EKYABACWI BEMISANGO 9

1KANDI Abimereki mutabani wa yerubaali akagenda Sekemu hali banyinarumi, yabaza nabo na bona abomu nju ya ise 2nyina nagamba ati Mbesengerize mugambe omu matu gabasaija ba Sekemu bona muti Ekirukukira okubagasira kiraha, rundi batabani bona aba Yerubaali, abantu nsanju okubalemaga, rundi omuntu omu abaleme wenka? Kandi muijuke nanyowe ndi wa ha maigufa ganyu na ha mubiri gwanyu. 3kandi abanyanya nyina bamugambaho ebigambo ebi byona omu matu gabasaija aba sekemu bona: emitima yabu yagonza okukuratira Abimereki; baitu bakagamba ngu Mugenzi waitu. 4Kandi bamuha ebicweka ebyefeza ensanju ebibaihire omu nju ya Baali-berisi, Abimereki yaguli’ra abasaija abatali barungi,nabatali bokwesiga abamukuratiraga. 5Yagenda hali enju ya ise omu Ofura, yaita bagenzibe batabani ba yerubaali ha ibale limu, abantu ensanju: baitu Yosamu omwana omuto owa Yerubaali yasagaho; baitu akesereka.

6Kandi abasaija bona aba Sekemu bakesoroza hamu na bona abenju ya Miro, bagenda bafora Abimereki omukama, haihi nomuhomozi ogwenyomyo ogukaba guli omu Sekemu. 7Kandi obubakitebize Yosamu, yagenda yayeme’ra ha ruguru yorusozi Gerizimu, yaimukya irakalye yayami’ra nabagambira ati Muhu’re nyowe inywe. 8Emiti ekaturuka okwekomera omukama okugirema; yagambira omuti omuzeituni eti Iwe otulemege. 9Baitu omuti omuzeituni gwagigambira guti Nyowe kinsemerire okuleka oburungi bwange obubanyihaho okutaho ekitinisa Ruhanga nabantu, ngende oku 10yungayunga ha miti? Emiti yagambira omuti omutini eti Ija iwe, otulemege. 11baitu omuti omutini gwagigambira guti Nyowe kinsemerire okuleka okunuli’ra kwange, nebyana byange ebirungi, ngende okuyungayunga ha miti? 12Emiti yagambira omuzabibu eti Ija iwe otulemege. 13Omuzabibu gwagigambira guti Nyowe kinsemerire okuleka amarwa gange, agarukusemeza Ruhanga nabantu, ngende okuyungayunga ha miti? 14Nubwo emiti yona yagambire amake’re eti Ija iwe otaleme. 15Amake’re gagambira emiti gati Obumusesaho amagita okuba omukama mali mali, muije mwesige ekiituru kyange: baitu obukiraba kitalikyo omu’ro guruge omu make’re gumaleho emikogoto ymu lebanoni. 16Nukwo hati bunu, obumuraba mukozire kurungi yerubaali nenjuye, kandi obumumukozire kurungi nkemikonoye owehikirire okukorwa; 17(baitu isenyowe akabarwani’ra, atatini’re obwomezibwe, kandi yaajuna omu mukono gwa Midiani: 18Kandi muimukirire enju ya Isenyowe hakiro kinu, kandi muisire batabanibe, abantu ensanju, ha ibale limu, ka mufoire Abimereki, omwana womuzanawe, omukama okulema abasaija ba Sekemu, baitu mugenzi wanyu); 19nukwo obumuraba mukozire namazima nobulyo Yerubaali nenjuye ha kiro kinu, musemererwe omu Abimereki, nauwe asemererwe omulinywe: 20baitu obukiraba kitalikyo, omu’ro guruge hali Abimereki, gumire abasaija ba Sekemu, nenju ya Miro; gumire Abimereki. 21Yosamu yairuka, yagenda bwango Beeri, yaikarayo habwokukutina Abimereki mugenziwe.

22Kandi Abimereki yaba mukuru okulema Isareri emyaka esatu. 23kandi Ruhanga yatuma omuzimu omubi okubaganiza Abimereki nabasaija basekemu; abasaija ba sekemu bagiri’ra Abimereki obugobya: 24nukwo itima eryakozirwe batabani ba yerubaali ensanju ligaruke, nesagama yabu, eju nauwe hali Abimereki mugenzi wabu ayabaisire, na hali abasaija ba sekemu, abahaire emikonoye amani okuita bagenzibe. 25Abasaija ba sekemu bataho abokumugwera ha nsozi eruguru, kandi banyaga bona abarabaga omu muhanda ogu nambere bakaba bali: kandi bakitebeza Abimereki.

26Na gaali mutabani wa Ebedi akaija hamu nabagenzibe, yayambuka yagenda Sekemu: abasaija ba sekemu bamwesiga. 27Baturuka bagenda omu musiri, banoga engonjo zabu ezemizabibu, bajunga emizabibu, bacumba obugenyi, bataha omu nju yomucwezi wabu, balyabanywa, bakyena Abimereki. 28Kandi Gaali mutabani wa Ebedi yagamba ati Abimereki noha, na sekemu noha, itwe okumuko’ra? Tinuwe mutabani wa yerubaali? Na Zebuli mukozawe? inywe muko’re abantu ba hamora ise sekemu: baitu kiki ekituhambiriza itwe okumuko’ra 29Kuba abantu banu babaire bali omu mukono gwange! mba ninyihaho abimereki. Yagambira Abimereki ati Yongeraho ihe lyawe orugeyo. 30kandi zebuli omulemi worubuga obuyahulire ebigambo bya Gaali mutabani wa Ebedi, ekinigakye kyayaka. 31yatuma abakwenda hali Abimereki namagezi nagamba ati Dora, Gaali mutabani wa Ebedi nabagenzibe baizire sekemu; kandi dora, nibahambiriza orubuga okukwemera. 32Nukwo hati bunu, imuka ekiro, iwe nabantu abali naiwe, yoesereke omu iswa: 33kandi kiraba kiti, nyenkya izoba obulirakarugayo, naiwe orazinduka okuimuka nogota orubuga: kandi dora, uwe nabantu abali nauwe obubararugayo okukurwanisa, nubwo olisobora okubakora nkokworabona omwanya.

34Kandi Abimereki Yaimuka ekiro, nabantu bona abakaba bali nauwe, bayesereke’ra sekemu omu bihanda bina. 35na Gaali mutabani wa Ebedi yaturuka, yayeme’ra omu mulyango gwirembo ryorubuga: Abimereki yaimuka nabantu abakaba bali nauwe omu kyetindo. 36Kandi Gaali obuyaboine abantu yagambira Zebuli ati Dora,abantu nibasirimuka eruguru yensozi.Zebuli yamugambira ati Oboine ekiituru ekyensozi nikisisana Nkabantu. 37Gaali yagarukamu nagamba ati Dora, nihaija abantu nibasirimuka hagati yensi, nekihanda ekimu nikiretwa omu muhanda ogwomuhomozi gwa Meonenimu. 38Nubwo Zebuli yamugambira ati hati bunu akanwa kawe kali nkaha, obuwagambire oti Abimereki noha, itwe tumuko’re? Tinibo abo abantu abawagayire? Turuka hati bunu nkwesengerize, 39Obarwanise. Gaali yaturuka omu maiso gabasaija ba sekemu, yarwanisa Abimereki. 40abimereki yamubinga, yairuka omu maisoge, baingi bagwa nahutaire, nokuhikya omulyango ogwirembo. 41Abimereki yataha Aruma: kandi Zebuli yabingamu Gaali na bagenzibe, baleke okutaha sekemu. 42Kandi kyahika nyenkya, abantu baturuka, bagenda omu musiri; kandi batebeza Abimereki. 43kandi yatwara abantu, yababaganiza omu bihabda bisatu, yayesereke’raomu musiri; yarora kandi dora, abantu bakaturuka omu rubuga;yabaimukira omu maiso, yabatema. 44na Abimereki, nebihanda ebikaba biri nauwe, bairuka namani omu maiso, bayeme’ra omu mulyango gwirembo eryorubuga: nebihanda ebibiri byajumbutukira bona abakaba bali omu musiri, babatema. 45Abimereki yarwana norubuga okuiza obuire; yanyaga orubuga yaita abantu abamu: yasesa hansi orubuga, yarumisamu ekisura.

46Kandi abasaija bona aborukomero rwa Sekemu obubahulireho bataha omu kigo ekyomu nju ya Eri-berisi. 47Kyagambirwa Abimereki ngu Abasaija bona abomurukomero rwa sekemu besoroize hamu. 48Abimereki yayegendera ha rusozi Zalimoni, uwe nabantu bona abakaba bali nauwe; Abimereki yakwata endyamiti omu ngaroze, yatema itagi ha miti, yalihimba yalita ha ibega: yagahimbara abantu abakaba bali nauwe ati Ekimuboine ninkora, mwanguhe nainywe mukole muti nka nyowe okunkozire. 49nabantu bona nukwo batemere amatagi omuntu wena itagirye, bakuratira Abimereki bagata omu kigo, bacumika ekigo nomu’ro; nukwo abantu bona abomu rukomero rwa Sekemu bafanabo, abasaija nabakazi nak rukumi.

50Nubwo Abimereki yagenda tebezi, yatemeraho tebezi orukande, yaginyaga. 51Baitu omunda yorubuga hakaba haroho orukomero orwamani, abasaija nabakazi nuho bairukira, nabomu rubuga bona, bayekingira omunda, batemba ha rusu rworukomero. 52Abimereki yaija hali orukomero yarurwanisa, yai’ra haihi oruigi rworukomero okurwokya nomu’ro. 53kandi omukazi omu yanaga orubengo ha mutwe gwa Abimerki, yamwata oruhanga. 54yayeta bwango omusigazi ayamugambira ati Somora busitama yawe, onyite, abantu baleke okungambaho ngu Akaitwa omukazi. Omusigazi yamucumita, yafa 55Abasaija ba Isareri obubaboine abimereki afire, bayegendera omuntu wena omu kiikarokye. 56Nukwo Ruhanga yasasuire ati obubi bw Abimereki, obuyakozire ise naita bagenzibe esanju. 57Nobubi bwona bwabasaija ba Sekemu Ruhanga akabusasura ha mitwe yabu: kandi omukyeno gwa Yosamu mutabani wa yerubali gwahika halibo.

Currently Selected:

EKYABACWI BEMISANGO 9: BRR64

Highlight

Copy