YOBU 37
37
1KANDI neki kikatukumiza omutima gwange,
Kandi gutengesebwa okuihwa omu kiikaro kyagwo.
2Muhu’re okuhinda okwirakalye,
Kandi okuhinda okurukuruga omu kanwake.
3Akusindika kugenda hansi yiguru lyona,
Nokumulikyakwe okuhikya empero zensi.
4Hanyuma yoku iraka lihinda;
Ahinda niraka eryobukurubwe:
Kunu tabitanga irakalye obulihu’rwa.
5Ruhanga ahinda mahano nirakalye;
Akora ebikuru ebitutasobora okwetegereza.
6Baitu agambira ebiraka ati Gwa hansi;
Nukwo noruhuherwe,
Nobutonyatonya obwenjuraye eyamani.
7Aboha nemanyikirizo omukono gwomuntu wean;
Abantu bona abayakozire bakimanye.
8Nubwo enyamaiswa zigenda omu biikaro ebyensita,
Ziikara omu buingira bwazo.
9Omu mwanya gwobukizi bwobulyo nuho haruga ekiyaga:
Nembeho eruga obukizi bwemoso.
10Habworwoya rwa Ruhanga amaizi gakwata:
Kandi amaizi gafunda nambere gagaliha.
11Ego, aijuza ekicu ekikwasire namaizi;
Abamba hona ekicu ekyenkubaye:
12Kandi kihindurwahindurwa habwokuterekerezabwe,
Bikole kyona ekyabiragira
Haruguru yensi yona nambere abantu baikara:
13Nobukiraba kiri habwokubonabonesa, rundi habwensiye,
Rundi habwokuganyira, akireta.
14Hu’ra kinu, iwe Yobu:
Yeme’ra, otekereze emirimo ya Ruhanga eyamahano.
15Omanyire Ruhanga okwabitere’ra,
Nayakya enkuba eyekicukye?
16Omanyire okuterekerezebwa okwebicu,
Emirimo eyamahano eyogu ahikirire omu kumanya?
17Ebyokujwara byawe okubitagata,
Ensi obweculera habwomuyaga oguruga obukizi bwobulyo?
18Nosobora okubamba iguru hamu nauwe,
Amani galyo agarukuingana nendo’rwamu eyagibwe?
19Twegese ebituramugambira;
Baitu titurukusobora okutekereza ebigambo byaitu habwomuirima.
20Aragambirwa ngu ningonza okugamba?
Rundi omuntu yakugondeze okumumi’rwa?
21Kandi hati bunu abantu tibarora omusana ogurukwangasana omu iguru:
Baitu omuyaga guhinguraho, gulisemeza.
22Omu bukizi bwemoso haruga ekitinisa ekyezabu:
Ruhanga aloho abukuru oburukutinwa.
23Ebyowobusobozi bwona, titurukusobora okumuse’ra; nakira bona obusobozi:
Kandi omu misango nomubulyo obwokuhiki’ra talibonabonesa.
24Abantu nikyo bamutinira:
Tabataho omutima abo bona abanyina emitima eyamagezi.
Currently Selected:
YOBU 37: BRR64
Highlight
Share
Copy
Want to have your highlights saved across all your devices? Sign up or sign in
Bible in Runyoro-Rutooro 1964 Version © Bible Society of Uganda, 1964.
