LUKA 4

1KANDI Yesy, aijuire Omwoyo Ogurukwera, yagaruka arugire Yorudani, yatwarwa Omwoyo omu irungu, okumarayo 2ebiro amakumi ana, nayohebwa Setani. Kandi atalye kantu omu biro ebi: obubahoireho yarumwa enjara. 3Setani yamugambira ati Obworaba oli Mwana wa Ruhanga, gambira ibale linu lofoke ebyokulya. 4Yesu yamugarukamu ati Kihandikwa ngu Omuntu tabamwomezi na byokulya byobka. 5Kandi yamutembya, yamwoleka obukama bwona obwomu nsi zona omu kike. 6Setani yamugambira ati Ndakuha iwe obusobozi bunu bwona, nekitinisa kyamu: baitu nkahebwa nyowe; kandi ngabira oungonza wena. 7Nukwo obworandamya omu maiso gange, bwona buraba bwawe. 8Yesu yagarukamu namugambira ati Kikahandikwa ngu Oramyege Mukama Ruhanga wawe, nuwe oherezege wenka. 9Kandi yamutwara Yerusalemu, yamuta ha nsuku ya yekaru, yamugambira ati Obworaba oli Mwana wa Ruhanga, ruga hanu oyesimbe hansi: 10baitu kikahandikwa ngu

Alikuragi’ra bamaraikabe, bakulindire kimu;

11kandi ngu,

Balikukwati’ra omu mikono yabu,

Otahendeka kigere kyawe ha ibale, 12Yesu yagarukamu namugambira ati Kikagambwa ngu Otalyohya Mukama Ruhanga wawe.

13Kandi Setan obuyamazire ebyohyo byona, yamurugaho ekicu.

14Kandi Yesu akagarukayo

Galiraya omu mani Gomwoyo: okuranganwakwe kwahika omu nsi zona ezinyakuhe’raine. 15Kandi yayegesega omu maso’rokaniro gabu bona nibamunyumiza.

16Kandi akaija Nazalesi, nambere yakulire: yataha omu iso’rokaniro ha kiro kya Sabiti, nkengesoze okuzikaba ziri, yaimuka okusoma. 17Bamuha ekitabu ekya nabi Isaya. Yasukura ekitabu, nazora ekicweka nambere kihandikirwe ngu 18Omwoyo gwa Mukama guli hali nyowe,

Baitu akansesaho amagita okutebeza abesege ebigambo ebirungi;

Akantuma okutebeza okulekerwa hali abanyankomo,

Nokuigura amaiso gabafu bamaiso,

Okukera abasasanguirwe,

19Okutebeza omwaka gwa Mukama ogurukuikirizibwa. 20Kandi yasweka ekitabu, yakigaru’ra omuhereza, yaika’ra; abantu bona abakaba bali omu iso’rokaniro nibamugamyaho amaiso. 21Kandi yabanza okubagambira ati Hati ebyahandikirwe binu bihikirizibwe omu matu ganyu. 22Bona bamuranga, nibahuni’ra obwebigambo bye mbabazi ebyarugire omu kanwake: nibagamba ngu Tinu onu mwana wa Yusufu? 23Yabagambira ati Mananukwo murancwera orufumo runu, Omufumu oyejune wenka: byona ebitwahulire bikolirwe Kaperenamu, obikolere na hanu omu nsi yowanyu. 24Ygamba ati Mananukwo nimbagambira nti Busaho nabi aikirizibwa omu nsi yowabu. 25Baitu mazimakwo nimbagambira nti Hakaba haloho bafakati baingi omu Isareri omu biro bya Eriya, iguru obulyakingirweho emyaka esatu namezi mukaga, ekihe kingi obukyahikire ha nsi yona; 26Kandi Eriya atatumwe halibo, rundi hali Zalefasi yonka, omu nsi ya Sidoni, hali omukazi omu fakati. 27Kandi hakaba haloho abagenge baingi omu Isareri omu biro bya nabi Erisa; baitu batasemerebwe nomu, rundi Namani wenka Omusuli. 28Kandi baijura bona ekiniga abakaba bali omu iso’rokaniro, 29obubahulire ebi; baimuka, bamunaga heru yorubuga, bamutwara hakihanga kyorusozi orubayombekereho orubuga rwabu, bamunage hansi. 30Baitu akabarabamu hagati, yagenda. 31Kandi akasirimuka hali Kaperenauma, orubuga orwomu Galiraya. Akaba nabegesa ha kiro kya Sabiti: 32nibahuni’ra obwokwegesakwe; baitu ekigambokye kikaba kinyina obusobozi. 33Kandi omu iso’rokaniro hakaba harumu omuntu akabaloho omuzimu omuntu akabaloho omuzima ogubihire; 34yayamuza iraka lokoto ati Mawe, tujunaine ki itwe naiwe, iwe Yesu owa Nazalesi? Oizire okutihwerekereza? Nkumanyire okwoli, niwe arukwera wa Ruhanga. 35Yesu yamucomera, nagamba ati Culera, murugeho.

Kandi omuzimu obugwamunagire ahansi hagati yabu, gwamurugaho gutamukozire kabi.

36Okuhuni’ra kwabakwata bona, kandi bagambirangana bonka ngu Ekigambo kinu kiki? Baitu nobusobozi namani nukwo aragira emizimu emibi, erugamu. 37Kandi okuranganwakwe kuhahika omu biikaro byona ebyomunsi ezihe’raine. 38Kandi akaimuka, raruga omu iso’rokaniro, yataha omu nju ya Simoni.Nyinazara Simoni akaba akwasirwe omusaija omwingi; bamwesengereza habwe. 39Yayeme’ra namberali, yacomera omusaija; gwamurugaho: ahonaho yaimuka yabahereza. 40Kandi izoba obulikaba nirigwa abo bona abakaba banyina abarwaire abarwaire, endwara ezindi nezindi babaleta namberali; yabataho emikono bona bona, nabakiza. 41Emizimu nayo ekaruga omu baingi, neyamuza negamba ngu baingi, neyamuza negamba ngu Niwe Mwana wa Ruhanga. Yagitanga atarukugiikiriza okugamba, baitu ekamumanya nuwe Kristo. 42Kandi obuire obubwakire yarugayo, yagenda omu kiikaro nambere hatarumu bantu: abebitebe bamuse’ra, nibaija namberali, nibenda okumutanga, atabarugaho. 43Baitu yabagambira ati Kimpikirire okutebeza ebigambo ebirungi ebyobukama bwa Ruhanga nomu mbuga ezindi: baitu nikyo natumirwe. 44Kandi yatebezaga omu masorokaniro ga Galiraya.

Currently Selected:

LUKA 4: BRR64

Highlight

Copy