ĠWANNI 7

Kapitlu 7

In-nuqqas ta’ fidi mill-qraba ta’ Ġesù

1Wara dan, Ġesù baqa’ jdur fil-Galilija, għax ma riedx joqgħod idur fil-Lhudija billi l-Lhud kienu qegħdin ifittxu li joqtluh.#Ġw 5,18; 7,19-25; 8,37-40. 2Kienet qorbot għal-Lhud il-festa tal-Għerejjex#7,2: Il-Festa tal-Għerejjex: din kienet waħda mit-tliet festi l-kbar li għalihom il-Lhud kienu jitilgħu Ġerusalemm. Kienet issir fil-bidu tal-ħarifa wara l-ġbir tal-frott b’tifkira tal-erbgħin sena fid-deżert. Matul il-ġimgħa tal-festa kienu joqogħdu taħt it-tined.,#Lev 23,34. 3u ħutu#7,3: Ħutu: ara nota Mt 12,46. qalulu: “Itlaq minn hawn u mur il-Lhudija, biex id-dixxipli tiegħek ukoll jaraw l-għemejjel li qiegħed tagħmel. 4Għax ħadd ma jagħmel xejn bil-moħbi jekk irid ikun magħruf minn kulħadd. Ladarba qiegħed tagħmel dan kollu, uri ruħek lid-dinja.” 5Għax anqas ħutu ma emmnu fih. 6Għalhekk Ġesù qalilhom: “Għalija għadu ma wasalx iż-żmien, imma ż-żmien tagħkom dejjem f’idejkom.#Ġw 2,4; 7,30; 8,20. 7Id-dinja lilkom ma tistax tobgħodkom, imma lili tobgħodni, għax jiena nixhed kontra tagħha li kulma tagħmel hu ħażin.#Ġw 3,19; 15,18. 8Itilgħu intom għall-festa, imma jiena ma nitlax għaliha din il-festa, għax iż-żmien tiegħi għadu ma għalaqlix.” 9Wara li qalilhom dan, baqa’ fil-Galilija.

Fil-festa tal-Għerejjex

10Imma wara li ħutu telgħu għall-festa tela’ hu wkoll, mhux bid-dieher, imma bil-moħbi. 11Fil-festa l-Lhud bdew ifittxuh u jgħidu: “Dan fejn hu?”#Ġw 11,56. 12Fost il-poplu kien hemm ħafna għajdut fuqu; min beda jgħid li kien raġel tajjeb, u min qal li ma kienx imma li kien qed iqarraq bin-nies. 13Madankollu ħadd ma kien jitkellem fuqu bil-miftuħ, għax kienu jibżgħu mil-Lhud.#Ġw 9,22; 19,38; 20,19.

14Il-festa kienet ġa f’nofsha meta Ġesù tela’ fit-tempju u qabad jgħallem. 15Il-Lhud stagħġbu bih u qalu: “Dan kif jaf daqshekk bla ma tgħallem#7,15: Dan kif jaf daqshekk bla ma tgħallem?: letteralment: Kif jaf (jaqra) l-ittri? Fi kliem ieħor, kif jaf dan kollu jekk ma tgħallimx bħall-iskribi u l-imgħallmin tal-Iskrittura? Il-kotba tal-iskola tagħhom kienu l-Kotba Mqaddsa.?”#Mt 13,54; Lq 2,47. 16Qabeż Ġesù u qalilhom: “It-tagħlim tiegħi mhuwiex tiegħi, imma ta’ dak li bagħatni.#Ġw 14,10. 17Min irid jagħmel ir-rieda tiegħu jaf jekk dan it-tagħlim huwiex minn Alla jew jekk iniex ngħid xi ħaġa minn tiegħi. 18Min jgħid xi ħaġa minn moħħu jkun qiegħed ifittex il-glorja tiegħu nnifsu. Iżda min ifittex il-glorja ta’ min ikun bagħtu, dan ikun jgħid is-sewwa, u fih ma jkun hemm ebda qerq.#Ġw 8,50. 19Il-Liġi mhux Mosè tahielkom? U madankollu ħadd minnkom ma jħares il-Liġi. Għaliex qegħdin tfittxu li toqtluni?”#Ġw 1,17; 7,25; 8,37-40; Atti 7,53. 20Qalulu n-nies: “Int għandek xitan fik! Min qiegħed ifittex li joqtlok?”#Ġw 8,48-52; 10,20. 21Weġibhom Ġesù: “Ħaġa waħda għamilt, u lkoll stagħġibtu biha. 22Mosè takom iċ-ċirkonċiżjoni - għalkemm din ma kinitx ġejja minn Mosè, imma mill-patrijarki - u intom, lil dak li jkun, iċ-ċirkonċiżjoni tagħmluhielu f’jum is-Sibt.#Ġen 17,10-13; Lev 12,3. 23Mela jekk intom, lil dak li jkun, tagħmlulu ċ-ċirkonċiżjoni f’jum is-Sibt biex ma tinkisirx il-Liġi ta’ Mosè, kif se teħduha kontra tiegħi għax f’jum is-Sibt fejjaqt bniedem kollu kemm hu?#Ġw 5,8-9. 24Tagħmlux il-ħaqq fuq dak li taraw b’għajnejkom imma agħmluh skont is-sewwa!”#Lev 19,15; Ġw 8,15.

Dan hu l-Messija

25Xi wħud min-nies ta’ Ġerusalemm qalu: “Dan mhuwiex dak li qegħdin ifittxuh biex joqtluh?#Ġw 5,18; 7,1; 19,37-40. 26Araw, b’wiċċu minn quddiem qiegħed jitkellem, u ħadd ma hu jgħidlu xejn. Jaqaw tassew li l-kbarat għarfu li dan hu l-Messija? 27Imma dan nafu minn fejn hu; il-Messija, meta jiġi, ħadd ma jkun jaf minn fejn ikun ġej.”#Ġw 9,29. 28Ġesù, huwa u jgħallem fit-tempju, għolla leħnu u qal: “Intom lili tafuni, u tafu wkoll minn fejn jien. Jiena ma ġejtx minn rajja, imma hemm wieħed tassew li bagħatni, wieħed li intom ma tafuhx.#Ġw 8,55; 17,25. 29Jiena nafu, għax jien minn għandu ġej, u kien hu li bagħatni.” 30Huma fittxew jaqbduh, iżda ħadd minnhom ma medd idejh fuqu, għax is-siegħa tiegħu kienet għadha ma waslitx.#Ġw 2,4; 7,44; 8,20. 31Ħafna nies emmnu fih u qalu: “Meta jiġi l-Messija se jagħmel sinjali aktar milli qiegħed jagħmel dan?”#Ġw 2,23; 8,30; 10,42; 11,45; 12,11.42.

L-għases mibgħuta biex jaqbdu lil Ġesù

32Il-Fariżej semgħu x’kienu qegħdin jgħidu fuqu n-nies, u huma u l-qassisin il-kbar bagħtu xi għases biex jaqbduh. 33Ġesù qal: “Ftit ieħor baqagħli magħkom, u mbagħad nerġa’ mmur għand min bagħatni.#Ġw 13,36; 16,5. 34Għad tfittxuni u ma ssibunix, u ma tkunux tistgħu tiġu fejn inkun jien.”#Ġw 8,21; 13,33-36; 17,24. 35Il-Lhud bejniethom bdew jgħidu: “Mela fejn sejjer dan, biex m’aħniex se nsibuh? Jaqaw sejjer#7,35: Jaqaw sejjer: jiġifieri, lil-Lhud imxerrda fost il-Griegi u lill-pagani Griegi, nies iċċivilizzati; ara noti Atti 6,1 u 13,16. għand dawk li huma mxerrda fost il-Griegi u jgħallem lill-Griegi? 36Dan xi kliem hu li qal, ‘Għad tfittxuni u ma ssibunix,’ u ‘Ma tkunux tistgħu tiġu fejn inkun jien’?”

Xmajjar ta’ ilma ħaj

37Fl-aħħar jum tal-festa, il-jum l-aktar solenni, Ġesù qam jgħid#7,37-38: Ġesù qam jgħid: dawn iż-żewġ versi jistgħu jinqraw hekk: 37 Ġesù qam jgħid b’leħen għoli: “Min jieħdu l-għatx, jiġi għandi 38 u jixrob min jemmen fija.” Kif tgħid l-Iskrittura. “Minnu joħorġu xmajjar ta’ ilma ħaj.” F’din l-aħħar traduzzjoni, is-sentenza tal-aħħar hi kumment tal-Evanġelista. b’leħen għoli: “Min jieħdu l-għatx, jiġi għandi u jixrob.#Lev 23,36; Ġw 4,10-14. 38Kif tgħid l-Iskrittura, min jemmen fija, minnu joħorġu xmajjar ta’ ilma ħaj.”#Prov 18,4; Is 58,11. 39Dan qalu għall-Ispirtu li kellhom jirċievu dawk li jemmnu fih, għax l-Ispirtu kien għad ma ngħatalhomx, billi Ġesù kien għadu ma ġiex igglorifikat.#Ġw 16,7; 20,22; Atti 2,4.

Il-fehmiet tan-nies fuq Ġesù

40Meta xi wħud semgħu kliemu qalu: “Tassew dan hu l-Profeta.”#Dt 18,15; Ġw 6,14; Atti 3,22; 7,37. 41Oħrajn qalu: “Dan hu l-Messija.” Iżda xi wħud qalu: “Mela l-Messija għandu jiġi mill-Galilija?#Ġw 4,29; 7,26.52; Atti 9,22. 42Ma tgħidx l-Iskrittura li l-Messija għandu jiġi min-nisel ta’ David u minn Betlehem, ir-raħal minn fejn kien David?”#2 Sam 7,12; S 89,4-5; Mik 5,1; Mt 2,5-6. 43Hekk in-nies ma qablux bejniethom minħabba fih.#Ġw 9,16; 10,19. 44Xi wħud minnhom riedu jaqbduh, iżda ħadd ma medd idejh fuqu.#Ġw 7,30.

In-nuqqas ta’ fidi tal-kapijiet

45L-għases reġgħu lura għand il-qassisin il-kbar u l-Fariżej, u dawn qalulhom: “Dan kif ma ġibtuhx magħkom? 46L-għases qalulhom: “Qatt ħadd ma tkellem bħalu, dan il-bniedem!” 47Qabżu l-Fariżej u qalulhom: “Intom ukoll tqarraqtu? 48Hemm xi ħadd mill-kapijiet u l-Fariżej li emmen fih?#Ġw 12,42. 49Imma dawn x’qabda nies misħuta, li l-Liġi ma jafuhiex!” 50Wieħed minnhom, jismu Nikodemu, dak li qabel kien mar għand Ġesù, qabeż u qalilhom:#Ġw 3,1-2; 19,39. 51“Jaqaw il-Liġi tagħna tikkundanna lil xi ħadd qabel ma tisma’ lilu stess ħalli tkun taf x’inhu jagħmel?”#Dt 1,16. 52U huma qalulu#7,52: U huma qalulu: Xi manuskritti jħallu barra 7,53-8,11; oħrajn iqiegħdu dan ir-rakkont wara 7,36 jew wara 7,44 jew wara 21,25, inkella wara Lq 21,38.: “M’intix int ukoll mill-Galilija, hux? Fittex fl-Iskrittura, ħalli tara li ebda profeta ma jqum mill-Galilija!”#Ġw 1,46; 7,41. 53U wieħed wieħed telqu lejn djarhom.

Currently Selected:

ĠWANNI 7: MB20

Highlight

Copy