MIKAH 5

1Jerusalem mite, na ngalkap uhte munkhatah khawm un! Ngal ten kil khawng zo haw hi; Israel puitu cu a biang pen thik ngolh tuah vat haw tuk hi.

Bethlehem Pen Pathian Thutiam Uktu

2 Topa in, “Bethlehem Efrathat, nang cu Judah peng sung pen khua neubel pa khat hi navecin na sung pen Israel uktu suaktik tung hi. A pianpatnak cu tanglaih cawng pepan zo tin,” ti hi.#Mt 2:6; Jn 7:42;

3 Topa in, ca neitu tuk nu in, capa a hin laih ngawl sung cu a ngal tei khut sungah a mihingte zamsan tuk hi. Mahceng ten a unau ngalmatnak mun a umtute tuah khawmdunleh haw tuk hi. 4Amah a hun ten Topa i ngilnak le Topa Pathian i huham tuah a miphunte cu uk tuk hi. Leihum mi hempohin, a thawm ngengnak amuh haw hangin a mihingte cu himdam zetin um haw tuk a, 5lemdaihnak henpih tuk hi.

Patsuahnak le Dantatnak

Assiria miten a ngam uh do in, a ngalpannak mun uh a hen haw ten amuhte do tukin a puitu uh sung pen mi ngilbelte hah tuk hung. 6A hiamnam haw tuah Assiria ngam Nimrod i ngam cu do in, neh haw tuk hi. Assiria ten a ngam uh a do haw ten amuh ten pan haw tuk hi.#Pian 10:8-11;

7Israel mi a tangcalam cu miphun tampi ca in Topa i khiaksukmi daita bang hi haw tuk hi; thingkung dawnno ca in nguah masabel bang hi haw tuk hi. Mihing muang ngawlin Pathian bek muang haw tuk hi. 8Israel mi khenkhat cu miphun tampi lakah tang haw tuk a, tupi sung le ngan tatnak phul lakah an zei in, a vak limi kiosa bang haw tuk hi. Kiosa cu tuu hon lakah tum a, manin, botkek khawng hi. Patsuah theihnak tuk umma. 9Mahti bangin Israel miten a ngalte cu nehin, siatsuah khawng tuk hi.

10 Topa in, “Mah ni ten na cipuh uhte laksak tung a, na cipuh leng uhte siatsuah khawng tung. 11Na khuapi uhte siatsuah khawng tung a, na ngalpannak uh kulhtiante sukaih khawng tung hi. 12Na mitzial thiamte vawk khawng tung a, na mipol uhte vang pa khat hei khawih tuk mang hi. 13Na milim uh le na biak lih uhmi suangphutte siatsuah khawng tung. Nangmuh bawlcawmmi cu ituk mahten bia toh pahsuh un. 14Na ngamsung a, Asherah milimte le na khua uhte cu siatsuah khawng tung. 15Ka thu a zui ngawltu miphun hempoh cu ka thinukin, a hum hawah phuba la tung hi.”

Currently Selected:

MIKAH 5: NBF1

Highlight

Copy