MATTHEW 19

Zi Khulna Tungtang Thuhilna

(Mrk 10:1-12; Luk 16:18)

1Jesu in tam teng a gen zaw ciengin Galilee gam nuasie-in Jordan galkhatah a om Judea gamah a pei hi. 2Mihon tampi in ama a zui vua, tuale ama in khum tahah amate a damsah hi.

3Ama a ze-et dingin a kungah Pharisee-te pawlkhat pei-in amate in, “Mi khat in thu khat popo ziehin a zi a khul ding thukham tawh a kituoh ei mah?” ci-in a dong uhi. 4Ama in, “A cil a kipan a siempa in numei le pasal a siem hi,’ a ci le#Pien 1:27; 5:2 5‘Tam thu ziehin pasal in a nu a pa nuasie-in a zi tawh kigawm ding a, ama gel sa khat a suoh ding uhi,’ ci-a kigiel na sim ngai sih uh amah?’ a ci hi.#Pien 2:24 6Tuaci’n ama gel pen ni hi nawn loin khat ahi ta uhi. Tua ahi ziehin Pasien in a gawmsate koima in khen sih heh,” a ci hi. 7Amate in ama kungah, “Tua ahile Moses in bang dinga khulna lai pie-a zi khul nading thu ei pieh vanuh ahei,” a ci uhi.#Thkna 24:1-4; Mat 5:31 8Ama in a kung vuah, “Moses in na lungtang uh a khau seng zieha na zi khul ding uh ang phal ahi bo hi, ahi vangin a cil a kipan tam bang ahi ngai sih hi. 9Note kunga kang ci-in, midang khat tawh mawna khat simlo a zi khul a, numei dang a kinunpi poma angkawm ahi hi,” a ci hi.#Mat 5:32; 1Cor 7:10-11 10A nuazuite in ama kungah, “Zi tungtanga pasalte tam bang ding ahi mawh leh zi nei lo ding hoizaw hi,” a ci uhi. 11Ahi vangin ama in a kung vuah, “Amate tungah a kipiesate simlo mi zosie in tami thuhilna a sang zo sih uhi. 12Azieh pen mi pawlkhat gesa banga suoh om a, pawlkhatte ahile midangte bawla kiget om a, pawlkhatte pen vantung gam thu ziehin amau le amau a kiget bangin a om uhi. Tam thu a sang thei tapo in sang taheh,” a ci hi.

Jesu in Naupangnote Thupha Pie

(Mrk 10:13-16; Luk 18:15-17)

13Tua ciengin a tung vuah khut nga-in thu a ngetpieh thei nadingin ama kungah naupangnote kipeipi hi. Nuazuite in amahaw a peipi mite nahpi tahin a na hosie uhi; 14ahi vangin Jesu in, “Tua naupangte ka kungah hing peisah un, amate kham sih un; bangzieh ahei cile vantung gam pen tua bang mite ading ahi bo hi,” a ci hi. 15Ama in a tung vuah khut nga a, khum mun panin ama a dingdawh hi.

Tangval Mihaupa

(Mrk 10:17-31; Luk 18:18-30)

16Tua ciengin Jesu kungah mi khat pei a, “Siepa aw, kumtawn hinna ka nga thei nadingin sil hoi bang ka bawl diei?” a ci hi. 17Tuale ama in tuapa kungah, “Bang dinga sil hoi bang ahei ci-a nei dawh ahei? Mi hoi khat beh a om hi. Hinna sunga na lut nop leh thupiehte zui in,” a ci hi. Ama in, “Bang pen ahei?” a ci hi. 18Tuale Jesu in, “Tuol that sin; ang kawm sin; mi na gu sin; zuou teci pang sin;#Pei 20:13-16; Thkna 5:17-20 19na nu na pa zatah in; nangma na ki-it bangin na vengte zong it in,” a ci hi.#Pei 20:12; Thkna 5:16; Siem 19:18 20Tangvalpa in ama kungah, “Tam teng zosie ka zui siengsa hi;#19:20 Adang tang laibute ah “ka khangno lai panin” ci kibelap hi. bang kisam lai ding ka hei?” a ci hi. 21Jesu in ama kungah, “Mi cingtah na hi nop leh pei-in, na neisa zosie zua inlen mizawngte tungah na sumte#19:21 Gk ah “sumte” ci pen om lo hi. va pie lacin vantungah gou na nei ding hi; tua ciengin hing pei inlen ka nua ei zui in,” a ci hi. 22Tangvalpa in tami thu a zah ciengin ama in neisa hau mama ahi ziehin lungsisa-in a peikhie ta hi.

23Tua ciengin Jesu in a nuazuite kungah, “Ke’n a tahtah a kang ci-in, mihau khat vangam a lut ding hamsa mama ding hi. 24Ke’n kang cikia-in, Pasien’ manggam sungah mihau khat a lut ding sangin hieu bilvang sungah kalaoh khat a lut ding bailam zaw hi,” a ci hi. 25Nuazuite in tami thu a zah uh ciengin lamdang a sa mama vua, “Tua ahi mawh leh koi ahiei hutdamna nga zo ding?” a ci uhi. 26Ahi vangin Jesu in amate en a, “Mihingte adingin pieng thei lo ma hi, hinanle Pasien adingin na zosie pieng thei hi,” a ci hi.

27Tua ciengin, “En in, kote in na zosie nuasie-in nangma kang zui uhi. Tua ahile bang ka lemlaw ding vuoi?” a ci uhi. 28Jesu in amate kungah, “A tahtah a kang ci-in, na zosie a kibawltha hun, a minthanna mang topha tungah Mihing Tapa ang to hun ciengin, keima ei zui note zong kumpi topha sawm le nite tungah to-in Israel minam sawm le nite tungah thu na khen ding uhi.#Mat 25:31; Luk 22:30 29Ka min zieha a inn a lo, a sanggam numei, a sanggam pasal, a nu a pa, a tate, a leitang a nuasie poma in a za zakhat#19:29 Adang tang laibute ah “a za tampi” ci-in kigiel hi. nga-in kumtawn hinna a luo ding hi. 30Ahi vangin a masate nukhia ding a, a nukhiate masa ding hi.#Mat 20:16; Luk 13:30

Currently Selected:

MATTHEW 19: ZBOTF01

Highlight

Copy