ABAGALATIYA 6

1BENE baitu, omuntu obwagwe’rwa omusango, inywe abali bomwoyo muga’reho anyakusisa ati omu mwoyo gwembabazi; nayerora wenka rundi nawe oleke okwohebwa. 2Mujwangane enketo zanyu, kandi nukwo muhikirize ekiragiro kya Kristo. 3Wena obwaba nayetekereza okuba kintu, kunutali kintu, buli ayebihire wenka. 4Baitu omuntu wena ayerengere omulimogwe wenka, kandi nukwo abe nokwenyumizakwe habwe wenka, kunu tihali habwondi. 5Baitu wena alyetweka omutwarogwe wenka.

6Anyakwegesibwe ekigambo ateranege hamu nogu anyakwegesa omu birungi byona. 7Mutalibihirwa ebisuba; Ruhanga taterwa enaku: baitu omuntu ebyasiga nibyo aligesa. 8Baitu anyakusigira omubirigwe wenka, aligesa omu mubiri okujunda; baitu anyakusigira Omwoyo, aligesa omu Mwoyo obwomezi obutahwaho. 9Baitu omu kukora kurungi tuleke okujwaha, baitu ebiro obubirikahika tuligesa obututagwa ensazi. 10Nukwo obutunyina omwanya tukolege kurungi abantu bona, kandi nokukira, abo abomunju yokuikiriza.

11Murole okumopandikire inywe nenyuguta enkoto nomukono gwange nyenka. 12Bona abarukugonza okusemeza ebyaharuguru nibo babahambiriza okusarwa;;kyonka batahiganizibwa habwomuti gwa Kristo. 13Baitu nabo abasazirwe tibakwata ebiragiro; baitu nibagonza inywe okusarwa, nukwo benyumirize omu mubiri gwanyu. 14Baitu nyowe tindukugonza okwenyumiza, rundi omu muti gwa Mukama waitu Yesu Kristo, habwogu ensi ebambirwe ha muti namberendi, nanyowe hali ensi. 15Baitu mazimakwo obusarwa tikiri kintu, nobukwakuba okutasarwa, baitu ekihangirwe ekihyaka. 16Kandi bona abalikurutira omulingo gunu, obusinge bube halibo, nokuganyirwa, na hali Isareri owa Ruhanga.

17Okuruga hati omuntu wena aleke okungadyaga: baitu mpimbire omu mubiri gwange enkoju za Yesu.

18Embabazi eza Mukama waitu Yesu Kristo ziikale nomwoyo gwanyu, bene baitu. Amina.

Currently Selected:

ABAGALATIYA 6: BRR64

Highlight

Copy