Məsəloox 3
3
Q'ončuğo umud baka
1Bez ğar, bezi zombalt'oğo vi eyexun ma c'evk'a,
Vi ük'e bezi əmirxo efa.
2Şot'aynak' ki, şot'oğon vi ömürə boxoybale,
Vi yəşəyinşə bolluğ eçale.
3Çuresuna saal Buxačuğoxun ğaç̌ baksuna ma bosa,
Şot'oğo vi ǔmǔğo sırğaba,
Vi ük'e loxol śampa.
4T'e vədə Buxačuğoy saal amdarxoy piyes
Vaynak' xeyirxaxluğ saal şaat' s'i q'azayinşalnu.
5Vi bütüm ük'en Q'ončuğo umud baka,
Vi q'amişaksuna ext'ibər maba.
6Vi bütüm yaq'urxost'a Şot'o çalxa,
Şot'inal vi yaq'urxo düzbale.
7Vi piyes va müdrik ma hesabba,
Q'ončuğoxun q'ı̌ba, şərəxun ə̌xilbaka.
8Mot'oğon vi bədəneynak' q'olaybaksun eçale,
Vi ǔq'ěnxo ost'aar bale.
9 Q'ončuğo vi var-dövlətəxun,
Vi bare nübərəxun pay tada.
10T'e vədə vi ambarxo neyməten buyebakon,
Fine çənurxo təzə finen posek'on.
11Bez ğar, Q'ončuğon tadi tərbiyinə ma t'ǒǒxba,
Şot'ay töhmətə ma bosa.
12Şot'aynak' ki, bavan iz çureğala ğara hetəre töhmətbsasa,
Q'ončuğonal iz çureğalt'u t'etəre töhmətbon.
Müdrikluği xeyir
13Müdrikluğa p'ap'ala amdar,
Q'amişaksun bə̌ğə̌bala amdar he bəxt'əvəre!
14Mo gümüşə q'azayinşbsunaxun şaat'e,
Me q'azanc təmiz q'ızılaxun dəyərlune.
15Müdrikluğ bütüm toyexlu ǰěyurxoxunal dəyərlune,
Vi çureğala şeyurxoy sayco şot'ay tay tene.
16Şot'ay yön kiyel boxoy ömür,
Tərs kiyel isə var-dövlət q'a şərəfo.
17Şot'ay yaq'urxo mǔqluği yaq'urxone,
Bütüm şot'ay cığırxo serluği cığırxone.
18Şot'o efalt'oğoynak' şo yəşəyinşest'ala xode,
Şot'oxun nu cöybakalorox he bəxt'əvəre!
19 Q'ončuğon dünyəni binorina iz müdrikluğene laxi,
Göyə İz q'amişaksunene yaratmişi.
20Şot'in xeyurxo iz avabaksunene sun-sunaxun cöybi,
Göynuxun xo çiləyinşi.
Müdrikluği mǔqluğ eşt'un
21Bez ğar, ə̌xilaksunluğa q'a q'amişaksuna ğaç̌eki,
Mot'oğo vi piin běšt'an ma ə̌xilba.
22Şorox vaynak' yəşəyinşe bakon,
Vi ozana gözəl çil k'inək'e bəzəyinşon.
23T'e vədə vi yaq' xatasuze bakon,
Vi turmux tene lamandon,
24Q'ı̌suzen bask'on,
Muč'a nep'en bə̌ğə̌bon.
25Bürdən eğala bəlinəxun,
Pisluğbalt'oğoynak' eğala xatinaxun ma q'ǐba.
26Şot'aynak' ki, Q'ončux vi tərəf bakale,
Şot'in tene bark'on ki, hun təlinə baft'an.
27Vi kiyexun enesasa,
Vi şaat'luğa mot'o layiğ amdarxoxun ma kamba.
28Vi imkan bunesa q'onşina ma upa:
«Oşa enğon, əyc'ə tazdon».
29Vi t'ǒğǒl şip' yəşəyinşala q'onşineynak'
Pisluğ bsuna vi fikire ma eça.
30Vaynak' pisluğ nu balt'uxun,
Naaq' gala dava maba.
31Q'əddar amdara paxılluğ maba,
Şot'ay tağala yaq'urxoy sal sunt'u ma c'ək'p'a.
32Şot'aynak' ki, azğınxoxun Q'ončuğon irit'ene,
Ama düzgün amdarxoxun Şo dost'e bakon.
33 Q'ončuğon pis amdarxoy k'oja ləənətebon,
Ama düzgün amdarxoy yurda xeyir-bərəkəte tadon.
34Şot'in lağlağibalt'oğoy loxol İçine axšumk'on,
Fağır amdarxo isə İz ük' bok'ospsunane ak'est'on.
35Müdrik amdarxon şaat' s'iya miras k'inək' haq'alt'un,
Axmağxo isə biyabur bakalt'un.
Currently Selected:
Məsəloox 3: udi
Highlight
Share
Copy
Want to have your highlights saved across all your devices? Sign up or sign in
© Translation Services International Ltd.
