LUKA 3

1KANDI omu mwaka ogwa ikumi netano omu businge bwa Tiberio Kaisali, Pontio Pirato obwakabali omulemi wa Buyudaya, na Herose obwakabali omunyoro omukuru owa Galiraya, na mugenziwe Firipo obwakabali omunyoro omukuru owensi za Ituliya na Tirakoniti, na Lusaniya obwakabali omunyoro omukuru owa Abirene; 2na Ana na Kayafa obubakaba bali banyakatagara abakuru babu, ekigambo kya Ruhanga kikaizira Yohana, omwana wa Zakaliya, ali omu irungu. 3Kandi yaija omu nsi zona ezinyakuhe’raine Yorudani, natebeza okubatizibwa okwokwegarukamu obwokuihibwaho ebibi;

4Nkokukyahandikirwe omu kitabu ekyebigambo bya nabi Isaya ngu

Iraka lyogu rukwami’ra omu irungu,

Mutekanize ikute lya Mukama,

Muterekereze emihandaye.

5Ebihanga byona biriijuzibwa,

Nensozi zona nobusozi biribonezebwa,

Nebiramire birigorwa,

Nemihanda etaterekerire eriterekerezebwa,

6Nabanyakuina omubiri bona bilarora okujuna kwa Ruhanga. 7Kandi akagambira ebitebe ebyaijaga okubatizibwa uwe ati

Inywe abana benjoka, noha yabahabuire okuiruka ekiniga ekirukugenda kuija?

8Nukwo mwane ebyana ebirukuseme’ra okwegarukamu, kandi mutabanza okugamba omu nda yanyu ngu Itwe tunyina isenkuruitwe Iburahimu: baitu nimbagambira nti Ruhanga nasobora okufora amabale ganu abana ba Iburahimu. 9Na hati bunu ebdyamiti etairwe ha kikoro kyemiti: nukwo omuti gwona ogutarukwana byona ebisemire bagutema, bagunaga mu mu’ro. 10Abebitembe bamukaguza ngu Kandi turagira tuta? 11Yagarukamu nabagambira ati Anyakuina ebyesomeko bibiri, amuheho ogu atanyinakyo; nanyakuina ebyokulya, nukwo agire ati. 12Kandi hakaija namberali nabazinisa okubatizibwa, bamugambira tuta? 13Yabagambira ati Mutalizinisa bingi okukira ebibabaragira. 14Nabagambira ati Mutaligiza mani omuntu wena, nobukwakuba okutonga okubi; munihege empera yanyu. 15Kandi abantu obubakaba nibategereza, bona batekerize omu mitima yabu ebya Yohana, rundi araba nuwe Kristo; 16Yohana yagarukamu nabagambira bona ati Mananukwo nyowe, orukoba rwenkaitoze tinsukuseme’ra okuruboho’ra; ogu alibabatiza Nomwyo Ogurukwera nomu’ro: 17orugalirwe duli omu mukonogwe, okusemereza kimu orubugarwe, nokusoroleza oburo omu nguliye; baitu ebisunga alibyokya nomu’ro ogutarara. 18Kandi yabagambi’raga ebindi bingi, natebeza abantu ebigambo ebirungi; 19baitu Herode, omunyoro omukuru, obuyamuhanire obwa Herodiya mukazi womugenziwe Firipo, nobwebibi byona Herode ebiyakozire, 20yayongeraho kinu, yakwata Yohana namuta omu nju yenkomo. 21Kyahika, abantu bona obubamazire okubatizibwa, na Yesu obuyamazire okubatizibwa, obwakaba nasaba, iguru lyasukuka, 22Omwoyo Ogurukwera yasirimuka haluwe omu kisisani kyomubiri nkeriba, niraka lyaruga omu irungu ngu Niwe mwana wange oundukugonza; nkusemererirwe muno. 23Kandi Yesu wenka obuyabandize okwegesa akaba amazire emyaka nkamakumi asatu, ali mwana wa Yusufu (nkokubatekerize,) 24owa Heri, owa Matati, owa Levi, owa Mereki, owa 25Yanai, owa Yusufu, owa Matasiya, owa Amosi, owa Nahumu, owa Eseri, owa Nagai, owa Maasi, 26owa Matasiya, owa Semeini 27owa Yoseka, owa Yoda, owa Yohanani, owa Lesa, owa Zerubaberi, owa Sealityeri owa Neri, 28owa Mereki, owa Adi, owa Kosamu, owa Erimadamu, owa Era, 29owa Yesu, owa Eryeza, owa Yolimu, owa Matati, owa Levi 30owa Simeoni, owa Yuda, owa

Yusufu, owa Yonamu, owa

31Eriakimu, owa Merea, owa Mena, owa Matasa, owa Nasani, 32owa Daudi, owa Yese, owa

Obeda, owa Boazi, owa Salimoni,

33owa Nahasoni, owa Aminadabu, owa Alini, owa Hezeroni 34owa Perezi, owa Yuda, owa Yakobo, owa Isaka, owa Iburahimu, owa Tera, owa Nahora, 35owa Seruga, owa Leu, owa Peregi, 36owa Eber, owa Sera, owa Kainani, owa Apakisadi, owa semu, owa Apakisadi, owa Semu, owa Nuha, owa Lameka, 37owa Mesusera owa Enoka, owa Yaleda, owa Maharaleri, 38owa Kainani, owa Enosi, owa Sezi, owa Adamu, owa Ruhanga.

Currently Selected:

LUKA 3: BRR64

Highlight

Copy