MATAYO 13

1HA kiro eki Yesu akaturuka omu nju, yaika’ra ha nyanja. 2Ebitebe bingi byamuso’rokaniraho, yagwe’ra omu bwato, yaika’ra; ekitebe kyona kyemerire ha musa. 3Yabaza nabo bingi omu nfumo, nagamba ati Dora, omusigi akatura okusiga; 4kandi, obwakaba nasiga, embibo emu yagwa ha muhanda rubaju, enyonyi zaija zagisoma: 5nendi yagwa ha myandara, nambere hatali itaka lingi:ahonaho yamera.baitu itaka likaba litali lingi: 6izoba obulyaturukire yahotoka, baitu ekaba etanyina mihama, yayoma. 7Nendi yagwa ha mahwa; namahwa gamera gaginyoroza: 8nendi yagwa ha itaka erisemire, yayana ebyana, endi kikumi. Endi enkaga, endi amakumi asatu. 9Anyakkuina amatu ahu’re. 10Abegeswabe bakaija nibamugambira ngu Kikyekikugambisa nabo omu nfumo? 11Yagarukamu nabagambira ati Inywe muhairwe okumanya ebigambo byensita ebyobukama obwomu iguru, baitu abo tibahairwe; 12baitu wena anyakuina alihebwa, kandi alisagisaho, baitu wena atanyina aliihwaho nekyanyinakyo. 13Nikyo mbagambi’ra abo omu nfumo, baitu obubarora, tibarukubona, obubahu’ra tibarukuhu’ra, nokwakuba okwetegereza. 14Baitu Isaya ebiyaraguire bibahikirireho ebiyagambire ati

Okuhu’ra mulihu’ra, kandi timulihabuka;

Okubona mulibona kandi timulyetegereza:

15Baitu omutima gwabantu banu guyina ebisajwa,

Namatu gabu nigahu’ra kubi,

Namaiso gabu bagaigaire;

Rundi batabona namaiso gabu,

Nokuhu’ra namatu gabu,

Nokwetegereza nomutuma,

Nokuhinduka,

Nyowe mbakize.

16Baitu amaiso ganyu gayina omugisa, baitu nigarora; namatu ganyu, baitu nigahu’ra. 17Baitu mananukwo nimbagambira nti Banabi baingi nabantu abahikirire baingi abagondeze okurora ebimurukorora, tibabirora: nokuhu’ra ebimurukuhu’ra, 18tibabibu’ra. Nukwo inywe muhu’re orufumo orwomusigi. 19Wena obwahu’ra ekigambo ekyobukama atarukukimanya, omubi aija, nasahura ekinyakusigirwe omu mutimagwe. Ogu nuwe asigirwe ha muhanda rubaju. 20Nogu asigirwe ha myandara nuwogu anyakuhu’ra ekigambo, ahonaho akiikiriza nokusemererwa; 21baitu tanyina mihama omundaye, baitu aikaraho kake; obwasanga obujune rundi okuhigwa obwekigambo, ahonaho atabaijuka. 22Nogu asigirwe omu mahwa, nuwogu anyakuhu’ra ekigambo, nokutabana okwensi, nebisuba ebiitungo bihukya ekigambo, nauwe tayana. 23Nogu asigirwe ha itaka erisemire, nuwogu anyakuhu’ra ekigambo nakyetegereza: nuwe ayana mali ebyana, ondi aleta kikumi, ondi enkaga, ondi amakumi asatu.

24Kandi akabacwera orufumo rundi, nabagambira ati Obukama obwomu iguru nubusisanizibwa nkomuntu ayasigire embibo esemire omu ruharorwe: 25baitu obwabantu bakaba bagwijagire, hakaija omunyanzigwawe nasiga emberya omu buro, yagenda. 26Baitu obubwayarukire, nubutungu’ra, emberya ekaboneka nayo. 27Abairu rubale banyineka baija nibamugambira ngu Tata, otasige mbibo esemire omu ruharo rwawe, baitu ekaba eta okubamu emberya? 28Yabagambira ati Omunyanzigwa nuwe yakozire kinu. Abairu rubale bamugambira ngu Noyenda tugende tuzomberemu? 29Baitu yagamba ati Nangwa, rundi obumuraba nimwomberamu emberya, muratwaranizamu noburo. 30Muleke binyete byona, bihike ha magesa: omu biro ebyokugesa ndigambira abagesi nti Mubanze musoroze emberya, muzibohe enganda bazokye: baitu oburo mubuhunike oku maguli gange.

31Yabacwera orufumo orundi, nagamba ati Obukama obwomu iguru nibusisana nkakajuma kakaradali, omuntu akayatwaire nakabyara omu misiriye: 32niko kake okukira embibo yona, baituobukanyeta kaba kakoto okukira obunyansi bwona, kafoka omuti, enyonyi ezomu mwanya ziija ziikara omu matagi gagwo.

33Yabacwera orufumo orundi; Obukama obwomu iguru nibusisana nkekitumbisa, omukazi ekiyatwaire nakisereka omu ndengo isatu ezensano, yona yatumbira kimu.

34Ebigambo ebi byona Yesu akabigambira ebitebe omu nfumo; kandi hatali rufumo 35atabagambire kigambo; kihiki’re ekyagambrwe na bi ngu

Ndyasama akanwa kange omu nfumo;

Ndireta ebigambo ebyaserekerwe okuruga ha kuhangwa kwensi.

36Kandi yaraga ebitebe, yataha omu nju: abegeswabe baija namberali nibagamba ngu Otusobo’re orufumo orwemberya eyomu ruharo. 37Yagarukamu nagamba ati Ogu anyakusiga embibo esemire nuwe Mwana womuntu; 38oruharo niyo ensi; nembibo esemire, abo nibo bana bobukama; emberya nibo ba bumubi; 39omunyanzigwa ayabasigire nuwe Setani: amagesa niyo empero yensi; abagesi nibo bamaraika. 40Nukwo nkemberya okuzisorozebwa okwokebwa omu mu’ro; nukwo kiriba kiti hampero yensi. 41Omwana womuntu alituma bamaraikabe, kandi baliiha omu bukamabwe byona ebitabaijura, 42nabo abanyakukora obubi, balibanaga omu komi eyomu’ro; nambere halibamu oku’ra nokunema ensaya. 43Nubwo abantu abahikirire balyengasana nkizoba omu bukama obwa Isebo. Anyakuina amatu, ahu’re.

44Obukama obwomu iguru nibusisana nkekiitungo ekyaserekerwe omu musiri; omuntu ekiyaboine nakisereka; obwokusemererwakwe yagenda yagura ebyanyanabyo byona, yagura omusiri ogu.

45Kandi, obukama obwomu iguru nibusisana nkomuntu omuguzi, arukuse’ra eruru eziseimire: 46obuyazoire eruru emu eyomuhendo omwingi, yagenda yagura ebyakabanyinabyo byona, yagigura.

47Kandi, obukama obwomu iguru nibusisana nkekunyege, ekibanagire omu nyanja, nikisoroza emiringo yona: 48obukyaijuire bakicundira ha musa; baika’ra ahansi, basororamu ebisemire omu bicunku, baitu ebibi babinaga. 49Nukwo kiriba kiti ha mpero yensi: bamaraika baliija, balisobora abantu ababi omu bahikirire, 50balibanaga omu komi eyomu’ro: nambere halibamu oku’ra nokunena ensaya. 51Mwetegerize ebigambo binu byona? Bamugambira ngu Ego. 52Yabagambira ati Nukwo omuhandiki wena anyakwegesibwe ebyobukama obwomu iguru asisana nomuntu ali nyineka, aiha omu lyahu’rolye ebintu ebihyaka nebikuru.

53Kandi kyahika Yesu Obuyamazireho enfumo zinu, yarugayo. 54Obuyatahire omu nsi yawabu yabegesa omu iso’rokaniro lyabu, nabo bahuni’ra muno, nibagamba ngu Ogu akaiha nkaha amagezi ganu, nebyamani binu? 55Tinuwogu omwana womubazi? nyina tinuwe ayetwa Malyamu, nabanyina tinibo Yakobo, na Yusufu, na Simoni, na Yuda? 56Na banyanya bona tibali owaitu? Nukwo onu akaiha nkaha ebigambo binu byona? 57Bakatabaijuka haluwe. Baitu Yesu yabagambira ati Nabi taburwa kitinisa, rundi omu nsi yowabu, 58nomu nju yowabu. Kandi atakoleyo ebyamani bingi, obwokutairiza kwabu.

Currently Selected:

MATAYO 13: BRR64

Highlight

Copy