MATAYO 15
15
1Kandi hakaija hali Yesu Abafalisayo nabahandiki abarugire Yerusalemu, nibagamba 2ngu Abegeswa bawe kiki ekibasisisa engeso ezitwahairwe hali abakuru? Baitu tibanaba omu ngaro obubalya ebyokulya. 3Yagarukamu nabagambira ati nainywe kiki ekibasisissa ekiragiro ekya Ruhanga obwengeso ezimwahairwe? 4Baitu Ruhanga akagamba ati Otinege ‘so na nyoko:kandi Anyakujuma ise rundi nyina, afere kimu. 5Kandi inywe mugamba ngu Wena obwaligambira ise rundi nyina ati Kyona ekinakukuhaire okukugasira nkihongire Ruhanga, 6alireka okutina ise. Mukaihaho ekigambo ekya Ruhanga obwengeso zanyu ezimwahairwe. 7Inywe abagobya, Isaya akaragura kurungi halinywe nagamba ati.
8Abatu banu nibantaho ekitinisa neminwa yabu:
Kandi omutima gwabu gundi hara.
9Baitu bandamiza busa,
Nigegesa ebiragiro ebyabantu, ngu nibyo byokukwata. 10Yayeta namberali ebitebe, yabagambira ati Muhu’re,mwetegereze: 11Ekinyakutaha omu kanwa tikiri nikyo ekisisa omuntu; baitu ekiruga omu kanwa tikiri nikyo ekisisa omuntu; baitu ekiruga omu kanwa, nikyo kisisa omuntu. 12Nubwo abegeswa baija nibamugambira ngu Omanyire Abafalisayo babihirwe obubahulire ekigambo eki? 13Baitu yagarukamu nagamba ati Ekibyawe kyona Isenyowe owomu iguru ekyatarabyaire kiryomberwamu. 14Mubaleke; bali bebembezi abafire amaiso. Baitu omufu wa maiso obwananata omufu wa maiso, bombi baligwa omukoina. 15Petero yagarukamu namugambira ati otusobo’re orufumo runu. 16Nauwe yagamba ati Landi nainywe na hati hona timuyina magezi? 17Timurukwetegereza ngu ekinyakutaha omu kanwa, kigenda munda, kinagwa aheru? 18Baitu ebituruka omu kanwa biruga omu mutima, nibyo bisisa omuntu. 19Baitu omu mutima, numwo haruga ebitekerezo ebibi, obuisi, obusihani, orwanju, obusuma, okuhangi’ra, okujuma; 20nibyo bisisa omuntu: baitu okulya atanabire omu ngaro, tikusisa omuntu.
21Yesu akarugayo, yagenda hali emitano yaturo na Sidoni. 22Kandi dora, omukazi Omukanani akaruga omu mitano egi, yayamio’ra haiguru nagmba ati Onganyire, ai Mukama wange, iwe Omwana wa Daudi: omuisiki wange akwasirwe muno omuzimu. 23Baitu atamugarukemu kigambo. Abegeswabe baija nibamwesengereza, nibagamba ngu Mwohereze; baitu natutokera enyuma. 24Baitu yagarukamu nagamba ati Ntatumwe, rundi hahi entama ezabuzire ezomu nju ya Usareri. 25Baitu yaija yamuramya, nagamba ati Mukama wange, njuna. 26Yagarukamu nagamba ati Tikiri kirungi okukwata ebyokulya ebyabana, okubinagira obubwa. 27Baitu yagamba ngu Nukwo, Mukama wange; baitu nobubwa bulya oburagalkika oburagara omu rwemo orwa bakama babwo. 28Yesu yagarukamu namugambira ati Iwe mukazi, okuikiriza kwawe kwingi: kibe namberoli nkokworukugonza. Omuisikiwe akakira okuruga ha kasumi ako.
29Yesu yarugayo yaija ha mugongo ogwenyanja ya Galiraya: yatemba ha rusozi, yaika’ra oku. 30Ebitebe bingi bikaija namberali, balesere abarukusenjura, nabatu bamaiso, nabafu bakanwa, nabaramaire, nabandi baingi, nibabata ha bigerebye; 31yabakiza: nukwo nebitebe okuhuni’ra byahuni’ra, obubaboine abafu bakanwa nibabza, nabaramaire bomire, nabarukusenjura nibagenda, nabafu bamaiso nibarora: bakugiza Ruhanga wa Isareri.
32Yesu aketa abegeswabe hali, nagamba ati Ninganyira abekitebe, baitu hati bamazire nanyowe ebiro bisatu batanyina byokulya: nanyowe tindukwenda kubohereza bairirwe, batagwa ensazi omu muhanda. 33Abegeswa bamugambira ngu Turaiha nkaha emigati mingi eti omu irungu, okuigusa ekitebe ekingi ekirukwingana hanu?
34Yesu yabagambira ati muyina emigati ingaha?
35Bagamba ngu musanju, nencu nke.
36Yaragira ebitebe okuika`ra ahansi; yakwata emigati musanju nencu; yasima, yacwamu, yagiha abegeswa,nabegeswanabegeswa bagabira ebitebe.
37Bakalwa bona nibaiguta, kandi bakasoroza oburagalika obwasigireho,ebigega ebiijuire musanju.
38Nabo abalire bakaba bali abasaija enkumi ina, abakazi nabana bato okutababaraho.
39Yayohereza ebitebe, yagwe`ra omu bwato,yataha omu mitano eya magadani.
Currently Selected:
MATAYO 15: BRR64
Highlight
Share
Copy
Want to have your highlights saved across all your devices? Sign up or sign in
Bible in Runyoro-Rutooro 1964 Version © Bible Society of Uganda, 1964.
