Popular Bible Verses from Məsəloox 2

Share

Şot'aynak' ki, Q'ONčUğONE müdrikluğ tast'a, Şot'ay ǰomoxun c'eğala əyitmoğon avabaksun q'a q'amişaksune eşt'a.

Bez ğar, əgər hun bezi əyitmoğo q'abulbi Bezi əmirxo vi ük'e efayin, Müdrikluğa ǔmǔxlaxi, Maslaat haq'sunal üst'ün biq'ayin, Hun, həgigiyal, haq'ıla qə̌věśi, Ost'aar səsen q'amişaksuna k'alk'ayin, Şot'oğo gümüş k'inək', C'ap' xəzinə k'inək' çureğayin, T'e vədə hun Q'ONčUğOY şu baksuna q'amişakalnu, Buxačuğo çalxalnu.

Şot'in düzgünt'oğo q'ələbəne q'azayinşest'a, Şot'in ük' təmizt'oğo q'orişebsa. Şot'in düzgünt'oğo enefsa, İçu ğaç̌ bakalt'oğoy yaq'a q'orişebsa.

Şot'aynak' ki, düzgün amdarxo me ölkinə yəşəyinşalt'un, Ük' təmizorox memiya mandalt'un. Pis amdarxo isə me ölkinəxun boseğale, Xəyanət'kərxoy tum memiin əfçibakale.

Müdrikluğen va q'ert'ay çuğoxun, Tarak'ala çuğoy muč'a muzaxun çark'esedon. Me çuğon iz cəyil vədine taśi işq'ara bosi, Buxačuğoxun ğaç̌eśi irəziluğa eyexun c'evk'ene.