MATTHEW 6
6
Silpieh tawh Kisai
1“Biehna tawh kisai na sil bawlte uh midangte’ mu dinga na bawl lo nadingun pilvang un; bangzieh ahei cile tua banga na gamtat uleh vantunga om na Pa uh kung panin thaman na nga sih ding uhi.#Mat 23:5
2“Tuaci’n note in silpieh na pieh sielun mihoi kipangte in midangte phat ding a dei ziehun kikhopna inn sung le lamdung tengah pengkul a mutsah bangin na pie sih un. A tahtah a kang ci-in, amate in a thaman uh a nga zo ta uhi. 3Ahi vangin note in silpieh na pieh uh ciengin na zietlam khut’ bawl na veilam khut in theisah da un. 4Tua hileh na silpieh uh pen dappieh ahi ding hi; tua hile a dapmu na Pa un thaman ang pie ding hi.
Thungetna tawh Kisai
(Luk 11:2-4)
5“Thu na nget sielun mihoi kipangte na bang sih un; azieh pen amate in midangte’ mu theithei dingin kikhopna inn sung le lamkabawm lahpo-ah dinsa-in thu a ngen nuom sese uhi.#Luk 18:10-14 6Ahi vangin thu na nget sielun na innkhan sung vuah lutin kot khah unlen, mu thei lona muna om na Pa uh kungah ngen un; tua hile ang dapmu na Pa un note thaman ang pie ding hi.
7“Thu na nget ciengun Gentile mite bangin kimanna nei lo kam tampi mawh sutsut sih un; azieh pen amate in tampi a nget ziehun a kiza deu ding a sa kha uhi. 8Thu na nget masangun na Pa un na kisap teng uh thei zo ahi ziehin amate na bang sih un.
9“Tua ahi ciengin tam bangin thu na ngen un:
Vantunga om kohaw’ Pa aw,
na min kizatah hinlen,
10na gam hing tung taheh.
Na deina vanah a kizui bangin
leitung ah zong kizui taheh.
11Nisim ka nehkhop ding uh
an ei pie in.#6:11 Ahi sihle “zing cienga ka nehkhop ding uh an”
12Ko tunga ang mawte
ka maisah ma bangun
ka mawnate uzong ei maisah in.
13Solna ei thuohsah sinlen,#6:13 Ahi sihle “ze-etna ei thuohsah sinlen”
gilopa kung pan ei hunkhie in.
Uh zawhna, vanglietna, minthanna
nei tawntung ta in, Amen.#6:13 Ahi sihle “sietna pan”. “Uh zawhna, vanglietna, minthanna nei tawntung ta in, Amen” ci pen adang tang laibute in a na belap uh ahi hi.
14Azieh pen midangte’ khielna na maisah uleh vantunga om na Pa un zong note’ khielna ang maisah ding hi. 15Ahi vangin midangte’ khielna na maisah sih uleh na Pa un zong note’ khielna ang maisah sih ding hi.#Mrk 11:25-26
Antanna tawh Kisai
16“An na tan sielun mihoi kipangte bangin damai puo sih un, azieh pen amate in a antan uh midangte a lah nop ziehun a maisuo uh a siesah uhi. A tahtah a kang ci-in, amate in thaman a nga zo uhi. 17An na tan uh ciengin na lu uh sathau si unlen, na mai uh phiet siengzaw un, 18tuaci’n midangte in na an tan lam uh a mu sih vangun a simtham-a a om na Pa un ang mu veve ding hi; tua hile ang mudap na Pa un note thaman ang pie ding hi.
Gougil tawh Kisai
(Luk 12:33-34)
19“Nget in ne-in sam-eh#6:19 Gk “nehna” a kai theina, gutate in lu-in a guh theina leitungah na goute uh khol sih un;#Jas 5:2-3 20nget in a neh thei lona, sam-eh#6:20 Gk” nehna” a kai thei lona, gutate in lu-in a guh thei lona mun vantungah na goute uh kholzaw un. 21Azieh pen na gou opna mun vuah na lungsim uzong a om ding hi.
A Cidam Mittang
(Luk 11:34-36)
22“Mittang pen pumpi adingin khuovah ahi hi. Tuaci’n na mit uh a cim leh na pumpi tung zosie a vah ding hi; 23ahi vangin na mit uh a cim sih leh na pumpi tung zosie uh a miel ding hi. Na sung vua a om khuovah pen khuomiel ahile bangza tahin a miel mawh ta diei!
To Ni’ Nasepna
(Luk 16:13)
24“Koima in to ni’ na sem zo lo hi; azieh pen sila pa in khat muda-in a khat it ding a, ahi sihle a khat belin adang khat simmaw ding hi. Note in Pasien’ na le leitung hauna’#6:24 Gk “mammon” na na semton zo sih ding uhi.
Lunghimaw Sih un
25“Tua ahi ziehin ke’n kang ci-in, bang ne-in bang ka dawn diei, ci-in na hinkhuo ading uh lunghimaw sih unlen, bang ka sil diei, ci-in zong na pumpi vua dingin lunghimaw sih un. Nehledawn sangin hinkhuo thupizaw a, silleten sangin pumpi thupizaw hi lo amah? 26Vana a leng vate en un; amate in khai a tu ngai sih vua, an la-in bem sungah a khol vateh sih uhi, hizongle vantunga om na Pa un tuate an a vah hi. Tuate sangin na manphazaw sam sih ding uh amah? 27Tua ahile na lunghimaw ziehun note lahah na hinkhuo uh nai khat sung a sotto thei koi om na hi uh ahei?#6:27 Ahi sihle “a dunglam tong khat a saubesah thei” 28Bang dinga silleten ading lunghimaw na hi uh ahei? Gamlahah unoh paate khandan ngaisun vawi un; amate in na lah a sem sih vua, vau zong a zom ngai vateh sih uhi. 29Hizongle ke’n kang ci-in, Solomon nangawn a thupina zosie tawh a kizep ciengin tua paapete lahah khat zong a ban zo nai sih hi.#1Kum 10:4-7; 2Khg 9:3-6 30Ahi vangin tuni-in hing a, zing cienga meikhuh sungah a kipai lel ding gamlah lopate bawn Pasien in puon silsah ahileh no upna neu mite aw, ama in note puon ang silsah zawkan sih ding amah? 31Tua ahi ziehin, ‘Bang ka ne diei?’ ahi sihle, ‘Bang ka dawn diei’ ahi sihle, ‘Bang ka sil diei’ ci-in lunghimaw sih un. 32Azieh pen tam teng zosie adingin Gentile mite a hanciem uhi; tam teng zosie na kisap lam uh vantunga om na Pa un thei zo hi. 33Pasien’ manggam le ama’ dihna sui masa un, tua hile tam teng zosie zong ang kipiehbe ding hi.
34“Tua ahi manin zing cieng ading lunghimaw sih un, azieh pen zingcieng in ama adingin a lungkham na ding hi. Tuni’ buoina tuni adingin kicing gawp ta hi.
Currently Selected:
MATTHEW 6: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
