Popular Bible Verses from Məsəloox 1

Share

çalxsun müdrikluği burqesune, Ama səfeyxon müdrikluğa saal tərbiyinə xort'un běğsa. Bez ğar, vi bavay nəsyətxo ǔmǔxlaxa, Vi nanan zombit'oğo t'ǒǒx ma bosa.

Q'ammazxo içoğoy beynə baksunen besp'ale, Səfeyxoval içoğoy saymazluğen əfçibale. Za ǔmǔxlaxalo isə serluği q'a şip'luği boş, Hik'k'alaxun nu q'ı̌bi yəşəyinşale».

Barta bə̌ğə̌loy fikirbalt'in ǔmǔxlaxi iz müdrikluğa samalal avuzbeq'an, Barta q'amişakala amdaren yöni maslaatxoq'an haq'i

Bez ğar, günaxkərxoy va azdrişbsuna ma barta.

İsraili padçağ Davidi ğar Solomoni məsəloox: Müdrikluğ saal tərbiyinə q'azayinşbseynak', Müdrik əyitmoğo q'amişakseynak', Düzgünluği, düzluği, İnsafi barada haq'ullu tərbiyə haq'seynak', Q'ammazxo q'amişaksun, Cəyil ğaral avabaksun q'a ə̌xilaksun tast'eynak'

T'e vədə za k'alalk'ayt'un coğab tez tadal, Qə̌və̌lğayt'un tet'un bə̌ğə̌bal. Şot'aynak' ki, şot'oğon avabaksuna nifrətt'unbi, çalxsun tet'un çureśi