Popular Bible Verses from Məsəloox 3

Share

Vi bütüm ük'en Q'ONčUğO umud baka, Vi q'amişaksuna ext'ibər maba. Vi bütüm yaq'urxost'a Şot'o çalxa, Şot'inal vi yaq'urxo düzbale.

Vi piyes va müdrik ma hesabba, q'ı̌ba, şərəxun ə̌xilbaka.

vi var-dövlətəxun, Vi bare nübərəxun pay tada. T'e vədə vi ambarxo neyməten buyebakon, Fine çənurxo təzə finen posek'on.

Çuresuna saal Buxačuğoxun ğaç̌ baksuna ma bosa, Şot'oğo vi ǔmǔğo sırğaba, Vi ük'e loxol śampa.

Bez ğar, Q'ONčUğON tadi tərbiyinə ma t'ǒǒxba, Şot'ay töhmətə ma bosa. Şot'aynak' ki, bavan iz çureğala ğara hetəre töhmətbsasa, iz çureğalt'u t'etəre töhmətbon.

Bez ğar, bezi zombalt'oğo vi eyexun ma c'evk'a, Vi ük'e bezi əmirxo efa. Şot'aynak' ki, şot'oğon vi ömürə boxoybale, Vi yəşəyinşə bolluğ eçale.

Müdrikluğa p'ap'ala amdar, Q'amişaksun bə̌ğə̌bala amdar he bəxt'əvəre! Mo gümüşə q'azayinşbsunaxun şaat'e, Me q'azanc təmiz q'ızılaxun dəyərlune. Müdrikluğ bütüm toyexlu ǰěyurxoxunal dəyərlune, Vi çureğala şeyurxoy sayco şot'ay tay tene.

Vi kiyexun enesasa, Vi şaat'luğa mot'o layiğ amdarxoxun ma kamba.

dünyəni binorina iz müdrikluğene laxi, Göyə İz q'amişaksunene yaratmişi.