MATTHEW 21

Jerusalem ah Jesu Guolzo-a a Lutna

(Mrk 11:1-11; Luk 9:28-40; Jhn 12:12-19)

1Jerusalem khuonai, Olive muol tunga a om Bethphage khuo a tun uh ciengin Jesu in a nuazui ni sawl a, 2ama gel kungah, “Na mai vua khuo ah va pei ta unlen, a no tawh khau kikhisa laapi khat thakhatin na mu ding uhi; hing sut unlen ka kungah hing kai un. 3Mi khatpo in bang khatpo ang gen leh, ‘Topa in tulmaw hi,’ ci zieu locin ama in ang kaisah pailien ding hi,” a ci hi.#21:3 Ahi sihle, ’ Topa in tuate tulmaw a, ang peisahkia pai ding hi,’ 4Tam thu pen kamsangpa’ thugenna a tangtun nadinga pieng ahi a,

5“En in, Zion tanu aw,

na kumpipa kiniemkhiehna tawh

laapi’ ta laano tungah tuongin

na kung vuah ang pei ding hi,” a ci hi.#Zech 9:9

6Nuazui tegel zong Jesu’ hil bangin a gamta uhi. 7Ama gel in laapi le a no kai-in a tungah puonte a pha vua, tuate tungah ama a tuong hi. 8Mihon tampite#21:8 Mihonte a unpi phielin” in lampi-ah a puonte uh a pha vua, adangte in singbate satin lampi-ah a pha uhi. 9A mai-a pei mihonte le a nua lama pei mihonte in,

David’ Tapa tungah Hosanna!

Topa’ min tawh ang pei pa in thupha nga taheh!

Van a sangna munah hosanna!” ci-in a kiko uhi.#Late 118:25-26

10Jerusalem ah ama a lut ciengin a khuozangun a buoi gawp vua, “Tam pa koi ahei,” ci-in a dong uhi. 11Mipite in, “Galilee gam Nazareth khuo pana kamsang Jesu ahi hi,” a ci uhi.

Jesu in Biehinnpi Siensuo

(Mrk 11:15-19; Luk 19:45-48; Jhn 2:13-22)

12Tua ciengin biehinnpi#21:12 Adang tang laibute ah “Pasien’ “ kibelap hi. sungah Jesu lutin biehinnpi sunga vanzua le vanlei mi zosie notmang a, sumkhelte’ tona sabuoite le vakhu zuate’ tonate zong a khulepieh gawp hi. 13Ama in a kung vuah,

‘Ka inn in thungetna inn kici ding hi,’ ci-in kigiel hi;

hizongle note in misuomte’ kibuhna kuo na suo ta uhi,” a ci hi.#Isa 56:7; Jer 7:11

14Biehinnpi sunga ama kungah mittawte le khelbaite a pei vua, tuale ama in amate a damsah hi. 15Ahi vangin siempu liente le thukham hil siete in a na lamdang bawlte mu-in, naupangte in biehinnpi sungah, “David’ Tapa tungah Hosanna,” ci-in a kikona a zah#21:15 Gk ah “za” ci om lo hi. uh ciengin a lung uh thah a, 16ama kungah, “Tamte in bang thu gen ci na za ei mah?” a ci uhi. Jesu in amate kungah, “Za ma ing; note in,

‘Naungehte le nawitep nausente’ kam panin

nangma ang phatna dingun

na bawlpieh zo ta hi,’

ci-a kigiel khu

na sim ngai sih uh amah?” a ci hi.#Late 8:2

17Amate nuasie-in tua khuopi panin Bethany khuo ah ama pei a, tuanah a gieh hi.

Jesu in Theikung Samsie

18Zingmawngin khuopi lamah a kilekia ciengin ama a gil a kiel hi. 19Lam gei-ah theikung khat a mu ziehin a va pei taleh a nate simlo bangma a mu sih hi. Tua ciengin ama in tua theikung kungah, “Ga ngai nawn poma sin!” a ci leh tua theikung thakhatin a gawta pai hi. 20Nuazuite in tua khu a mu uh ciengin lamdang a sa vua, “Bangci banga theikung tuaci gawta pailien adiei?” a ci uhi. 21Jesu in amate kungah, “Ke’n a tahtah a kang ci-in, note in um la loin upna na nei po uleh, tam theikung tunga kibawlte na bawl thei khop sih ding vua, tami muolte tung nangawn ah, ‘Kikhin inlen tuipi lilai sena’n kinei in,’ ci locin zong na ci bangun a pieng ding hi.#Mat 17:20; 1Cor 13:2 22Note in upna tawh na nget popo uh na nga ding uhi,” a ci hi.

Jesu’ Thuneina Kidong

(Mrk 11:27-33; Luk 20:1-8)

23Biehinnpi sungah ama lutin thu a hil laitahin, ama kungah siempu liente le upate pei-in, “Bang thuneina tawh tamte na bawl a, tam thuneina koi ang pieh ahei?” a ci uhi. 24Jesu in amate kungah, “Ke’n zong khat kang dong ding hi; note in nei dawn thei uleh ke’n zong bang thuneina tawh tam nate ka bawl ahei, ci thu kang gen ding hi. 25John’ baptize-na pen vantung pana ang pei amah, ahi sihle mihing tung pana ang kipan ahei?”ci-in a dong hi. Amate zong khatlekhat a kisel vua, “Vantung pan hi,’ ci lei lah, ‘Tua ahile bang dinga ama na muon lo uh ahei?’ ei ci ding hi. 26Ahi vangin, ‘Mihing kung pan hi,’ ci zel lei lah mi zosie in John pen kamsang khata a ngaisut uh ahi ziehin mipite i giing vanuh uhi,” a kici uhi. 27Tuaci’n amate in Jesu kungah, “Ka thei sih uhi,” a ci uhi. Tuale ama in a kung vuah, “Ke’n zong tamte bang thuneina tawh ka bawl ahei ci kang gen tuon sih ding hi,” a ci hi.

Tapa Nite Thugentena

28“Note in bang na ci ngaisut vuoi? Mi khat in tapa ni nei hi; a tazaw pa kungah pei a, ‘Ka ta aw, tuni-in lengga lei-ah kuonin na va sem ta’n,’ a ci hi. 29Ama in, ‘Kuon sih vang,’ ci napi a lungsim kikhelin a kuon hi. 30A nauzaw pa kungah a pa#21:30 Gk “ama” pei-in tua ma bangin a va ci ta leh ama in, ‘Pa aw, va kuon ta vang,’ ci napi a kuon sih hi. 31Tua nite koi zaw a pa’ deina bangin gamta ahei?” a ci hi. Amate in, “A tazaw pa in,” a ci uhi. Jesu in amate kungah, “Ke’n a tahtah a kang ci-in, Pasien’ manggam sungah note sangin siehdongte le numei pahtatte a lut masazaw ding uhi. 32Azieh pen note kungah dihna lampi tawh John ang pei napi ama na um sih vua, ahi vangin siehdongte le numei pahtatte in ama a um uhi; tua na mu zaw cieng nangawnun na lungsim uh na khel sih vua, zong na um sih uhi.#Luk 3:12; 7:29-30

A Gilo Losappa Thugentena

(Mrk 12:1-12; Luk 20:9-19)

33“Thugentena dang khat na ngai un. Lengga lei a bawl lo neipa khat om a, ama in a kimvelah dai kai-in a sungah lengga cil nading dum to-in tausang khat daw hi. Tua ciengin losapte kawmsahin gam dangah a zin hi.#Isa 5:1-2 34Anlah hun a tun ciengin ama nga ding za teng khon dingin losapte kungah a silate a sawl hi. 35Ahi vangin losapte in a silate na manin khat na sat gawp vua, khat na thatin, khat suong tawh na seplia uhi. 36Ama in a sawl masahte sanga a tamzaw sila dangte sawl leuleu a, amate in a masate ma bangin na bawl veve uhi. 37A tawpna ah, ‘Ka tapa na zatah buong sam va uh,’ ci-in amate kungah a tapa a sawl hi. 38Ahi vangin losapte in a tapa a mu ciengun, ‘Tam pa gamhluo ding pa ahi hi; hing pei un, ama that vai-in a gamh luo ding teng la vai,’ a kici uhi. 39Tuaci’n ama manin lengga lei panin notmangin that uhi. 40Lengga lei nei pa a pei ciengin tua losapte bang a law ta diei?” a ci hi. 41Amate in ama kungah, “Ama in tua migilote si genthei-in sisah ding a, anlah hun cienga ama’ nga ding za a pie ding midang losapte tungah a lengga lei a kawmsah ding hi,” a ci hi.

42Jesu in amate kungah, “Lai Siengtho sungah:

‘Innlamte in a nilmang suong khu

innkiu suongpi#21:42 Ahi sihle “suong bulpi” a suoh ta hi;

tam pen ahileh Topa’ bawl ahi a,

eite’ mit mu-in lamdang hi,’ a kici na sim ngai sih uh amah?#Late 118:22-23

43Tua ahi ziehin ke’n kang ci-in, note kung panin Pasien’ manggam kiladawh ding a, a manggam gate#21:43 Gk ah “vantung gam gate” ci om lo hi. a gasah thei minam tungah kipie ding hi. 44Tami suong tunga a kie poma guoicim ding a, a tungah tami suong kie-in a denkhah popo a tepaal ding hi,” a ci hi.#21:44 Adang tang laibute ah tami tang 44 om lo hi.

45Siempu liente le Pharisee-te in a thugentena a zah ciengun amate a genna ahi lam a thei uhi. 46Amate in ama mat a sawm vua, ahi vangin mipite in ama kamsang khata a ngaisut ziehun mipite a giing zel uhi.

Currently Selected:

MATTHEW 21: ZBOTF01

Highlight

Copy