Popular Bible Verses from MATTHEW 5

Share

Meivah a vah zaw ciengin koima in law khu loin meivah tunna tungah koizaw a, tua in inn sung zosie tanvah hi. Tua ma bangin amate in na silpha bawl uh a mu ciengun vantunga om na Pa uh’ min a phat thei nadingun mite mai-ah na khuovah uh na tangsah un.

“Note leitung khuovah na hi uhi. Muol tunga kilam khuo kisel thei lo hi.

Lungsim siengthote thupha nga ahi hi, bangzieh ahei cile amate in Pasien a mu ding uhi.

“Dihna zieha gilkiel dangtate thupha nga ahi hi, bangzieh ahei cile amate a lungtai ding uhi.

Ahi vangin ke’n kang ci-in, na galte it unlen ang bawlsiete adingin thunget pieh un.

“Hlagau lamah a zawngkhal mite thupha nga ahi hi, bangzieh ahei cile vantung gam amau-a’ ahi hi.

Kilemna bawlte thupha nga ahi hi, bangzieh ahei cile amate Pasien’ tate kici ding hi.

“A kap a maute thupha nga ahi hi, bangzieh ahei cile amate a kihenem ding hi.

Dihna zieha bawlsietna a thuoh mite thupha nga ahi hi, bangzieh ahei cile vantung gam amau-a’ ahi hi.

Mi hepi theite thupha nga ahi hi, bangzieh ahei cile amate in hepina nga ding uhi.

Keima ziehin mite in hing hosie-in ang bawlsiet vua, a man lopi-a sietna namcin tawh ang mawsah uh ciengin thupha nga na hi uhi. Vantungah na thaman uh lien ahi ziehin lungdamin kipah un. Azieh pen no masanga kamsangte zong tua ma bangin na kibawlsie ngai hi.

“Lungnem mite thupha nga ahi hi, bangzieh ahei cile amate in leitung luo ding uhi.

“Note leitung ci na hi uhi; hinanle ci a alna mang leh bangci ki-alsahkia ding ahei? Paimangin keng tawh totcil ding longal a kimanna ding a om nawn sih hi.

Tua ahi ziehin vantunga om na pa uh a cingtah ahi ma bangin no zong na cingtah un.

Na thugente a hite, ‘Hi’ ci unlen, ahi lote, ‘Hisih’ ci lel un; tua bansie poma gilopa kung pana ang pei ahi hi.

“’Mittang’ tangin mittang, ha’ tangin ha,’ a kici thu na zahsa uh ahi hi. Ahi vangin ke’n kang ci-in, sietna bawlpa ledo sih un. Mi khatpo in na pang zietlam ang beh leh a lang khat zong na dawlai zaw in

Na zietlam mit in ang mawsah leh kheidawh inlen paimang in; na pumpi buppi hell khuh sunga ang kipai sangin na tahsa behkhat a pelem ding nang adingin hoizaw hi. Na zietlam khut in ang mawsah leh sattan inlen paimang in; na pumpi buppi hell khuh sunga a pei sangin na tahsa behkhat a pelem ding hoizaw hi.