Matthew 14
14
Chaptergē Klāalth wok Stanshung.
1ASHGĒ timegē gud Herod nung King gas Jesus giatlingē il kwudangang:
2Waigen kitzadalung hin il shūtaiang, John the Baptistū ā īching, kwotal il kātlouang altsīilth kin an kaldunga lā hagunan kānḡēlgung.
3Herod awolth John istaiang althlā, il yhē lā il kētsgustlaiang ken Herodias il kwai Philip chā isis hagunan kētsit nē ā lā il istaiang.
4John hin lā ga shouan althlā kum lā dung inalē lāngung.
5Tlīstluan il tīiē da il kwudangang tlo ltha skūlas ga il lthwaugaiang, nung prophetgas il is hin ltha kwudangāni althlā.
6Tlīstluan Herod tlakaiang shantlanē idjan tlo, Herodias gwudjan ltha hangku yhelang, waigen alth Herod kwutungē lāgang:
7Altsīilth gūshou kladska yūan alth hinū il shouan: kin ga il kiānungs kingān lā ga il istasangang.
8Waigen gwudjana unga hin il ou shūhālang, John the Baptist kats lth kēlthka ā isis ādlun dī ga ista: waigen hinū il shouan John the Baptist kats lth adshi kēlthka inku dī ga ista.
9Itan anung king gas kwutungestigang: il gūshouwē kladskāgang hagunan: ltha wautliwan lā alth lthtanouang hagunan hin il shouan, agwan lth lā ga isto:
10Waigen kitzadalung il kil istiēdang, waigen kētsit nē ā John kats washt ltha skīkitlaiang.
11Il kats kēlthka ā isis anung hāchadas ga ltha istaiang, waigen ou unga ā il istaiang.
12Waigen lagagahatijanḡē istlāgang, il tlu ltha istaiang ken ltha tlēēwaiang. Waigen Jesus ga ltha shūtāgāni.
13Tlīstluan Jesus kwudangang tlo, wadshi stāhā tliga dāunga ā il tlu kaiitang; waigen tlīstluan ltha skūlas kwudangang tlo, ilnigē stāhā lā tlāid stē unga alth ltha istiēdang.
14Waigen Jesus kāgwālang; waigen tlīstluan ltha skūla yūans il kāngang tlo ltha kalthshint il kwutangang ken ltha stis ltha il tlanūngistlaḡangang.
15Singyāsken lagagahatijanḡē lā an istlāgang, waigen hin ltha shouan: tliga dāungou ā īching, waigen timegē tlanelgung, altsīilth wēata ltha skūlas lth kil istiēda: lana ā ltha istiēdsiken tou ltha dāhouiēanā.
16Waigen Jesus hin ltha shutaiang, kum ltha istiēdē lānḡung, kin tātlingē lth ltha ga isto.
17Waigen hin lā ltha shūtaiang, shibili alungē kwu klēlth swaunan ādlun ītli ā īching, waigen skātlink stung īshin.
18Waigen hinū il shouan althgwi dī ga lth isto.
19Waigen ltha skūlasu kunē inku il kil tlaouāni; shibili alungē kwu klēlth isken skātlink stung ishin il istaiang ken shā tligē il kiatsgildaiang. Sing il killāgīīsken hē il ginanangang, wadlu shibili alungē lagagahatijanḡē ga il istaiang, waigen lagagahatijanḡē ltha skūlas ga istaiang.
20Waigen ltha wautliwan lthtanouang, waigen skīsouang: waigen basketgē ā klāalth wok ā stung shibili kwōkungwē alth stāouas ltha istaiang.
21Waigen ītlansidas lagwau klālē klālē stung wok ishin lagwau klālē klēlth lthtanouang, ilā lth chāada ishin idjan, waigen lth hāhudila ishin.
22Waigen houītang Jesus lagagahatijanḡē kontluwē gwi istlīhālang, waigen lā kwunast ingwik ltha tlu kātijēanā houān ltha skūlas il kil istiēdundang.
23Tlīstluan ltha skūlas il kil istiēdgīgan tlo lthdou gwi il katlaiang singelthkang il gūshūēanā: waigen tlīstluan singyā yentlo lā swaunan gu idjāni.
24Wadlu kontluwē sīgē yākwusi ā yēlāni, waigen tatjouwē katsūḡudāngāni alth kontluwē ga stliskāsilunḡangāni.
25Askaskit stanshung ltha skānaiang tlo Jesus aiyuwē ingud ltha ā kāgang.
26Tlīstluan lagagahatijanḡē aiyūs ingud il kās kāngang tlo, ltha kwutungē tlakwīdistlaiang; waigen nung hānts ā hin ltha shouan. Ltha lthwaus sahaigaiang.
27Houītang Jesus hin ltha shūtaiang, kwutungē unga lth lādo tlaou ā īching; kum lth lthwaugāngu.
28Peter hangtlan hin il shūtaiang, Shālānā, dahou is tloalth tūngē ingud āgang di kādi.
29Waigen hinū il shouan, halūt. Tlīstluan Peter kontluwē gwau stāhā kāgaiang tlo tungē ingud il kāgang Jesus ā il kaiitēanā.
30Tlīstluan tatjouwē attawas il kāngang tlo laou lthwaugaiang: il tlidiēdgaiang tlo hinū il sahailthlaiang: Shālānā dī lth kaginda.
31Waigen houītang Jesus stlē unga jistlaiang ken lā il gidsgildaiang, waigen hin lā il shūtaiang, O klingān dung yetang, kashintlou dung lthwaugalthudjang?
32Tlīstluan kontluwē gwi il istlīouang tlo tatjouwē hēlouang.
33Waigen kontluwē gwau ga isi gē lā an istlasken lā ā singelthkang ltha gūshouang, waigen hin ltha shouan: yenkien Shānungetlagidas kitu dung īching.
34Inagūst ltha tlu kātlātajan tlo, Genneserat tligē gu ltha askidang.
35Waigen wadshi tligē hāadē lā an ūnshitālang tlo lana addu isi wautliwan ai ltha kingādaiang, waigen ltha stis wautliwan lā ā ltha kēlthilangang.
36Waigen kōdets kiēkwun swaunan langa ltha gidsgildaḡungē da lā alth ltha kiānangang, waigen ltha wautliwan langa gidsgildaiani kingān nūngistloodzouang.
Currently Selected:
Matthew 14: HAIDA
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1891-1899.
