EKYABACWI BEMISANGO 6
6
1KANDI abana ba Isareri bakakora ekikaba kiri kibi omu maiso ga MUKAMA: MUKAMA yabahayo omu mukono gwa Midiani emyaka musanju. 2Omukono gwa Midiani gwasingura Isareri: kandi habwa Midiani abana ba Isareri nikyo bayekolire ebina ebiri omu nzozi, nobwingira, nenkomero ezamani. 3Kandi kyahika, Abaisareri obubamaraga okusiga, nubwo Abamidiani baijaga nabamaleki, nabana boburufaizoba; baija okubaramagira. 4bahwerekereza ebyana biitaka,okuhikya nambere otaha Gaza kunu batasige ebyokulya omu Isareri, nobuzakuba entama, nobuzaba ente, nobuzakuba enkaina. 5Baitu bakaija nente zabu nehema zabu, bakaija baingi nkenzige obwigi; bo nengamira zabu bakaba batarukubarwa; baija omu nsi okugihwerekereza. 6Isareri yaburanganizibwa muno habwa Midiani; abana ba Isareri bakunga mukama.
7Kandi kyahika, abana ba Isareri obubakungire MUKAMA 8obwa Midiani, MUKAMA yatumanabi hali abana ba Isareri: yabagambira ati Nukwo agambire MUKAMA Ruhanga wa Isareri ati Nkabaihayo omu Misiri, nabaihamu omu nju yobuiru; 9kandi nabajuna omu mukono Gwabamisiri, nomu mukono gwa bona ababerengerire, nababingamu omu maiso ganyu, 10nabaha inywe ensi yabu; nabagambira nti Ninyowe MUKAMA Ruhanga wanyu; mutatitina abacwezi Babamoli, abamurukutaha omu nsi yabu: baitu mutahu’re iraka lyange.
11Kandi maraika wa MUKAMA akaija, yaika’ra hansi yomuhomozi ogukaba guli omu Ofura, ekaberi ya Yoasi Omwabiyerere: kandi mutabaniwe Gibeoni akaba nahura engano omu ndeba yamarwa, agisereke 12hali Abamidiani. maraika wa MUKAMA yamubonekera, yamugambira ati MUKAMA ali naiwe, iwe omusaija wobumanzi. 13Gideoni yamugambira ati Ai bambi mukama wange, MUKAMA araba ali naitwe, kiki ekituletire binu byona: kandi erinkaha emirimoye yona eyamahano baisenkuru itwe eyibatugambireho nibagamba ngu Tinuwe MUKAMA ayatuihireyo omu Misiri? Baitu hati bunu atunagire, atuhaireyo omu mukono. 14gwa Midiani. MUKAMA yamurole’ra yagamba ati Genda namani gawe ganu, ojune Isareri omu mukono gwa Midiani: 15Tininyowe nkutumire? Yamugambira ati ai Mukama nyowe ndijuna nta Isareri? Dora bagenzi bange nibakira obunaku bona obamu manase, nanyowe ninkira obuto bona abomu nju ya Isenyowe. 16MUKAMA yamugambira ati Mazimakwo ndaikaraga naiwe,kandi olitema Abamidiani nkomuntu omu. 17Yamugambira ati Rundi hati bunu obundaba boine embabazi omu maiso gawe, onyoleke akokuro’raho, okwarabaliwe arukubaza nanyowe. 18Otaruga hanu, nkwesengerize, okuhikya obundasembo kyange, ninkita omu maiso gawe. Yagamba ati Ndaikaraho okuhikya obworagaruka. 19Gideoni yatahamu yatekaniza okabuzi nemigati etatumbisibwe omu efa emu eyensano: enyama yagita omu kiibo, nomucwi yaguta omu kibindi, yakimuletera nambere akabali hansi yomuhomozi, yakihonga. 20Maraika wa Ruhanga yamugambira ati Twara enyama nemigati etatumbisibwe, obite ha mwandara gunu, osese’re omucwi. Yakora ati. 21Nubwo mraika wa MUKAMA yago’ra ensonga yomuigo ogukaba guli omu mukonogwe, yakora ha nyama nemigati etatumbisibwe; haimuka omu’ro ha mwandara, gwayokya enyama nemigati etatubisibwe; maraika wa MUKAMA yabura omu maisoge. 22Gideoni yarora ali maraika wa MUKAMA; Gideoni yagamba ati Zimboine, ai MUKAMA RUHANGA, baitu mbonangaine namaraika wa 23MUKAMA. MUKAMA yamugambira ati Obusinge bube namberoli; 24otatina: tofe. Nubwo Gideoni yayombekayo ekyoto hali MUKAMA, yakyeta Yahwe-saromu: nokuhikya hati kikiri omu ofura eya Abiyezere.
25Kandi kyahika ekiro eki obuire buizire MUKAMA yamugambire ati Twara enimi ya ‘so, enimi eyakabiri eyemyaka musanju, osese ekyoto kya Baali ‘so ekyanyinakyo, oteme Asera ekiri haihi: 26oyombekere MUKAMA Ruhanga wawe ekyoto eruguru ha rukomero runu orwamani, omu mulingo oguhikirire, otwale enimi eyakabiri, ohonge ekihongwa ekyokeze nenku ezomuti gwa Asera eyoratema. 27Nubwo Gideoni yakomamu abasaija ikumi ha bairube, yakora nka MUKAMA okuyamuragire: kandi kyahika, uwe habwokutina abenju ya ise nabasaija aborubuga, nikyo yalemire okukikora nya 28musana, yakikora ekiro.Kandi absaija aborubuga obubaimukire nyenkya kara, dora, ekyoto kya Baali kikaba kiseserwe, na Asera ekaba eteerwe ekaba ekiri haihi, nenimi eyakabiri ekaba ehongerwe ha Kyoto ekyayombekerwe. 29Bagambirangana bonka ngu Noha akozire ekigambo kinu? Obubaseruire nibakaguza bagamba ngu Gideoni mutabani wa Yoasi nuwe akozire ekigambo kinu. 30Nubwo abasaija aborubuga bagambira Yoasi ngu Turukya omwana wawe, afe: baitu aserere ekyoto kya Baali, kandi atemere Asera akaba ekiri haihi. 31Kandi Yoasi yagambira bona abakaba bamwemerireho ati Inywe nimwenda okutonganira kaitwe obuire bukiri nyenkya: obwaraba ali Ruhanga, mumuleke ayetonganire wenka, baitu omuntu aserere ekyotokye. 32Nikyo ha kiro eki yamwetire Yerubaali, nagamba ati Muleke Baali atongane nauwe,baitu aserere ekyotokye:
33Nubwo Abamidiani bona na Abamaleki nabana boburugaizoba bayesoroza hamu; bayambukayo batema enkande omu kihanga kya Yezereri. 34Baitu omwoyo gwa MUKAMA gwaija ha Gideoni; yatera engwara; kandi aba Abiyezere basorozebwa namberali. 35Yatuma abkwenda okuhikya Manase yona; nabo basorozebwa okumukuratira: kandi yatumira abakwenda Asere na Zeburuni, na Nafutali; barugayo okutangatangana nabo. 36Gideoni yagambira ruhanga ati Obwolijuna Isareri habwomukono gwange, 37nkokwogambire, dora ndataho ekikwato kyebyoya ha rubuga rwokuhu’raho;kandi obuharabaho orume ha byoya byonka, kandi nensi yona obweraba eyomere, nubwo ndamanya okwolijuna Isareri habwomukono gwange, nkokwogambire. 38Nukwo kyabaire kiti: baitu yaimuka nyenkya kara yamiga ebyoya, yamaramu orume omu byoya, amaizi gaijuza ekibindi. 39Gideoni yagambira Ruhanga ati Rkiniga kyawe kitanyakiraho, kandi ndagamba omurundi gunu gwonka: leka nanuke, nkwesengerize, nebyoya omurundi gunu gwonka; hati bunu ebyoya byonka bibe byomere, baitu hansi hona habeho orume. 40Ruhanga yakora ati ha kiro kiri: baitu ebyoya byonka nibyo bikaba byomere, baitu orume rwabaho hansi hona.
Currently Selected:
EKYABACWI BEMISANGO 6: BRR64
Highlight
Share
Copy
Want to have your highlights saved across all your devices? Sign up or sign in
Bible in Runyoro-Rutooro 1964 Version © Bible Society of Uganda, 1964.
