MATTHEW 18

Lietna Tahtah

(Mrk 9:33-37; Luk 9:46-48)

1Tua hun laitahin Jesu kungah nuazuite pei-in, “Vantung gamah koi lien pen ahei?” ci-in dong uhi.#Luk 22:24 2Ama in naupang khat hlanin amahaw lahah omsah a, 3“A tahtah a kang ci-in, na kikhel vua naupangte tawh na kibah sih uleh vantung gam sungah na lut ngai sih ding uhi.#Mrk 10:15; Luk 18:17 4Tami naupangno banga a kiniemkhieh poma vantung gam sungah a lien pen hi pai hi. 5Ka min tawh tam bang naupangno khat a limbawl poma kei ei limbawl ahi hi.

Mawna ding Ze-etna

(Mrk 9:42-48; Luk 17:1-2)

6“Note lahah mi khatpo in keima ei um tami naupangnote khatpo a puasah leh, a ngawng kimvelah an gawina suong golpi khat khi-in tuili thuhpi sungah tummang dawh leh ama adingin hoizaw ding hi. 7Pua nading thute ziehin leitung mite a hamsie ahi uhi! Pua nading hunte ang tung valon ding a, ahi vangin puana a piengsah pa pen mi hamsie ahi hi!

8“Na khut ahi sihle na keng in ang puasah leh tansan inlen paimang in; khut kim keng kima tawntung meili sunga ang kipaih sangin khut sam keng samin hinna sunga na lut ding nang adingin hoizaw hi.#Mat 5:30 9Tuale na mit in ang puasah leh khei dawh inlen paimang in; mittang kimin hell#18:9 Gk “Gehenna” meili sunga ang kipaih sangin mit langkhat beh tawh hinna sunga na lut ding nang adingin hoizaw hi.#Mat 5:29

Tuumang Thugentena

(Luk 15:3-7)

10“Tami naupangnote khatpo na simmaw khah lo nadingun kidawm un; azieh pen ke’n kang ci-in, vantunga om amau’ vantung mite in vantunga ka Pa’ maitang a mu zing uhi. 11#18:11 Adang tang laibute in tami tang 11 pen a belap uh ahi hi.#Luk 19:10 Azieh pen a mangthaite hundam dinga Mihing Tapa ang pei ahi hi. 12Bang na ci ngaisut vuoi? Tuucingpa khat in tuu zakhat nei hinlen tuate lahah khat gammang leh, sawmkuo le kuote muol tungah nuasie-in tua a gammang tuu sui dingin a pei sih ding amah? 13A tahtah a kang ci-in, a mukia ciengin a gammang lo tuu sawmkuo le kuote sangin tua tuu khat ziehin a lungdamzaw hi. 14Tuaci’n tami naupangnote lahah khat zong a manthai ding pen vantunga om na#18:14 Adang tang laibute ah “ka Pa” ci-in kigiel hi. Pa uh’ deina ahi sih hi.

Mawna Bawl Midangte Thuhilna

(Luk 17:3)

15“Pawlpi#18:15 Gk “Na sanggampa...leh” midang khat na tunga ang maw leh,#18:15 Adang tang laibute ah “ang maw leh” ci om lo hi. pei inlen noma gel beh na om uh ciengin na khielna uh kigen un. Na thu ang man leh, tua mipa#18:15 Gk “na sanggampa” a ngakia na hi hi.#Luk 17:3 16Ahi vangin na thu ang man nop sih leh teci ni ahiei thum ahiei a op ciengin thu zosie thukip suoh ahi ziehin mi khat ahiei ni ahiei zawpi in.#Thkna 19:15 17Tua pa in amate thu a man nop sih leh pawlpi tungah ko in; tuale pawlpi thu nangawn a man nop lailai sih leh Gentile mi le siehdong bangin na ngaisun un. 18Ken a mantaha kang ci-in, leitunga na hen zosie vantungah kihen ding a, leitunga na sut zosie vantungah kisut ding hi.#Mat 16:19; Jhn 20:23 19Khatvei kang cikia-in, leitungah note ni kilungtuoh a na nget popo uh vantunga om ka Pa in ang pie ding hi. 20Azieh pen mi ni ahi a, thum ahi zongin keima’ min suonga a kikhop uleh amate lahah keima ka om hi.

Mawmaisahna

21Tua ciengin Peter pei-in ama kungah, “Topa aw, pawlpi midang khat#18:21 Gk “ka sanggampa ...leh” ka tunga ang maw leh, bangza vei cieng ka maisah diei? Sagi vei dong cieng ka maisah diei mah?” a ci hi. 22Jesu in ama kungah, “Sagi vei cieng beh hi lo, sawm sagi mun sagi vei#18:22 Ahi sihle “sawm sagi vei sagi” cieng dong maisah in kang ci hi.#Luk 17:3-4#Pien 4:24

Mawmaisah Lo Nasempa Thugentena

23Tami thu ziehin vantung gam pen a silate’ sum sazien a en nuom kumpipa tawh kibang hi. 24Sazien sit a kipat ciengin a sum talent#18:24 Talent khat pen nasem mi khat in kum sawm le nga sung a thalaw a nitha sangin tamzaw hi. tul sawm a ba mipa khat ama kungah kipeipi hi. 25Ama in a leiba pie zo lo ahi ziehin ama-a kipan a zi a tate le a neisa zosie zua-in leiba a lo nadingin a pupa in thu a pie hi. 26Tuaci’n a mai-ah a silapa khupdinin, ‘Ei thuoh kenkon lai in, a unpi-in kang sang na ding hi,’ a ci hi. 27Tua silapa’ pupa in ama khuotuo ahi ziehin a leiba teng maisahin hlakhie hi. 28Tua silapa a peikhiet ciengin ama tunga denari zakhat#18:28 Denarius khat pen nasem mi khat’ nitha tawh kikim hi. a ba a silapite khat tawh kituoh a, tuale ama in tua pa a lawl ah manin, ‘Na leiba ei lo in,’ a ci hi. 29Tua ciengin a silapi pa zong a mai-ah bawhin thum a, ‘Ei thuoh kenkon lai in, kang lo na ding hi,’ a ci hi. 30Ahi vangin ama in niel hi; tua ciengin ama pei-in a leiba a lo zawh masangsie tua pa thong sungah a khum hi. 31A silapite in tam thupieng a mu ciengun a cizalia vua, tuale amate pei-in a pupa kungah thupieng zosie a ko uhi. 32Tua bepin a pupa in ama hlanin a kungah, ‘A gilo silapa! Kei kungah nang thum zieha na leiba zosie kang maisah ahi hi. 33Ken kang hepi ma bangin nang in zong na silapipa na hepi ding kilawm hi lo amah?’ a ci hi. 34Tuale a pupa zong lungthah a, a leiba zosie a lo zawh masangsie-in gawtna thuoh dingin ama a ap hi. 35Tuaci’n note in zong na lungsim sung vuah na sanggampa ahi sihle na sanggamnu’#18:35 Gk “sanggampa” mawna na maisah sih uleh, vantunga om ka Pa in tua ma bangin note tungah ang bawl ding hi,” a ci hi.

Currently Selected:

MATTHEW 18: ZBOTF01

Highlight

Copy