Popular Bible Verses from MATTHEW 6

Share

Pasien’ manggam le ama’ dihna sui masa un, tua hile tam teng zosie zong ang kipiehbe ding hi.

“Tua ahi manin zing cieng ading lunghimaw sih un, azieh pen zingcieng in ama adingin a lungkham na ding hi. Tuni’ buoina tuni adingin kicing gawp ta hi.

“Tua ahi ziehin ke’n kang ci-in, bang ne-in bang ka dawn diei, ci-in na hinkhuo ading uh lunghimaw sih unlen, bang ka sil diei, ci-in zong na pumpi vua dingin lunghimaw sih un. Nehledawn sangin hinkhuo thupizaw a, silleten sangin pumpi thupizaw hi lo amah?

Ahi vangin thu na nget sielun na innkhan sung vuah lutin kot khah unlen, mu thei lona muna om na Pa uh kungah ngen un; tua hile ang dapmu na Pa un note thaman ang pie ding hi.

“Tua ahi ciengin tam bangin thu na ngen un: Vantunga om kohaw’ Pa aw, na min kizatah hinlen, na gam hing tung taheh. Na deina vanah a kizui bangin leitung ah zong kizui taheh.

Nisim ka nehkhop ding uh an ei pie in.

Ko tunga ang mawte ka maisah ma bangun ka mawnate uzong ei maisah in.

Solna ei thuohsah sinlen, gilopa kung pan ei hunkhie in. Uh zawhna, vanglietna, minthanna nei tawntung ta in, Amen.

Azieh pen midangte’ khielna na maisah uleh vantunga om na Pa un zong note’ khielna ang maisah ding hi.

Vana a leng vate en un; amate in khai a tu ngai sih vua, an la-in bem sungah a khol vateh sih uhi, hizongle vantunga om na Pa un tuate an a vah hi. Tuate sangin na manphazaw sam sih ding uh amah?

“Nget in ne-in sam-eh a kai theina, gutate in lu-in a guh theina leitungah na goute uh khol sih un; nget in a neh thei lona, sam-eh a kai thei lona, gutate in lu-in a guh thei lona mun vantungah na goute uh kholzaw un. Azieh pen na gou opna mun vuah na lungsim uzong a om ding hi.

“Koima in to ni’ na sem zo lo hi; azieh pen sila pa in khat muda-in a khat it ding a, ahi sihle a khat belin adang khat simmaw ding hi. Note in Pasien’ na le leitung hauna’ na na semton zo sih ding uhi.

Ahi vangin tuni-in hing a, zing cienga meikhuh sungah a kipai lel ding gamlah lopate bawn Pasien in puon silsah ahileh no upna neu mite aw, ama in note puon ang silsah zawkan sih ding amah?

Ahi vangin note in silpieh na pieh uh ciengin na zietlam khut’ bawl na veilam khut in theisah da un. Tua hileh na silpieh uh pen dappieh ahi ding hi; tua hile a dapmu na Pa un thaman ang pie ding hi.

“Biehna tawh kisai na sil bawlte uh midangte’ mu dinga na bawl lo nadingun pilvang un; bangzieh ahei cile tua banga na gamtat uleh vantunga om na Pa uh kung panin thaman na nga sih ding uhi.

“An na tan sielun mihoi kipangte bangin damai puo sih un, azieh pen amate in a antan uh midangte a lah nop ziehun a maisuo uh a siesah uhi. A tahtah a kang ci-in, amate in thaman a nga zo uhi. An na tan uh ciengin na lu uh sathau si unlen, na mai uh phiet siengzaw un, tuaci’n midangte in na an tan lam uh a mu sih vangun a simtham-a a om na Pa un ang mu veve ding hi; tua hile ang mudap na Pa un note thaman ang pie ding hi.