EKYABACWI BEMISANGO 5
5
1Nubwo Debora na Baraki mutabani wa Abinoamu bazina hakiro eki, nibagamba ngu. 2Baitu abebembezi Nakebembera omu Isareri, baitu abantu bakehayo bonka nibagonza Musime MUKAMA. 3Muhu’re inywe abakama; mutege amatu inywe abakuru; Nyowe, ninyowe ndazinira MUKAMA; Ndazina okukugiza MUKAMA, Ruhanga wa Isareri. 4MUKAMA, obuwaturukire omu Seyiri, Obuwarugire omu musiri gwa Edomu okuramaga, Ensi yatengeta, kandi niguru nalyo lyatonya, Ego, ebicu bikanaga amaizi. 5Ensozi ikategeta MUKAMA, obwakabaloho, Kandi na Sinai oru omu maiso ga MUKAMA, Ruhanga wa Isareri. 6Omu biro bya Samugara mutabani wa Anasi, Omu biro bya Yayeri, engudo itagendwemu, Abagenzi barabaga omu mihanda etaterekerire. 7Abalemi bakahwa omu Isareri, bakahwa, Okuhikya nyowe Debora obunaimukire, nyowe obunaimukire nka nyinabo omu Isareri. 8Bakekomera abacwezi abahyaka; Nubwo obulemu bwabaho omu malembo: harazokere engabu rundi icumu Omu basaija bukumi buna omu Isareri? 9Omutima gwange gubali haihi abalemi ba Isareri Abehaireyo bonka nibagonza omu Bantu: Musime MUKAMA. 10Mukibazeho, inywe abatemba enkaina ezirukwera, Inywe abaika’ra ha godoli ezedalizi, Nainywe abagenda omu muhanda. 11hara nobwogo bwabo abarasi bamata ha maziba habaleta amaizi, Nuho balihanura engeso ezehikirire eza MUKAMA, Nizo engesoze ezihikirire ezokulemakwe kwomu Isareri. Nybwo abantu ba MUKAMA basirimuka ha malembo. 12Sisimuka, sisimuka Debora; Sisimuka, sisimuka, zina Ekizina: Imuka, baraka, leta abahambwa bawe, babaherwe, iwe mutabani wa Abinoamu. 13Nubwo basirimuka ekicweka kyabanyoro nabantu; MUKAMA yasirimuka habwange okurwana nabamani. 14omu Eferaimu harugayo abo abanyina ekikoro Kyabu omu Amaleki; Nibakuratira iwe benyamini, omu Bantu bawe; Omu makiri harugayo abalemi, Nomu Zeburuni harugayo abo abakwata omuigo gwogu asimba enyi’ri. 15Nabakuru omu Isakara bakaba bali na Debora; Nka Isakara okwakabali, na Baraki nukwo yabaire ati; bakajumbutuka omu kihanga nibatemba omu Bigerebye. Ahali obwambu bwa Reubeni hakagabo okuhanura kwemitima okukuru. 16Kiki ekyakuikakize omu masibiko gentama, Okuhu’ra enyamulere ezibate’ra amagana? Ahali obwambu bwa reuneni hakabaho Okuhanura kwemitima okukuru 17Gireadi akaika’ra nseri ya Yorudani: Na dani ekyamuikaize omu mato kiki? Asere yaikaraho kwonka ha mwogu gwenyanja, yaikara ahali ebikono byenyanja. 18Zeburuni nibo Bantu abehaireyo obwomezi bwabu okuhikya okufa, Na Nafutali, omu biikalizo ebyobulemu. 19Abakama Bakaija barwana; nubwo barwaine, abakama ba Kanani, Omu Taanaki ahali amaizi ga Megido: Batakolereze bintu. 20Aba haiguru bakarwana, Enyunyuzi omu ngendo zazo zikarwana na Sisera. 21Ekyambu Kisoni kikabatwa’ra kimu, Ekyambu eki ekyaira, ekyambu Kisoni. Iwe obwomezi bwange, genda namani. 22Nubwo ebirenge byembarasi byasambirira Habwokuguruka, habwokuguruka kwebisoro bybu ebyamani. 23Mukyene Merozi, agambire maraika wa MUKAMA, Mukyene muno abarara omu; baitu batairuki’re okujumura MUKAMA Okujumura MUKAMA ahali abamani. 24Aliba nomugisa Yayeri okukira abakazi, Mukazi wa Hebere Omukeni, Aliba nomugisa okukira abakazi omu hema. 25Akasaba amaizi, yamuha amata; Yamuletera amagita omu kibindi ekyekitinisa. 26Yakwata enkondo nengaroze, Nomukonogwe ogwobulyo yakwata ikomyo eryomukozi; Yatera Sisera nikomyo, yamubamba omutwe, Ego, yamucumita omu kanenero, yamuturukyamu. 27Ahali ebigerebye yainama yagwa, yabyama: Ahali ebigerebye yainama yagwa: Nambere yainamire nuho yagwire afire. 28Omu dirisa yalinguzamu yagambira haiguru, Nyina Sisera yagambira haiguru omu dirisa Ati Kiki ekitangire egaliye okutaija? Enyamuziga Zegaliye Zitabgirwe ki? 29Abakazibe abanagezi bamugarukamu, Ego, yagarukamu wenka ati 30Tibaboine omwandu, tibagubagaine? Omusaija wena omuisiki, abaisiki babiri; Sisera ekintu ekyemiringo nyingi, ekintu ekyemiringo Nyingi, ekitabirwemu, Emiringonyingi etabirwemu Embaju zombi, ha ngoto yomwandu? 31Nukwo abanyanzigwa bawe bona bahwereke’re bati, ai MUKAMA: Baitu abo abamugonza babe nkizoba obulirugayo omu mani galyo. Kandi ensi yahumu’ra emyaka amakumi ana.
Currently Selected:
EKYABACWI BEMISANGO 5: BRR64
Highlight
Share
Copy
Want to have your highlights saved across all your devices? Sign up or sign in
Bible in Runyoro-Rutooro 1964 Version © Bible Society of Uganda, 1964.