ABAGALATIYA 4

1BAITU ningamba nti omugwetwa obwaba akyali omuto takira na kake omuiru rubale, nobwaraba ali mukama wa byona; 2baitu alemwa abakuza nabaketo okuhikya akasumi akatairweho ise. 3Nukwo naitwe obutukaba tuli bato, twalemwaga nkabairu rubale ebyokubanza byomunsi: 4baitu empiko zakasumi obuzahikire, Ruhanga akatuma Omwanawe, azairwe omukazi, azairwe omu kulema kwebiragiro, 5nukwo acungule abalemwa ebiragiro, itwe tuhabwe okufoka abana. 6Kandi inywe obwokuba abana, Ruhanga akatuma Omwoyo ogwomwanawe omu mitima yaitu, nagamba ati Aba, Isitwe. 7Nukwo tokyali muiru rubale, baitu omwana; kandi obwaraba oli mwana oli mugwetwa habwa Ruhanga.

8Baitu omu biro obumukaba mutamanyire Ruhanga, mukaba muli bairu rubale babo abatali baruhanga omu kuhangwa: 9baitu hati bunu obumumanyire Ruhanga, rundi okukira, obumumanyirwe Ruhanga, nimugarukayo muta enyuma omu bigambo ebyokubanza, ebitanyina amani, ebigara, nimugonza okkulemwabyo omurundi ogwakabiri?

10Nimukwata muno ebiro, namezi nobusumi, 11nemyaka Ntinire habwanyu, rundi nkolire busa omulinywe.

12Mube nka nyowe, baitu nyowe ndi nka inywe, bene baitu, mbesengerize. Mutankole kubi: 13mumanyire ngu okubanza nkabatebeza enjiri obwobugara obwomubiri: 14kandi okwohebwa kwanyu okwomu mubiri gwange mutakugaye, kunu mutakunuge; baitu mukanuikiriza nka maraika wa Ruhanga, nka Kristo Yesu. 15Nukwo okwesima kwanyu kuraha? Baitu ndi kaiso wanyu nti kuba kikaba nikisoboka, mwakuihiremu amaiso ganyu okugaha nyowe. 16Nukwo mfokere omunyanzigwa wanyu obwokubagambira amazima?

17Nibekamba okubase’ra, baitu tikuli kurungi; baitu nibagonza okubakingira aheru, inywe mwekambe okkuse’ra bo. 18Baitu kirungi okuse’rwa omu bigambo ebirungi ebiro byona, kandi tibuli bwonka obunyikara nainywe.

19Abana bange abato abandukusali’rwa kandi, okuhikya Kristo obwalifokera omulinywe, 20mbaire ningonza okuba hamu nainywe hati bunu, nokuhindura iraka lyange; baitu ningurukyagurukya obwebigambo byanyu.

21Mungambire, inywe abarukugonza okulemwa ebiragiro, timurukuhu’ra ebirango? 22Baitu kikahandikwa ngu Iburahimu akaba anyina abana babiri, omu owomuzana, ondi wobugabe. 23Baitu ogu owomuzana akazarwa obwomubiri, baitu oli owowobugabe akazarwa obwomurago. 24Kandi nibyo byokwegeraho: baitu abakazi abo nibyo biragano bibiri: omu aruga ha rusozi Sinai, ayazalire obuiru, onu nuwe Hagara. 25Hagara ogu nurwo rusozo Sinai omu nsi ya Bwarabu,nainganaingana na Yerusalemu orwebiro binu: baitu ali omu buiru hamu nabanabe. 26Bitu Yerusalemu orwomu iguru rwobugabe, nuwe nyina itwe. 27Baitu kikahandikwa ngu Semererwa, iwe engumba etarukuzara;

Haguka okugambira haiguru, iwe atarukurumwa okuzara:

Baitu abana bogu ayangirwe baingi okukira bogu ali naibi. 28Baitu itwe, bene baitu, tuli bana bomurago, nka Isaka. 29Baitu omu biro biri nkogu ayazairwe omubiri okuyahigire oli ayazairwe obwomwoyo, nukwo nukwo na hati bunu. 30Baitu ebyahandikirwe nibigamba bita? Ngu Binga omuzana nomwanawe: baitu omwana womuzana taligwetwa hamu nomwana wowobugabe. 31Nukwo, bene baitu, tituli bana bomuzana, baitu bowobugabe.

Currently Selected:

ABAGALATIYA 4: BRR64

Highlight

Copy