PIENCILNA 18

Abraham le Sarah Tapa Khat Kikham

1Mamre gangpite#18:1 Ahi sihle “tawsaw singte” gei puonbuh lutna-ah sun nisat laitahin Abraham#18:1 Heb “ama” to a, tua laitahin ama kungah Topa kilang hi. 2Ama a khuodah to leh a gei-a a ding mi thum a mu hi. Amate a mu bepin a dawn dingin puonbuh lutna panin tai a, tuolah bawhsuh hi.#Heb 13:2 3Ama in, “Ka Topa aw, na maipha ka nga leh na nasempa ei hleng sin. 4Tui tawmkhat lasah vai-in na keng uh sil unlen sing hlim nei-ah khawl tadi un. 5Na nasempa kunga nang tun zo tah ngalun na toidam nadingun an halkhat hing tawi vangin, tua zaw ciengin peisuoh bep un,” a ci hi. Tuaci’n amate in, “Na ci bangin bawl in,” a ci uhi. 6Sarah’ puonbuh sungah Abraham lutpai zinzianin ama kungah, “Annel hoite a tena thum#18:6 Heb “seahs” mallangtahin bawl inlen, metnawi-in mohin hing bawl in,” a ci hi. 7Bawnghon lahah Abraham tai-in, bawngno a dawng tuituoh khat man a, a nasempa pie-in a sa naw bawlsah mama hi. 8Tua ciengin bawngnawi thaukhal, bawngnawi, bawngsa minsa tawi-in a mai vuah a lui hi; singhlim nei-ah a neh laitahun a gei vuah ama a ding hi.

9Amate in a kungah, “Na zi Sarah hei-a om ahiei? a ci ule ama in, “Khum taha puonbuh sungah,” a ci hi. 10Tua ciengin khat in, “Nau suo hun ciengin na kungah pel loin kang peikia ding a, na zi Sarah in tapa khat nei ding hi,” a ci hi. Sarah in ama’ nua puonbuh lutna-ah na ngai hi.#Rom 9:9 11Tu-in Abraham le Sarah a vuoikawn ta vua, a kum uh a ham mama ta hi; Sarah zong a numei ngaina teng tawp zo hi. 12Tuaci’n Sarah amatangin nui a, “Kei ka vuoi zaw, ka pasal a vuoi zaw-in nuom ka sa na ding amah?” a ci hi.#1Pet 3:6 13Topa in Abraham kungah, “Bang dingin Sarah nuinui-in, ‘Tu-in kei lah vuoikawn ta’ng a, kei ta nei tahpi ding ka mah? ci ahei? 14Topa adingin a lamdang seng khatpo a om amah? A kisesa nau suo hun ciengin na kungah kang peikia ding a, Sarah in tapa khat a nei ding hi,” a ci hi.#Luk 1:37 15Ahi vangin a zau ziehin Sarah in niel a, “Ka nui sih hi,” a ci hi. Ama in, “Hina ve aw, nui ma teh,” a ci hi.

Sodom Tunga Thukhenna

16Tua ciengin khum mun panin mite pei-in Sodom lam a en uhi; amate hla dingin a lampi vuah Abraham in a zui hi. 17Topa in, “Ka sil bawl dingte Abraham kungah ka pha talawm ding amah? 18Abraham pen nam lien le nam thahat suoh ding a, leitung minam zosie in ama ziehin thupha ngalaw ding uhi.#18:18 Ahi sihle “tuale ama tungtawnin leitung minam zosie in amau le amau thupha kipie ding uhi” 19Pha vawt sih vang. Azieh pen Topa in Abraham tunga a ciemsa thu a tunsah thei nading, ama zaw cienga a pieng a tate le a innkuonpite in dihna le thutang sepna tawh Topa’ lampi a zui nadingun a hil dingin ama ka teelzo#18:19 Heb “kithei” hi,” a ci hi. 20Tua ciengin Topa in, “Sodom le Gomorrah langkhatah kikona bangza tahin lienin, a mawna uh bangza tahin siehuoi ahi tadiei! 21Ka kunga ang tung kikona bangin amate a gamta uh amah ci a kan dingin ka kumsuh kul hi; tua banga ahi sihle zong ka va thei ta ding hi,” a ci hi.

22Tuaci’n Topa mai-ah Abraham a din laitahin khum mun panin mite kihei-in Sodom lam zuonin a pei uhi.#18:22 Adang tang ngaina khatah “Abraham mai-ah Topa a din suoh laitahin” ci-in kigiel hi. 23Tua ciengin Abraham in va nai a, “Mi thumante, migilote tawh phietmangtha tahpi ding na hi amah? 24Gentena-in tua khuopi sungah mi thuman sawmnga om leh tua sunga om mi thuman sawmngate ziehin tua khuopi ngaidam loin tua mun phietmang ding na hi amah? 25Mi thumante, migilote tawh a kibah nadingin mi thumante le migilote thatton ding ci bang silte bawl vawt sin! Tua bangin na bawl poma sih ding hi! Leitung pumpi thukhenpa in a dihin khen lo ding amah?” a ci hi. 26Tuale Topa in, “Sodom khuopi sungah mi thuman sawmnga ka mu leh amate ziehin a khuozangun ka ngaidam ding hi,” a ci hi. 27Abraham in dawng a, “Leivui le vut bang bep lel ahi keima in Topa kungah thu ei gensah in. 28Gentena-in mi thuman sawmnga muna dingah mi nga in sam ta leh tua mi nga a sap ziehin a khuozangin na susie veve diei mah?” a ci hi. Ama in, “Khum munah mi sawmli le nga ka mu leh ka susie sih ding hi,” a ci hi. 29Abraham in ama hopikia a, “Gentena-in khum munah mi sawmli cieng beh om taleh,” a ci hi. Ama in dawng a, “Mi sawmlite ziehin ka susie sih ding hi,” a ci hi. 30Tua ciengin ama in, “Topa aw, na lungthahsah sinlen thu kang gen ding hi. Gentena-in khum munah mi sawmthum kimu taleh,” a ci hi. Ama in dawng a, “Mi sawmthum ka mu leh ka susie sih ding hi,” a ci hi. 31Ama in, “Topa kungah thu ei gensah in. Gentena-in mi sawmni cieng beh kimu taleh,” a ci hi. Ama in dawngin, “Mi sawmnite ziehin ka susie sih ding hi,” a ci hi. 32Tua ciengin ama in, “Topa aw, na lung thahsah sinlen khatvei kang gen lai ding hi. Khum munah mi sawm kimu leh,” a ci hi. Ama in dawngkia a, “Mi sawmte ziehin ka susie sih ding hi,” a ci hi. 33Abraham tawh a kiho zaw ciengin a lampi-ah Topa a pei hi; tuale a inn ah Abraham a kilekia ta hi.

Currently Selected:

PIENCILNA 18: ZBOTF01

Highlight

Copy