MATAYO 17

1EBIRO mukaga obubyahinguireho, Yesu akatwara Petero na Yakobo na Yohana mugenziwe, yabatembya bonka orusozi oruraihire: 2yahindurwa omu maiso gabu: amaisoge nigamulikana nkizoba, nebyokujwarabye nibyera nkomusana. 3Dora Musa na Eriya bakababonekera nibabaza nauwe. 4Petero yagarukamu nagambira Yesu ati Mukama wange kisemire itwe okuikara hanu: obworaba nogonza ndayombeka hanu obuju busatu; akamu kawe, akandi ka Musa, akandi ka Eriya. 5Obwakaba nakyagamba, dora, ekicu ekirukwangasana kyabasikiriza: dora, niraka lyaruga omu kicu, nirigamba ngu Ogunuwe Mwana wange oungonza, ounkyanganukire muno: mumuhu’re. 6Abegeswa obubahulire, bagwa bajumaire, batinire muno. 7Yesu yaija yabakoraho, nagamba ati Muimuke, mutatina. 8Obubaimukize amaiso gabu, batabone muntu, rundi Yesu wenka.

9Obubakaba nibasirimuka ha rusozi, Yesu akabatere’ra nagamba ati Mutaligambira muntu ebimwolekerwe, okuhikya Omwana womuntu obwalikamara okuhumbuka omu bafu. 10Abegeswabe bamukaguza nibagamba ngu Mara kikyekibagambisa Abahandiki ngu Eriya kimuseme’ra okubanza kuija. 11Yagarukamu nagamba ati Eriya aija mali, alisemeza byona: 12baitu kuija, nabo batamumanye, baitu bakamukora nkokubayenzire. Nukwo ati Omwana womuntu alisalizibwa bo, 13Nubwo abegeswa bayetegereza ngu akabaza nabo ebya Yohana Omubatizi.

14Obubahikire hali ekitebe, hakaija namberali omuntu, namutereza amaju, nagamba ati Mukama wange, ganyira omwana wange, 15ganyira omwana wange: baitu agwa ensimbo, zimucanza muno: baitu enkanjaiga enyingi agwa omu mu’ro, kandi enkanjaiga enyingi agwa omu maizi. 16Nkamuletera abegeswa bawe, tibasobora kumukiza. 17Yesu yagarukakamu nagamba ati Inywe abobusinge obutarukuikiriza, oburukuhaba, ndihikya nkaha okuiha okubaganyira? Mumundetere hanu. 18Yesu yamucomera; omuzimu gwamurugaho: omwojo akaira okuruga omu kasumi ako. 19Kandi abegeswa bakaija hali Yesu omunsita, nibagamba ngu Kikyekitutangire itwe okusobora okugubinga? 20Yabagambira ati Obwokuikiriza okuingana nkakajuma akakaradali, muba mugambira orusozi runu ngu Duga hanu, genda hali; ruba rugenda; kandi busho kigambo ekiribalema. 21baitu omulingo gunu tigurukusobora kurugaho gunu tigurukusobora kurugaho obwekigambo, baitu obwokusaba.

22Obubakaba baikaire omu Galiraya,yesu Yabagambira ati Omwana womuntu nagenda okuhebwayo omu mikono yabantu; 23balimuita; naha kiro ekyakasatu alihumburwa. Baganya muno. 24Obubaizire omu kaperenaumu, abantu abanyakusoroza ediderakima bakaija hali Petero, nibagamba ngu Omwegesa wanyu tahonga ediderakima? 25yagamba ati Nagihonga. Obuyatahire omu nju, Yesu yamubanza okugamba ati Notekereza ota, Simoni? Abakama abensi nibahebwa ehozo rundi omusoro omu Bantu ki? omu bana babu, rundi omu banyaihanga? 26Obuyagambire ati Omu banyaihanga, Yesu yamugambira ati Nukwo abana nibo bobugabe. 27baitu itwe tutabatabaijura, ogende ha nyanja, onage ekisoha, oihemu encu erabana okuibu’ruka; obworakasamya akanwa kayo, orazoramu esitateri: niyo otwale, ogibahe habwange na habwawe.

Currently Selected:

MATAYO 17: BRR64

Highlight

Copy