaija hali Yesu nibagamba ngu Rundi noha mukuru omu bukama obwomu Iguru? 2Nauwe yayeta namberali omwana omuto, yamwemerezahop hagati yabu, 3nagamba ati Mananukwo nimbagambira nti Obumutahinduka nimufoka nkabana abato, mutalitaha na kake omu bukama obwomu iguru. 4Nukwo wena aliculera nkomwana onu omuto, nuwe mukuru omu bukama obwomu iguru. 5Nogu wena aliikiriza omwana omuto omu nkonu omu ibara lyange, buli aikirize nyowe: 6baitu wena alitabaijura omu hali banu abato abarukunyikiriza, hakire bamubohe omu bikya orubengo orukoto, bamunage omu nziha yenyanja. 7Zirigibona ensi obwebigambo ebyokutabaijura, baitu tibirireka okuija; baitu zirimubona omuntu ogu anyakuleta ekitabaijura! 8Omukono gwawe rundi okuguru kwawe obukuliba nukukutabaijura, okutemeho, okutaha omu bwomezi obuzirweho omukono rundi okuguru, okukira okunagwa omu mu’ro ogutahwaho nemikono ebiri rundi namaguru abiri. 9Baitu eriso lyawe obuliriba nirikutabaijura, oliihemu, olinage hara: kikusemerire okutaha omu bwomezi onyina eriso limu, okukira okunagwa omu Gehena eyomu’ro namaiso abiri. 10Mwerinde muleke kugaya omu hali banu abato; baitu nimbagambira nti Omu iguru bamaraika babu nibarora obutosa amaiso ga Isenyowe ali omu iguru. 11Baitu Omwana womuntu akaija okujuna ekinyakubuzire. 12Nimutekereza muta? Omuntu obwaba ayina entamaze kikumi, nentahi yazo emu ebuzire, tasiga ziri ekyenda mu mwenda, nagenda ha nsozi, nase’ra egi enyakubuzire? 13Kandi obwaba agizoire, mananukwo nimbagambira nti agisemere’rwa egi okugikiza ziri ekyenda mu mwenda ezitabuzireho. 14Nukwo Isenyowe ali omu iguru, tarukwenda omu hali banu abato okuhwereke’ra.

15Mwene wanyu obwaba nakusisa, genda omuhane, iwe nauwe inywenka: obwaba nakuhu’ra, buli otungire mwene wanyu. 16baitu obwatahu’ra, omu kanwa ka bakaiso babiri rundi basatu ebigambo byona bigumeho. 17Obwayanga okuhu’ra abo, ogambire ekanisa, kandi obwayanga okuhu’ra nekanisa, aikale namberoli nkomunyaihanga, nomuzinisa. 18Mananu nimbagambira ati Byona ebimuliboha hansi, birirbohwa omu iguru, kandi byona ebimuliboho’ra, kandi byona ebimuliboho’ra hansi, biriboho’rwa omu iguru. 19Kandi nimbagambira nti obubaliba babiri halinywe nibaterana hamu hansi obwekigambo kyona ekibalisaba, kiribako’rwa isenyowe ali omu iguru. 20Baitu rundi babiri rundi basatu nambere bagomere hamu omu ibara lyange, nanyowe ndi hagati yabu.

21Nubwo petero yaija namugambira ati Mukama wange, mwene waitu obwansisa ndihikya emi rundi ingaha okumuganyira? Okuhikya emiriundi musanju? 22Yesu yamugambira ati Tindukukugambira nti okuhikya emirundi musanju, baitu nti okuhikya emirundi ensanju emirundi musanju. 23Obukama obwomu iguru nukwo burukusisana nkomuntu akabali omukama, ayagondeze okubara omuhendo nabairube rubale. 24Obuyabandize okubara, bamuletera omu ouyatongire etaranta kakumi. 25Baitu obwakaba atanyina kyokumuma’ra, mukamawe yaragira okumugura, na mukaziwe, nabanabe, nebintu byona ebyakabayinabyo, nokumara ibanja. 26Omuiru rubale yagwa ahansi, namuramya, nagamba ati Mukama wange, ntonga mpora, nanyowe ndikuma’ra byona. 27Mukama womuiru ogu rubale yamuganyira, namulekera ibanja. 28kandi omuiru ogu rubale yaturuka, yatangana omuiru mutahiwe, owakaba natonga edinali kikumi, yamukwata yamugwa omu bikya namugambira ati Mara Ibanja lyange. 29Kandi omuiru mutahiwe yagwa ahansi, namwesengereza, nagamba ati Ntonga mpora, nanyowe ndikuma’ra. 30baitu yayanga; yagenda yamunaga omu nju yenkomo, obwalikahikya okumara ibanja. 31Kandi abairu rubale abatahibe, obubaboine ebibaireho, babihirwa muno, bagenda bagambira mukama wabu ebigambo byona ebibaireho. 32Nubwo mukamawe yamweta, yamugambira ati Iwe omuiru rubale, omubi, nkakuganyira ibanja lyona, 33obwokunyesengereza, naiwe tikikusemerire okuganyira omuiru omutahi wawe, nka nyowe okunakuganyire iwe? 34Mukamawe yabihirwa, yamuhayo hali abaduma, obwalikahikya okumara ibanja lyona. 35Nukwo ati Isenyowe ali omu Iguru, alibakora inywe, obumuraba mutarukuganyira inywena omu mitima bene banye.

Currently Selected:

MATAYO 18: BRR64

Highlight

Copy