MATTHEW 25

Mopawi Sim Ngahnu Sawmte

1“Tua ciengin vantung gam pen zinei pa#25:1 Adang tang laibute ah “monu” dawn dingin meivah keng a, a kuonkhie mopawi sim ngahnu#25:1 Gk “ngahnu siengthote” sawmte tawh kibang hi.#Luk 12:35 2Amate lahah mi nga maw-in mi nga pil hi. 3Tua a mawte in a meivah uh keng napi meitui a keng sih uhi. 4A pilte in ahileh meitui kithalsa thawlte a keng uhi. 5Zinei pa a kiheh ziehin a unpi-un lusu-in a kimu uhi. 6Ahi vangin zankim ciengin, ‘En un! Zinei pa tanah hing tung ta! Ama dawn dingin hing pei un,’ ci-in kitangko hi. 7Tua ciengin mopawi sim ngahnu#25:7 Gk “ngahnu siengthote “ sawmte tho-in a meivah uh a puo ciet uhi. 8A mawte in a pilte kungah, ‘Ka meivah uh a mit ding hi ta, na meitui uh themkhat ei hawm un,’ ci uhi. 9Ahi vangin a pilte in, ‘Hi thei sih! No ading le ko ading kicing sih va; pei unlen meitui zuate kungah noma ading lei zaw un,’ ci-in a dawng uhi. 10Amate in meitui a lei laitahun zinei pa tungin a kigingsa teng tawh mopawi ah a lut ton uhi; tuale kot a kikha pai hi. 11Tua zaw ciengin adang mopawi sim ngahnute#25:11 Gk “ngahnu siengthote” zong tungin, ‘Topa, Topa aw, kot ei hon in,’ a ci uhi. 12Ahi vangin ama in, ‘A tahtaha kang ci-in, note kang thei kha sih hi,’ a ci hi.#Luk 13:25 13Tua ahi ziehin a ni a nai thei lo na hi ziehun ngah lenlon un.

Talent Thugentena

(Luk 19:11-27)

14“Tami pen a nasemte hlanin a neisa teng amate a ap zaw ciengin khuol zin mi khat tawh kibang hi. 15Amau’ siemna tawh kizui-in khat tungah talent#25:15 Talent khat pen nasem pa khat in kum sawm le kum nga sunga a nga a nitha tawh kikim hi. nga, adang khat tungah ni, adang khat tungah khat ci bangin a pie ciet hi. Tua ciengin ama a peikhie hi. 16Talent nga a nga pa pei-in tua teng tawh sum bawl a, adang talent nga a mu be hi. 17Tua ma bangin talent ni a nga pa in talent ni ma a mube hi. 18Ahi vangin talent khat a nga pa pei-in leisung to-in a pu’ sum a phuol hi. 19Hun sawtpi zaw ciengin silate’ pu pei-in amate tawh sum sazien laibu a en hi. 20Tua ciengin talent nga a nga pa in a mube talent nga tawi-in a mai-ah pei a, ‘Pu aw, kei tungah talent nga nei ap hi; en in, talent nga ka na mube hi,’ a ci hi. 21A pu in ama kungah, ‘Hoi sep cie, a hoi le a muonhuoi silapa; sil themno khat tungah na muonhuoi hi, a tampi tungah zong vaihawmin kang koi ding hi; na pu tawh nuomsa ton in,’ a ci hi. 22Talent ni a nga pa zong a mai-ah pei-in, ‘Pu aw, kei tungah talent ni nei ap hi; en in, talent ni ka na mube hi,’ a ci hi. 23A pu in ama kungah, ‘Hoi sep cie, a hoi le a muonhuoi silapa; sil themno khat tungah na muonhuoi hi, a tampi tungah zong vaihawmin kang koi ding hi; na pu tawh nuomsa ton in,’ a ci hi. 24Tua ciengin talent khat a nga pa a mai-ah pei-in, ‘Pu aw, nang mi genha pi khat na hi hi, na vaw lona munah khaici na at a, na the lona munah a ga na khop lam ka thei hi; 25tuaci’n kei ka zau a, tuale pei-in lei sungah ka talent ka phuol hi. Tanah nang-a’ teng ma a om hi,’ a ci hi. 26Ahi vangin a pu in, ‘Nang migilo mi thada silapa! Ka vaw lona munah atin ka the lona munah ka khop lam na thei amah? 27Sumkholna ah ka sumte na koi lacin hoi ngel ding hiven, tua hile kang kilekia ciengin ka sum a met tawh ka nga theikia ding hi. 28Tua ahile ama kung panin tua talent la unlen, talent sawm nei mipa pie un. 29Bangzieh ahei cile a nei poma kipiehbe ding a, amate in tampi neibe ding uhi; ahi vangin bangma a nei lote kung panin a neisun nangawn uh kilahpieh ding hi.#Mat 13:12; Mrk 4:25; Luk 8:18 30Kaana le hagawina mun a pulam khuomiel lahah bangma-a kimang lo tami silapa pai dawh ta un,’ a ci hi.#Mat 8:12; 22:13; Luk 13:28#Luk 19:11-27

Minamte Thukhenna

31“Mihing Tapa in ama’ minthanna silin vantung mite zosie tawh ang pei ciengin a minthanna kumpi topha tungah ang to ding hi.#Mat 16:27; 19:28 32Ama mai-ah minam zosie kikhawm ding a, tuucing pa in tuu le keel a tuom khen ma bangin ama in mite a tuomin khen ding hi. 33Ama in tuute a zietlamah koi-in, keelte a veilamah koi ding hi. 34Tua ciengin kumpipa in a zietlam a omte kungah, ‘Ka pa in thupha a piehsa mite aw, hing pei unlen, leitung kisiemcil a kipanin note dinga a kibawlsa gam luo un; 35bangzieh ahei cile ka gilkiel laitahin ka neh ding an nei pie vua, ka dangta laitahin ka dawn ding tui nei pie uhi. Khuolmi ka hi laitahin zin nei do vua, 36sil ding puon ka nei lo laitahin puon nei pie uhi. Ka cinat laitahin nei kem vua, thong sunga ka op laitahin nei ve uhi,’ a ci ding hi. 37Tua ciengin midihte in, ‘Topa aw, bang cihin na gilkiel hing mu-in an kang pie vua, bang cihin na dangta hing mu-in tui kang pie ngai uh ahei? 38Bang cihin khuolmi na hi lam hing mu-in zin kang do vua, bang cihin na puon nei lo lam hing mu-in puon hing pie ka hi uh ahei? 39Bang cihin na cinat hing mu-in kang kem ta vua, bang cihin na thongkieh lam hing mu-in kang ve ta uh ahei,’ ci ding uhi. 40Kumpipa in amate kungah, ‘A tahtaha kang ci-in, tami ka innkuonpite#25:40 Gk “tam ka sanggamte” lahah a neupen khat tunga na bawlte uh kei tunga a bawl na hi uhi,’ a ci hi. 41Tua ciengin ama in a veilam a omte kungah, ‘No samsiet mite aw, dawimangpa le a vantung mite dinga kibawlsa tawntung meikuong sungah pei ta un; 42azieh pen ka gilkiel laitahin an nei pie sih vua, ka dangta laitahin tui nei pie sih uhi. 43Khuolmi ka hi laitahin zin nei do sih vua, puon ka nei lo laitahin puon nei pie sih uhi. Ka cinat laitahin nei kem sih vua, ka thong kieh laitahin nei ve sih uhi,’ a ci ding hi. 44Tua ciengin amate in zong, ‘Topa aw, bang cihin gilkielin na dangta a, zin tungin puon nei loin na op lam le, cina-in thong sunga na op lam hing mu-in hing kem lo uh ka hei?’ ci-in a dawng ding uhi. 45Tua ciengin ama in, ‘A tahtaha kang ci-in, tam mite a neupen khat tunga na bawlte uh kei tunga a bawl na hi uhi,’ ci-in amate a dawng hi. 46Amate kumtawn gawtna munah a pei ding vua, midihte ahile kumtawn hinna sungah a lut ding uhi,” a ci hi.#Dan 12:2

Currently Selected:

MATTHEW 25: ZBOTF01

Highlight

Copy