Matthew 15
15
Chaptergē Klāalth wok Klēlth.
1WADLU Pharisee hāadē isken, takālung lēilung ishin Jerusalem tligē gu isis Jesus an istlāgang.
2Waigen hin ltha shouan, kashintlou dung gagahatijanḡē lthkiāsi kingwoguns tlahustaḡunḡung? Tlīstluan shibili ltha tāsītlo kum stlē unga ltha tlināns althlā.
3Waigen hanḡang hin ltha il shūtaiang, kashintlou kīgangē unga alth Shānungetlagidas kingwoguns dalung tlahustaḡunḡung?
4Altsīilth Shānungetlagidas hin takingwoḡangang: aung unga lth kwoyāda ou unga ishin, waigen shūshi kingān lth wau: waigen kīstho aung unga isken, ou unga ishin ā gūshou dāungasken, agwan kwotal alth il kwotalthta.
5Hin dalung shūḡung: kīstho aung unga isken, ou unga isken ā hin shūtasken, kin alth dalung ta lth tlāts Shānungetlagidas ga lth istāshang: kingān il waustlo, kum aung unga isken ou unga ishin il kwoyādānḡung.
6Altsīilth kīgangē unga alth Shānungetlagidas kingwoguns ginggangan dalung tlaēdung.
7Yenkien Isaiah tliku dalung edasēs shūtaiang dalung kwutungē stungs: altsīilth hinū il shouan:
8Ā lth hāadas helthli unga alth dī an āanāgung, waigen ltha kwutungē lthanga dī stāhā jingāgung.
9Tliku lth hāada kingwoguns skadadas ltha skadas althlā, altsīilth ginggangan singelthkang dī ā ltha gūshūgung.
10Waigen ltha skūlas an il aiyangang ken hin ltha il shūtaiang: kwudungūlthā waigen lth anūnshito.
11Nung helthli ik kin katsasu kum nung ītlinga tlaskēlēlthānḡung: nung helthli stāhā kin isu nung ītlinga tlaskēlēlgung.
12Wadlu lagagahatijanḡē istlāgang, waigen hin lā ltha shūtaiang: Pharisee hāadē ashgē gūshouwē kwudunḡun silīd ltha kwutungēstis an gu dung ūnshit us?
13Waigen hangtlan hinū il shouan, kinlthkai wautliwan kum dī Aung shā isis tlidzānsu gwunistlāsang.
14Agwan an ltha lth eda: ltha hangkagā halistal lēilung ltha īching. Nung hangkagā nung hangkagā an halkāsken, hānlth silī il houwilguwaushang.
15Waigen Peter hangtlan hin il shūtaiang, adshi kīgangē alth ītil ga lth kīgang.
16Waigen hinū Jesus shouan, dalung ishin gu houān dakētisōdja?
17Kin wautliwan helthli ik istzasu kītch ik istalgung, waigen ltha kāgwulgunḡung: kum gu an dalung ūnshitāng us?
18Kin wautliwan ltha helthli stāhā isu ltha kwutungē stāhā īching, waigen ou kin isis nung ītlinga tlaskēlēlgunḡung.
19Kwulthal dāunga isken; lth hāada ltha tlitas ishin: ltha chāada alth ltha tians ishin: kwolthta ishin: ltha alth ltha kilthkadungs ishin: gūshou saatsga ishin: ou kin isis wautliwan kwutungē stāhā īching.
20Waigen ā kin isis nung ītlinga tlaskēlēlgunḡung, waigen stlantlan ādang nung lthtanūstlo kum nung ītlinga tlaskēlēlthānḡung.
21Stāhā il kaiitang, waigen Tyre tligē isken Sodom tligē ishin gu il kātlāgang.
22Waigen kwoking nung Canaan chitga adshi aiyūskiou stāhā kātlāgang ken hin lā ā il sahailthlaiang: dī kalthshint lth kwutung O Shālānā, David kitu: dī gwudjana hetgwaulana alth kwutungē kinkaladāgung.
23Waigen kum kil swaunshung alth hangtlan lā il shūtaangang. Lagagahatijanḡē istlāgang, waigen hin lā ltha shūtaiang, lā lth kil kaiit ītil glā il sahailthlas althlā.
24Waigen hinū hangtlan il shouan: Israel tligē lamatoē gūguns kingān edis ou dī il kil kaiidāḡungwau.
25Il kātlāsken hinū lā ā singelthkang il gūshū tlidzouang: Shālānā dī ta lth tlāt.
26Waigen hin hangtlan lā il sliūtaiang, lth hāhudila giē shibiligē hā ga nung istiē ū kum lānḡung.
27Waigen hinū il shouan: āng Shālānā: yenkien hai ishin kwōkungwē nung ītlagidas giē tablegē stāhā ḵẖouwesu tāgung.
28Itan Jesus hin hangtlan il shūtaiang, O nung chadas, dung yeta yūanḡung: tliku dung kwudungs kinḡan agwan lth dung an eda. Waigen ashgē askaskitē gud il gwudjana nūngistlaiang
29Waigen Jesus stāhā kaiitang ken Galilee tungē an il kātlātalstlo lthdou gwi il kātlaiang ken gu il kouwaiang.
30Waigen ltha skūla yūan lā an istlāgang: ltha kwollo kōdas isken: ltha hangkagas ishin: ltha kil gūs ishin: ltha tlikiā ishin: waigen ltha stis gwudila ed kwan ishin ltha alth idjan. Jesus stai hetgu ltha ltha istaiang, waigen ltha wautliwan il tlatagwiēlāni.
31Altsīilth ltha kil gūdsias gūshūs isken: ltha kwollo kōdas istalguns ishin: ltha hangkagas kin kingsa ishin: ltha tlikias nūngistlas ishin ltha kāngang tlo, ltha skūlas kaldungāḡangang, waigen Israel hāadē ān nung Itlagidas an ltha yākwudangang.
32Waigen Jesus lagagahatijanḡē agang an il aiyangang ken hinū il shouan: ltha skūlas kalthshint dī kwutunḡung, wēata sin lth'unilth gud dī alth ltha isis althlā, waigen kum kin tātlingē ltha daānḡung. Ltha kīsalgundang kum ltha lth kil istiēdāngshang kūwē gud ltha hāaḡādalsēs althlā.
33Waigen lagagahatijanḡē hin il shūtaiang, tliga dāunga gu kītchistahā shibili hūga kwan talung istāshang ā ltha skūl yūans skisouēanā.
34Jesus hin ltha shūtaiang shibili hūga ki kīslu dalung daang? waigen hin ltha shouan ki chigwau, waigen skātlink hudila klingān ishin īching.
35Waigen ltha skūlas tligē inku il kil tlaouang.
36Waigen shibili hūga ki chigwau isken, skātlingē ishin il istaiang: sing il killāgāni, waigen hē il ginanangang ken lagagahatijanḡē ga il istaiang, lagagahatijanḡē ishin ltha skūlas ga istaiang.
37Ltha wautliwan lthtanouang waigen skisouāni: waigen kwōkungwē gwuda ltha istaiang ken basketgē ā chigwau staouwaiang.
38Itlansidas lagwau klālē klālē stung isken, lth chāadāsi ishin, lth hāhudila ishin lthtanouang.
39Waigen ltha skūlas il kil istiēdang ken kontluwē gwi il kātlīgang, waigen Magadan skwausgiou gu il tlu kātlāgang.
Currently Selected:
Matthew 15: HAIDA
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1891-1899.
