MATTHEW 20

Lengga Lei-a Nasemte

1“Bangzieh ahei cile vantung gam pen lengga lei-a nasem dingte ciel dinga zing tunga a kuonkhie lo nei pa tawh kibang hi. 2Nasemte tawh a ngaina banga nitha#20:2 Gk “denarius khat” pieh dingin a kithukim zaw ciengun a lengga lei-ah amate a kuonsah hi. 3Nai kuo pawlin a pei leh sumbuh lahah bangma sem lo-a a mawh din midangte a mu hi. 4Amate kungah, ‘No zong pei unlen lengga lei-ah va kuon ta un, a kilawmza khat kang pie ding hi,’ a ci hi. Tuaci’n amate zong a kuon uhi. 5Sunkim pawl le nai thum pawlin pei leuleu a, tua ma bangin a bawl hi. 6Tuale nai nga pawl ciengin a pusuoh leh a kimvela a ding midangte mu-in amate kungah, ‘Bang dingin sunthapai-in tam sungah bangma sem lo pi-in mawh din na hi uh ahei?’ a ci hi. 7Amate in a kungah, ‘Koima’n ei ciel lo zieh ahi hi,’ a ci uhi. Tuale amate kungah, ‘No zong lengga lei-ah va kuon ta un,’ a ci hi. 8Nitah ciengin lengga lei nei pa in nasem uhpa kungah, ‘Nasemte hlan inlen a kuon nukhia pen panin a kuon masa pen dongin a thaman uh hawmpieh in,’ a ci hi.#Siem 19:13; Thkna 24:15 9Nai nga pawla kicielte a pei ciengun a nitha#20:9 Gk “denarius khat” ngaina za ciet a nga uhi. 10A kuon masate a pei ciengin a tam san deu dinga a kingaisut vangun a nitha#20:10 Gk “denarius khat” ngaina za ciet ma a sang uhi. 11Tuale sum a san ciengun lo nei pa tungah a phun vua, 12‘Tami a nukhiate in nai khat sung beh na sem napi, sunthapai nisa thuoha nasem kote tawh nei kibangsah hi,’ a ci uhi. 13Ahi vangin amate khat kungah, ‘Lawm aw, na tungah bangma khielna ka bawl sih hi; nitha#20:13 Gk “denarius khat ngaina ma thalaw dinga kithukimsa hi lo i mah? 14Nangma-a’ kilah inlen pei in; nangma kang piehza ma, tami a kiciel nukhiate ka pie nuom hi. 15Ka neisate ka dei bangin bawl thei lo ding ka mah? Ahi sihle ka lungsim hoi zieha thangsie na mah?’ a ci hi. 16Tuaci’n a nukhiate masa ding a, a masate nukhia ding hi,” a ci hi.#Mat 19:30; Mrk 10:31; Luk 13:30

Jesu in a Si ding le a Thawkia ding Thumveina Genkhol

(Mrk 10:32-34; Luk 18:31-34)

17Jerusalem ah Jesu a peito laitahin lampi-ah nuazui sawm le nite tuom zawpi a, amate kungah, 18“En un, Jerusalem ah peito-in siempu makaite le thukham hil siete tungah Mihing Tapa ki-ap ding a, tuale amate in ama mawsietin sina a thuohsah ding uhi: 19tua ciengin zako ding, sat ding le singlamte tunga khailia dingin Gentile-te tungah a ap ding uhi; tuale a ni thum ni-in ama kithosah ding hi,” a ci hi.

James’ Nu le John’ Ngetna

(Mrk 10:35-45)

20Tua ciengin Zebedee tapate’ nu, a tapate tawh ama kungah pei-in a mai-ah khupdinin a angvan nadingin a ngen hi. 21Tuale ama in tua nu kungah, “Bang dei na hei? a ci hi. Tua nu in ama kungah, “Na gam sungah tami ka tapa tegel khat na zietlamah, khat na veilamah a to nadingin thu pie in,” a ci hi. 22Ahi vangin Jesu in, “Na nget uh na theisiem sih uhi. Ka dawn ding hai na dawn zo ngel ding vuoi mah?” ci-in a dawh ciengin ama kungah, “Dawn zo na va ung,” a ci uhi. 23Tuale amate kungah, “Note in keima’ hai na dawn tahpi ding vua, ahi vangin ka zietlam le ka veilam a to ding pen kei ang pieh thei ahi sih hi, tua pen ka Pa in a bawlpiehsate ading hizaw hi,” a ci hi. 24Sawmte in tam thu a zah ciengun sanggam ni tegel tungah a lungthah uhi. 25Ahi vangin Jesu in amate hlan a, “Gam-uh Gentile-te in amate tungah a kiliensah vua, a uliente un zong thuneina tawh amate a uh lam na thei uhi. 26Note lahah tua bang hi lo ding hi; note lahah milien a suoh nuom poma in note’ nasem hi ding a,#Luk 22:25-26 27note lahah a masa pen ahi nuom poma note’ sila hi ding hi;#Mat 23:11; Mrk 9:35; Luk 22:26 28Mihing Tapa pen midangte na semsah dinga ang pei ahi sih a, midangte’ na a sem ding le mi tampi tatkhiet nadingin a hinna pie dinga ang pei hizaw hi,” a ci hi.

Jesu in Mittaw Mi Ni Damsah

(Mrk 10:46-52; Luk 18:35-43)

29Amate in Jericho a nuasie ciengun mi tampi in a nua a zui uhi. 30Lampi gei-ah a to mittaw ni in tua lampi nawhin Jesu ang pei hi, ci thu a zah ciengun, “David’ Tapa, Topa#20:30 Adang tang laibute ah “Topa” ci om lo hi. aw, kote ei hepi in!” ci-in a kiko uhi. 31Mihonpi in a sip nadingun nahpi tahin a kham uhi; hizongle ama gel in, “David’ Tapa, Topa aw, kote ei hepi in! ci-in a kiko semsem uhi. 32Jesu khawlin ama gel hlan a, “Bang hing bawlpieh leng na dei vuoi?” a ci hi. 33Ama gel in ama kungah, “Topa aw, ka mit uh khuo ei musah in,” a ci uhi. 34Jesu in ama gel a khuotuo a, a mit uh a thampieh leh thakhatin khuo mu theikia-in a nua a zui pai uhi.

Currently Selected:

MATTHEW 20: ZBOTF01

Highlight

Copy