Lukka Lon lonothon
Lon lonothon
OLukka pokurrot atham enni ana atham wongre ngoul wothothïlettat woIeccuo. Kwokurrinet ul woIouth ana iannoka woIouth. Ook ngka kung pokat pannoka poul woIouth ipothakkat pul ipammakot oIeccuo. Kwangkene kicce thikkoik ana ngre ngoIeccuo nthothettot cik othakka itti aron ina.
OLukka perethe thokwonta thoIuanna ngomamuthie ana thokwonta thoIeccuo. Kwerethe thongkene tholon iloporot loIeccuo ana ngre ngoIuanna pomamuthie ana lon ilokat cik aIeccuo parthuk okkot ngre. OLukka pakene itti thongat Kapik kongothe ul appik nthereneron itti oIeccuo pittiethe pul ipopari ipokat pongo luput attul ana ikken keꞌra ana kwakkarot ul iaꞌrintinthet nili akucci amakothok, ana kwokïccet uꞌrupa iokithak nti ipul. OLukka pereneron lon lothokkwie lon kuru ncik lopul poCcamria ipoporot (Kuꞌrathal 10) ana Lokkul iurathe cik (Kuꞌrathal 15). OLukka pacothot atham ntheret tat akka oIeccuo poccokothe thiak ana io ana uroko nti ithio. Kumminthet ul wothothïlettat wung akwokenekin itti kwokat pannio. Kwonekkekathe lon cik itti kwathïnthet kin Kanang ikupupure. Ana kwopakkathe tothiꞌrot.
Lon ilaik iatham
1. Lon lonothon (1.1–4)
2. Thokwonta ana thathukur thoIuanna ngomamuthie ana oIeccuo (1.5—2.52)
3. Ngre ngoIuanna pomamuthie (3.1–20)
4. Mamuthie ana thennekketta thoIeccuo (3.21—4.13)
5. OIeccuo pakkot ngre nokaꞌran koCelïl (4.14—9.50)
6. OIeccuo peot nnokaꞌran koCelïl akweo nokaꞌran koUruccelim (9.51—19.27)
7. Thokkiet oIeccuo thiak ana thio (19.28—23.56)
9. OIeccuo purokot nti ithio ana kumminthet ul wung iammakothok (24.1–53)
Currently Selected:
Lukka Lon lonothon: Lumun
Highlight
Share
Copy
Want to have your highlights saved across all your devices? Sign up or sign in
´© (Active), Wycliffe Bible Translators, Inc. All rights reserved