JEREMIAH 29
29
Babylon Saltangte tunga Jeremiah’ Laihlah
1Tam teng pen Jerusalem panin Babylon ah Nebuchadnezzar in sala a peipite lahah a omlai upate, siempute, kamsangte, le mi zosie tungah Jerusalem pana Jeremiah’ laihlah ahi hi. 2Tami lai a hlah hun pen Kumpi Jeconiah le kumpipa’ nu, kumpi innsung uliente, Judah le Jerusalem makaite, khutsiemte le siakhengte, Jerusalem pana a pei nua uh ahi hi.#2Kum 24:12-16; 2Khg 36:10 3Tua laihlah pen Judah Kumpi Zedekiah in Babylon gam ah Babylon Kumpipa Nebuchadnezzar kunga a sawl ahi Shaphan’ tapa Elasah le Hilkiah’ tapa Gemariah-te’ khut tung pana kihlah sawn ahi hi. Tua sungah tam bang kici hi: 4Jerusalem panin Babylon ah sala ka puoh zosie tungah Israel’ Pasien Vanglien Topa in tam bangin ci hi: 5Inn lam unlen a sungah teng un; umte bawl unlen na um sunga gate kineh un. 6Zi nei unlen tanu le tapate tawi un; tanu tapa tampi a tawi thei nadingun na tapate a zi ding uh suipieh unlen, na tanute uh mohlah un; khum munah kiem loin pung semsem un. 7Ahi vangin note sala kang koina khuopi’ phattuomna ding sui unlen, tua khuopi adingin Topa kungah thu ngetpieh un, azieh pen tua khuopi in phattuomna a nga ziehin note in zong phattuomna na mu ding uhi. 8Israel’ Pasien, Vanglien Topa in tam bangin ci hi: Note lahah a om kamsangte le aisan theite kisolsah sih unlen, mangmat#29:8 Cn: Heb “note in na matsah uh noma’ mangte” ang gente uzong ngaipieh sih un, 9azieh pen ka min tawh na kung vua ang gen uh thute zuouthu ahi bo a, amate ken ka sawl kha sih hi, Topa in ci hi.
10 Topa in tam bangin ci hi: Babylon hun sung kum sawmsagi a cin cieng behin keima in note kang ve ding a, na kung vua ka thuciemsa tangtungsahin tam munah kang peipikia ding hi.#2Khg 36:21; Jer 25:11; Dan 9:2 11Azieh pen keima in mai lamah note lametna kang pieh nading, note’ sietna ding hi lo, na phattuomna dingun gelna ka neite teltahin ka thei hi, Topa in ci hi. 12Tua ciengin note in keima ei hlanin keima kungah hing pei-in thu nang nget ciengun, keima in na thungetna uh kang ngaipieh ding hi. 13Note in keima nei sui ciengun, na lungsim zosie utawh nei sui uleh nei mu ding uhi.#Thkna 4:29 14Note’ mu-in ka om ding hi, Topa in ci hi. Tuale na gam uh kang piekia ding a, note kang delmangna gam zosie le mun zosie panin kang kaikhawm kia ding a, sala kang matsahna mun ma-ah kang tutkia ding hi, Topa in ci hi.
15“Topa in eite dingin Babylon ah kamsangte ei koipieh zo hi,” note in ci na hi ziehun 16David kumpi topha tunga a to kumpipa tawh kisai thu le tami khuopi sunga teng mi zosie le saltang dinga note tawh a zawhton lo na sanggamte utawh kisai-in, Topa in tam bangin ci hi: 17Vanglien Topa in tam bangin a gen hi. Amate tungah namsau, kielpi, le pulnatna ka hla ding a, amate pen a kine thei lo theiga muot ka bangsah ding hi. 18Namsau, kielpi, le pulnatnate tawh amate ka nuadel ding a, leitung kumpi gam zosie lahah a cimulthaw huoi-in bawlin, ka delmangna minam zosie lahah amate kisamsie, kilipkhap, ki-ehneh ho-in kizako ding hi. 19Amate in ka thu thupisim lo uh ahi ziehin amate kungah ka nasemte ka sawl ngitnget vangin amate#29:19 Syr: Heb “note” in a ngai nuom sih uhi, Topa in ci hi. 20Ahi vangin Jerusalem panin Babylon khuo-a kang sawl no saltang zosie aw, tu-in Topa’ thu ngai un: 21Keima’ min tawh note kunga zuouthu ang hil Kolaiah’ tapa Ahab le Maaseiah’ tapa Zedekiah-te tawh kisai-in Israel’ Pasien, Vanglien Topa in tam bangin a gen hi: Babylon Kumpipa Nebuchadnezzar’ khutah amate ka pie ding a, ama in na muna vuah amate that ding hi. 22Tuale amate ziehin Judah panin Babylon-a saltang mi zosie in: “Babylon Kumpi Nebuchadnezzar in mei tawh a hangaw Zedekiah le Ahab-te bangin Topa in nang hing bawl taheh,” ci-in kisamsietna-in a zang ding uhi. 23Azieh pen Israel gamah amate a mot gamtat vua, a innvengte’ zite mawpi-in thu ka pieh lopi ka min tawh zuouthu a gen uhi; keima a thei pa le tecipang pa ka hi hi, Topa in ci hi.
Shemaiah’ Laihlah
24Nehelam khuomite Shemaiah kungah tam bangin na gen ding hi: 25Vanglien Topa Israel’ Pasien in tam bangin ci hi: Nangma in na min tawh Jerusalem-a om mi zosie, Maaseiah’ tapa siempu Zephaniah le siempute zosie tungah lai na hlah a, 26Topa’ mama in kamsanga kinei mimaw kici poma kol bulin thong sunga a khum ding uliente a koi dingin Topa mama in siempu Jehoiada tangin nang siempui-in ang koi zo hi. 27Tua hi a, bang dingin note tunga kamsanga ang kinei Anathoth-te ahi Jeremiah khu na phawhsiet lo ahei? 28Azieh pen ama in Babylon gama kote tungah lai ang hlah a, “Sawt veipi saltang lai ding na hi uhi; inn lamin a sungah teng ulen, um zong bawlin a sunga piengte ne un,” ei ci hi.
29Siempu Zephaniah in kamsangpa Jeremiah’ zahin tami laihlah a sim hi. 30Tua ciengin Jeremiah tungah Topa’ thu a tung hi: 31Saltang zosie kungah Nehelam khuomi Shemaiah tawh kisai-in Topa’ thugenna tam bangin zasah in: Ka sawl vawt lopi Shemaiah in note kungah thu hing hilin zuouthu ang upsah ziehin, 32Topa in tam bangin ci hi: Keima in Nehelam khuomi Shemaiah le a suonlehlahte dan ka pie ding hi; ama in Topa langpanna thu gen zo ahi ziehin tam mite lahah a hinglai mi khat beh in ka mite tunga ka sil hoi bawl dingte a mu#29:32 Gk: Heb “tuale ama in mu lo ding hi” sih ding uhi, Topa in ci hi.
Currently Selected:
JEREMIAH 29: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
