EKYABACWI BEMISANGO 10
10
1HANYUMA ya Abimereki hakaimuka okujuna Isareri Tora mutabani wa Puha, mutabani wa Dodo omusaija owa Isakara; uwe yatahaga omu samiri omu nsi yensozi eya Eferaimu. 2Yacweraga Isareri emisango emyaka amakumi abiri nesatu, yafa, yazikwa omu Samiri.
3Hanyuma yogu hakaimuka yairi omugireadi/ uwe yacweraga Isareri emisango emyaka amakumi abiri mwebiri. Kandi 4akabanyina batabani amakumi asatu abatembaga enkaina asatu, kandi bakaba banyina embuga asatu, Ezirukwetwa 5Havosi-yairi nokuhika hati eziri omu nsi ya Gireadi. Yairi yafa, yazikwa omu Kamoni
6Kandi abana ba Isareri bagaruka okukora ekiekikaba kirikibi omu maiso ga MUKAMA, bako’ra Baalimu na Asitarosi, nabacwezi ba Aramu, nabacwezi ba Zidoni, nabacwezi ba Moabu, nabacwezi babana ba Amoni, nabacwezi Babafirisiti; bafuruka MUKAMA, kunu batamuko’re. 7Ekiniga kya MUKAMA kyayakira Isareri, yabaguza omu mukono Gwabafirisiti, nomu mukono gwabana ba Amoni. 8Kandi babahiganiza nibatuntuza abana ba Isareri omwaka guli; emyaka ikumi na munana bakatuntuza abana ba Isareri bona abakaba bali nseri ya Yorudani omu nsi yabamoli, 9eri omu Gireadi. Abana ba Amoni bayambuka Yorudani okurwana na Yuda, na benyamini, nenju ya Eferaimu; nukwo Isareri yatuntuzibwa muno. 10Abana ba Isareri bakunga MUKAMA nibagamba ngu Tukusisire iwe, baitu tukafuruka Ruhanga waitu, twako’ra Baalimu. 11MUKAMA yagambira abana ba Isareri Tininyowe nabajunire hali Abmisiri, na hali Abamoli, nahali Abafirisiti? 12kandi Abazidoni, Nabamaleki, Nabamaoni bakabahiga;Inywe mwakunga nyowe, nabajuna omu mukono gwabu. 13baitu mwanfuruka, mwako’ra abacwezi abandi: nikyo ndirekera okubajuna obundi. 14Mugende mukunge abacwezi abamwekomire; bo babajune omu kasumi komuhito gwanyu. 15abana ba Isareri bagambira MUKAMA ngu Tusisire: otukole byona ebyotekereza bitusemerire; kimu kyonka, tukwesengerize, otujune ha kiro kinu. 16Kandi baihamu hagati yabu abacwezi babamahanga, bako’ra MUKAMA: kandi omwoyogwe gwasalirwa habwokuganyakwa Isareri.
17Nubwo abana ba Amoni bayesoroza hamu batema enkande omu Gireadi. Abana ba Isareri bayesoroza hamu, batema enkande omu Mizipa. 18Nabanyu,abakuru ba Gireadi, bagambirangana ngu Omuntu araha arabanza okurwana nabana ba Amoni? Nuwe aliba mutwe okulema bona abomu Gireadi.
Currently Selected:
EKYABACWI BEMISANGO 10: BRR64
Highlight
Share
Copy
Want to have your highlights saved across all your devices? Sign up or sign in
Bible in Runyoro-Rutooro 1964 Version © Bible Society of Uganda, 1964.
