MATAYO 14

1OMU biro ebi Herode omunyoro mukuru akahu’ra okuranganwa kwa Yesu; 2yagambira abairube ati Ogu nuwe Yohana Omubatizi: ahumbukire omu bafu; nikyo ebyamani binu biko’ra omuluwe. 3Baitu Herode akaba akwasire Yohana, yamuboha, yamuta omu nju yenkomo habwa Herodiya, muka Firipo mugenziwe. 4Baitu Yohana akamugambira ati Kibi iwe okuba nauwe, 5Obwakaba nayenda okumuita, yatina abantu, baitu bakaba nibamutekereza okuba nabi. 6Baitu obukyahikire ekiro ekyokuijuka okuzarwa kwa Herode, omuisiki wa Herodiya akatera entogoro omu maiso gabu, nasemeza Herode. 7Kandi akarahira, namuraganiza okumuha kyona kyona ekyarasaba. 8Nauwe obuyaragirwe nyina, yagamba ati Mpera hanu omu rucuba omutwe gwa Yahana Omubatizi. 9Omukama yasalirwa; baitu habwebirahirobye, na habwabu abakaba baikalire nauwe ha byokulya, yaragira okugumuha; 10yatuma okucwaho Yohana omutwe omu nju yenkomo 11Baleta omutwegwe omu rucuba, baguha omuisiki: yaguletera nyina. 12Abegeswabe bakaija, bahimba omutumbi, bamuzika: bagenda batebeza Yesu.

13Kandi Yesu obuyahulire, yarugayo omu bwato, yagenda hali irungu omunsita: ebitebe obubyahulire, bakaruga omu mbuga nibamukuratira, nibaraba ha mugongo. 14Yarugayo, yarora ekitebe kingi, yabaganyira, nakiza abarwaire babu, 15Obuire obubwaizire, abegeswa bakaija namberali, nibagamba ngu Hanu irungu, obuire bwasa kwira; oyohereze abantu, bagende omu maka, begu’ra ebyokulya. 16Baitu Yesu yabagambira ati Busaho ekirikubabinga; inywe mubahe ebyokulya. 17Bamugambira ngu Titunyinabyo hanu, rundi emigati etano nencu ibiri. 18Yagamba ati Mubindetere hanu. 19Yaragira ebitebe okuika’ra ha bunyansi; yatwara emigati etano nencu ibiri, yacwa emigati, yagiha ebegeswa, abegeswa bagabira ebitebe. 20Bakalya bona, nibaiguta, kandi bakasoroza oburagalika obwasigaireho, ebigega ikumi na bibiri ebiijuire. 21Nabo abalire bakaba bali absaija nkenkumi itano, abakazi na bana bato okutabaraho.

22Ahonaha akaragira abageswa okugwe’ra omu bwato, bamwebembere okugenda nseri, amale okwohereza ebitebe. 23Obuyamazire okwohereza ebitebe, yatemba ha rusozi wenka okusaba. Obuire obubwaizire akabaliyo wenka. 24Baitu obwato bukaba gubaturukire omu maiso. 25Kandi ekiro, omu kisissimuka ekyakana, akaija namberebali, nagendera ha nyanja. 26Abegeswa obubamuboine nage ndera ha nyanja, batuntura, nibagamba ngu Muzimu! Byanuza obwokutina. 27Ahonaho Yesu yabaza nabo, nagamba ati Mugarukemu omu mutima; ninyowe onu; mutatina. 28Petero yamugarukamu nagamba ati Mukama wange, obworaba oli iwe, ngambira nyije namberoli ha maizi. 29Yagamba ati Ija. Petero yaruga omu bwato, yagendera ha maizi, okugenda hali Yesu. 30baitu obuyoboine omuyaga, yatina; nabanza okudikira, yayami’ra nagamba ati Mukama wange, njuna. 31Ahonaho Yesu yago’ra omukono, yamukwata namugambira ati Iwe ayina okuikiriza okuke, kiki ekikugurukisagurukisa? 32Obubagwerire omubwato, omuyaga gwaculere. 33Abakba bali omu bwato bamuramya, nibagamba ngu Mazimakwo niwe mwana wa Ruhanga.

34Obubamazire okwambuka, bahika ha mugongo ogwa Genezalesi. 35Abantu bayo obubamumanyirire, batuma omu nsi egi yona enyakuhe’raine, bamuletera abarwaire bona, 36nibamwesengereza rundi bakoleho kwonka ha mukugiro ogwenkasenzuye: bona abakozireho bakaki’ra kimu.

Currently Selected:

MATAYO 14: BRR64

Highlight

Copy