JOHN 18

Jesu, a Kilehehna le a Kimatna

(Mat 26:47-56; Mrk 14:43-50; Luk 22:47-53)

1Jesu in tam teng a gen zaw ciengin a nuazuite tawh Kidron kuom kantanin khum munah a om um khat sungah a nuazuite tawh a lut hi. 2Khum mun pen Jesu in a nuazuite a kimupi zelna mun ahi ziehin a leheh pa Judas in zong a mun a thei hi. 3Tuaci’n Judas in siempute le Pharisee-te kung panin galkap honkhat le palihte zawpi a, lalcin, meila, le galhiemte tawi-in a pei uhi. 4Tua ciengin Jesu in ama tunga a pieng ding thu zosie a thei zo tah ziehin va pei-in amate kungah, “Koi sui na hi vuoi?” ci-in a dong hi. 5Amate in, “Nazareth mi Jesu,” ci-in a dawng uhi. Jesu in, “Kei, ama ka hi hi,” a ci hi. Ama leheh pa Judas zong amate tawh a dington hi. 6Jesu in amate kungah, “Kei, ama ka hi hi,” ci-in a gen ciengin amate nuakinin tuolah a pua uhi. 7Jesu in, “Koi pen sui na hi vuoi?” ci-in a dongkia hi. Amate in, “Nazareth mi Jesu sui ka hi uhi,” a ci uhi. 8Jesu in, “Kei, ama#18:8 Gk “keima” ka hi hi, ci-in kang gen zo ta hi. Tuaci’n kei ei sui na hi uleh tam mite peisah ta un,” a ci hi. 9Tam pen, “Nangma in kei nei piehte khat beh ka mansuo sih hi,” ci-a a gensa thu a tangtun nading ahi hi. 10Tua ciengin Simon Peter in a namsau kuo dawhin siempu lienpen pa’ sila khat a sat leh a bil zietlam a bantan hi. Tua silapa’ min Malchus ahi hi. 11Jesu in Peter kungah, “Na namsau a paai-ah sietkia in. Pa in ei piehsa hai dawn lo ding ka mah?” a ci hi.#Mat 26:39; Mrk 14:36; Luk 22:42

Siempu Lien Pa Mai-ah Jesu

(Mat 26:57-58; Mrk 14:53-54; Luk 22:54)

12Tuaci’n galkapte, a galkap bupa, le Judah palihte in Jesu manin khau tawh a khi uhi. 13Tua kuma siempu lien a sem Caiaphas’ sungpa Annas kungah a peipi masa uhi. 14Caiaphas kici pa pen mipite’ tangin mi khat a si ding hoizaw hi, ci-in Judah mite thumop pa ahi hi.#Jhn 11:49-50

Peter In Jesu Niel

(Mat 26:69-70; Mrk 14:53-54; Luk 22:55-57)

15Simon Peter le a nuazui dang khat in Jesu a zui uhi. Siempu lien pa le nuazuipa a kimelthei ziehin siempu lien pa’ inn huong sungah Jesu tawh a lutton hi, 16ahi vangin tunkot pulamah Peter a ding hi. Tuaci’n siempu lien pa tawh a kimelthei tua nuazui dang khat pusuohin kotcing numei nu hopi a, Peter zong a lutpi hi. 17Tua numei nu in Peter kungah, “Nang zong tam pa’ nuazuite lahah khat hi lo na mah?” a ci hi. Ama in, “Hi sing,” a ci hi. 18Dam a nat ziehin silate le palihte in meihol a taw vua, mei awi-in a kimkotah a ding uhi. Peter zong amate tawh dingin mei a awi hi.

Siempu Lien Pa in Jesu Thudong

(Mat 26:59-66; Mrk 14:55-64; Luk 22:66-71)

19Tua ciengin siempu lien pa in Jesu kungah a nuazuite thu le a thuhilna tawh kisai thute a dong hi. 20Jesu in, “Keima in leitung mite mai-ah a langtangin ka gen zo hi; Jew mite zosie’ kisuhtuona ahi kikhopna innte le biehinnpi sungah thu ka hil zing a, bangma ka dapgen sih hi. 21Bang dinga nei dawh ahei? Ka thugen a zasate kungah bang ka gen ahei, ci va kidawh ta’n. Amate in bang ka gen ci a thei uhi,” a ci hi. 22Ama in tam teng a genzaw ciengin a gei-a a ding palihte khat in Jesu phebeh a, “Siempu lien pa tam banga na dawn ding ma amah?” a ci hi. 23Jesu in, “Ka genkhiel leh ka khielna ei lahtel in. Ahi vangin mantaha ka gen ahile bang dinga nei phebeh ahei?” ci-in a dawng hi. 24Tua ciengin Annas in Jesu khaukhisa-in siempu lien pa Caiaphas kungah a puoh hi.

Peter In Jesu Nielkia

25Mei awi-in Simon Peter a din laitahin amate in, “Nang zong ama’ nuazuite khat hi lo na mah?” ci-in a dong uhi. Ama in, “Hi malmal sing,” ci-in a niel hi. 26Tua ciengin siempu lien pa’ silate lahah Peter in a bil a satpieh pa’ sanggamte khat in, “Ama tawh um sungah hing mu hi lo ka mah?” ci-in a dong hi. 27Peter zong kilepin nielkia leuleu a, tua hun lienin aah a khuong hi.

Pilat Mai-ah Jesu

(Mat 27:1-2, 11-14; Mrk 15:1-5; Luk 23:1-5)

28Tua ciengin amate in Caiaphas inn panin Pilat’ kumpi inn ah#18:28 Gk “praetorium” Jesu a peipi uhi. Tua hun pen zingmawng phalva pat ahi hi. Biehna ngaina tawh kisai bua bannate tawh kipelin Peisan pawi a neh thei nadingun kumpi inn#18:28 Gk “praetorium” sungah amate a lut sih uhi. 29Tuaci’n Pilat pusuohin, “Tam pa na mawmat nopna uh bang ahei?” ci-in amate dong hi. 30Amate in, “Tam pa in sietna a bawl lo hi leh na kungah kang ap sih ding uhi,” ci-in a dawng uhi. 31Pilat in, “Ama peipi ulen, noma’ thukham bangin ama tungah thu kikhen ta un,” a ci hi. Jew mite in, “Kote in mi tha thei nading thu ka nei sih uhi,” ci-in a dawngkia uhi. 32(Tam pen bangci banga sina thuoh ding ci, Jesu in a gensa thute a tangtun nading ahi hi.)#Jhn 3:14; 12:32

33Tua ciengin a kumpi inn sungah#18:33 Gk “praetorium” Pilat tumkia-in Jesu hlansah a, “Nang, Judah-te’ Kumpi na hi amah?” ci-in a dong hi. 34Jesu in, “Nangma’ ngaisut tawm a nei dawh amah, ahi sihle midangte in na kunga kei thu ang gen ahei?” ci-in a dawng hi. 35Pilat in, “Kei Judah mi ka mah? Na mite le siempu liente in ka kungah nang ei ap zo hi. Bang ahiei na bawl?” ci-in a dawngkia hi. 36Jesu in, “Ka kumpi gam pen tami leitung pan ahi sih hi. Ka kumpi gam tami leitung pan hileh Jew mite khut sunga ka tun lo nadingin ka nuazuite in a do ding uhi. Ahi vangin ka kumpi gam pen tam sung pan ahi sih hi,” a ci hi. 37Pilat in, “Tua ahile nang kumpipa na mah?” ci-in a dong hi. Jesu in, “Nei ci bangin kumpi ka hi hi. Tami thuman teci pang dingin ang suoh ka hi a, tami thu ziehin leitunga ang pei ka hi hi. Thuman thutah-a pang zosie in ka aw a ngai uhi,” a ci hi. 38Pilat in, “Thuman thutah bang ahei?” ci-in a dong hi.

Jesu a Si dingin Thu Kikhen

(Mat 27:15-31; Mrk 15:6-20; Luk 23:13-25)

Ama in tami thu a gen zaw ciengin Jew mite kungah pusuohkia-in, “Ama mawsah nading thu ka mu sih hi. 39Ahi vangin Peisan pawi hun sungin note adingin mi khat ka hla thei nading ngaina khat na nei uhi. Judah kumpipa kang hlakhiet ding na nuom vuoi mah?” a ci hi. 40Amate in, “Tam pa hi lo, Barabbas hlazaw in!” ci-in nahpi tahin a kiko uhi. Barabbas pen misuom khat ahi hi.

Currently Selected:

JOHN 18: ZBOTF01

Highlight

Copy