ABAGALATIYA 3

1INYWE Abagaratiya abatanyina magezi, noha yabarogere, inyywe abayolekerwe Yesu Kristo abambirwe ha muti omu maiso ganyu? 2Nikyo kyonka ngondeze okumanya halinywe, Mukahabwa Omwoyo obwemirimo yebiragiro? Rundi obwokuhu’ra okwokuikiriza? 3Muli badomadoma muti. Obumwabandize omu Mwoyo, hati bunu nimuhikirizigwa omu mubiri? 4Mukagumisiriza busa obujune obwingi buti? Obukiraba kibaire kya busa.

5Nukwo ogu anyakubaha Omwoyo nako’ra omulinywe ebyamani, abikora obwemirimo yebiragiro? Rundi obwokkuhu’ra okwokuikiriza? 6nka Iburahimu okkuyaikirize Ruhanga, kandi kikamutekerezebwaho okuba okuhiki’ra. 7Nukwo mumanye ngu abokuikiriza nibo bana ba Iburahimu. 8Kandi nebyahandikirwe obubyaboine kara ngu Ruhanga nabaihaho omusango Abamahanga obwokuikiriza, byatebeza Iburahimu enjiri ira ngu Omuliwe Amahanga gona galiherwa omugisa. 9Nukwo nabokkuikiriza bahairwe omugisa hamu na Iburahimu owokuikiriza. 10Bitu abo bona abomu mirimo yebiragiro nibalemwa okukyenwa: baitu kikahandikwa ngu Akyenerwe wean atarukuikara omu byona ebyahandikirwe omu kitabu kyebiragiro okubikora. 11Kandi nikimanywa ngu Busaho aihibwaho omusango omu maiso ga Ruhanga obwebiragiro: baitu ngu Anyakuhikirire aliba mwomezi obwokuikiriza: 12Kandi ebiragiro tibiri byomu kuikiriza; baitu ngu Ogu arukubikora alyomera omubyo. 13Kristo akatucungura omu kukyenwa kwebiragiro, nafoka okukyenwa habwaitu: baitu kikahandikwa ngu Akyenerwe wean ahanikirwe ha muti: 14nukwo omugisa gwa Iburahimu guhike hali Abamahanga omu Kristo Yesu, naitwe tuhabwe omurago Ogwomwoyo obwokuikiriza.

15Bene baitu, ningamba nkomuntu: nti Nekiragano ekyomuntu kwonka obukimara okugumibwa, busaho akiburanganiza nobukwakuba okukyongeraho. 16Kandi emirago ekagambirwa Iburahimu nomuijukuruwe. Tarukugamba ati Na hali abaijukuru, nka baingi, baitu nkomu ati Na hali omuijukuru wawe nuwe Kristo. 17Kandi nikyo ndukugamba nti Ekiragano Ruhanga ekiyagumize kara, ebiragiro ebyakurutire emyaka bikumi bina mwasatu ehinguireho, tibikiihaho amani, nobukwakuba okuburanganiza omurago. 18Baitu obugwetwa buraba nuburuga omu biragiro,tiburuga omu murago: baitu Ruhanga akabuha Iburahimu omu murago. 19Nukwo ebiragiro kiki? Bikatebwaho obwebyokusisa, okuhikya okuija okwomuijukuru ayaraganizibwe; kandi bikaragirwa bamaraika omu mikono yomuteranizi. 20Baitu omuteranizi tali habwomuntu omu; baitu Ruhanga ali omu. 21Nukwo ebiragiro nibihakana nemirago ya Ruhanga? Mahano! baitu kuba hahairwe ebiragiro ebyamani okuleta obwomezi, mazimakwo okuhiki’ra kwakubaire habwebiragiro. 22Baitu ebyahandikirwe bikaboha byona okulelmwa ekibi, nukwo omurago ogwokuikiriza Yesu Kristo guhabwe abarukuikiriza.

23Baitu okuikiriza obukukaba kutakaizire twalindwaga ebiragiro, tuuboherwe hamu hali okuikiriza okurukugenda okusuku’rwa. 24Nukwo ebiragiro byafokere biti nkomwegesa waitu okutuleta hali Kristo, tuihibweho omusango obwokuikiriza. 25Baitu okuikiriza obukuizire, titukyalemwa omwegesa. 26Baitu inywena muli bana ba Ruhanga obwokuikiriza okuli omu Kristo Yesu. 27Baitu inywena abanyakubatizibwe okutaha omu Kristo, buli mujwaire Kristo. 28Busaho Muyudaya nobwakuba Omuyonani, busaho muiru rubale, nobwakuba owobugabe, busaho musaija nomukazi: baitu inywena muli omu omu Kristo Yesu. 29Kandi muraba muli ba Kristo, muli muijukuru wa Iburahimu, nabagwetwa nkomurago okuguli.

Currently Selected:

ABAGALATIYA 3: BRR64

Highlight

Copy