MATTHEW 17

Mel Kikhelna

(Mrk 9:2-13; Luk 9:28-36)

1Ni guh zaw ciengin Jesu in Peter, James le a nau John-te zawpi-in muol sang tung khatah a katopi hi. 2Tuale amate mai-ah a mel kikhelin a mai ni bangin tang a, a puonsilte zong vam lihleh hi. 3Khum tahah Moses le Elijah thakhatin kilang a, ama tawh a kiho uhi. 4Tua ciengin Peter in Jesu kungah, “Topa aw, tam sunga i op ding uh a hoi hi; nei awi leh keima#17:4 Adang tang laibute ah “Kote” ci-in kigiel hi. in tanah tenna ding buh#17:4 Ahi sihle “buhte” thum, nang ading khat, Moses ading khat, Elijah ading khat kang lampieh ding hi,” a ci hi. 5Tua banga thu a gen laitahin meiingo khat in amate tuommang a, tua meii lah panin, “Tam pa ka it mama ka Tapa ahi hi; ama tungah ka lung a kim hi; ama’ thu na ngai un!” ci-in aw khat a ging hi.#Pien 22:2; Late 2:7; Isa 42:1; Mat 3:17; 12:18; Mrk 1:11; Luk 3:22; Thkna 18:15#2Pet 1:17-18 6Nuazuite in tami awging a zah ciengun zausi-in tuolah a khupbawh uhi. 7Ahi vangin Jesu pei-in amate tham a, tho un, zau sih un,” a ci hi. 8Amate a khuoda ciengun Jesu longal koima a mu sih uhi.

9Muol tung pan a kumsuh laitahun Jesu in amate kungah, “Sina panin Mihing Tapa a thawkia masangsie, na sil mute uh koima kungah gen sih un,” ci-in thu a pie hi. 10Nuazuite in ama kungah, “Tua ahile bang dinga thukham hil siete in Elijah ang pei masa ding hi, a ci uh ahei?” ci-in a dong uhi.#Mal 4:5 11Ama in, “Elijah ang pei tahpi-in na zosie a bawlpha ding hi. 12Ahi vangin note kunga kang ci-in, Elijah ang pei zo napi amate in a thei lo ziehun ama tungah a dei bangun a na bawl uhi. Tua ma bangin Mihing Tapa in zong amau’ khut sungah gimna a thuoh ding hi,” a ci hi.#Mat 11:14 13Tua ciengin ama in Baptize-pa John’ thu a gen ahi lamtah nuazuite in a theitel pan uhi.

Dawivei Naupang Khat Damsahna

(Mrk 9:14-29; Luk 9:37-43)

14Mihonte kungah amate a tun ciengun ama kungah pasal khat pei-in a mai-ah khupdin a, 15“Topa aw, ka tapa hing khuotuo in; azieh pen ama bupsi-in a gim mama hi; meikhuh sung le tui sungah a pua zelzel hi. 16Na nuazuite kungah ka peipi vangin amate in a damsah zo sih uhi,” a ci hi. 17Jesu in, “No upna nei lo a letat khangmite aw, note tawh bang tanve hing om ding ka hei? Bang tanvei note hing thuohpi ding ka hei? Ka kungah ama hing peipi un,” a ci hi. 18Jesu in dawi#17:18 Gk “tua” ahi sihle “ama” a hosiet ciengin a kung panin ama#17:18 Gk “tua dawi” pusuoh a, thakhatin naupang pa dam pai hi. 19Tua ciengin Jesu kungah nuazuite pei dapin, “Bang dinga tua dawi ka hawlkhiet zo lo uh ahei?” a ci uhi. 20Ama in amate kungah, “Na upna uh a neu zieh ahi hi. Bangzieh ahei cile a tahtah a kang ci-in, ankam tang#17:20 Gk “antang bang upna” cie upna na nei nah uleh tami muolpi kungah, ‘Tam panin khum tahah kikhin in,’ ci locin a kikhin ding hi; note adingin a pieng thei lo bangma a om sih ding hi.#Mat 21:21; Mrk 11:23; 1Cor 13:2 21Ahi vangin ama in thungetna le antanna longal tawh tam bang namte kihawlkhie zo lo hi,” a ci hi.#17:21 Adang tang laibute ah tami tang 21 a om hi.

Jesu in a Si ding le a Thawkia ding Genkhol

(Mrk 9:30-32; Luk 9:43-45)

22Galilee gamah a kikhop#17:22 Adang tang laibute ah “a ten laitahun” kici hi. laitahun Jesu in amate kungah, “Mihingte khut sungah Mihing Tapa kileheh ding a, 23amate in ama thatin ni thum ni-in a thokia ding hi,” a ci hi. Tuale amate a da mama uhi.

Jesu le Biehinnpi Sieh Piehna

24Capernaum khuo ah amate a tun ciengun Peter kungah biehinnpi’ sieh#17:24 Gk “didrachma” dongte pei-in, “Na siepa un biehinn sieh#17:24 Gk “didrachma” a khie sih amah?” a ci uhi.#Pei 30:13; 38:26 25Ama in, “Ingheh, pie ma,” a ci hi. Innah ama a pei ciengin Jesu in na hopi masa a, “Simon aw, nang in bang na ci ngaisut ei? Leitung kumpite in koite tung panin sieh le kaih a dong vuoi? A tate tung pan ahi sihle midangte tung pan a dong vuoi?” ci-in a dong hi. 26Peter#17:26 Gk “ama” in, “Midangte tung pan,” a ci leh Jesu in ama kungah, “Tua ahile tate a peng ahi hi. 27Hizongle amate i lungkhamsuo lo nadingin tuilipi-ah va pei ta’nlen tenng va khai ta’n; ang awh masa pen manin a kam phen lacin dangka#17:27 Gk “stater”!; Stater pen didrachma ni man hi. peh khat na mu ding hi; tua khu la inlen nangma ading le kei adingin amate tungah pie in,” a ci hi.

Currently Selected:

MATTHEW 17: ZBOTF01

Highlight

Copy