PIENCILNA 17

Thuciemna’ Lim

(Pei 12:43–13:2)

1Abram kum sawmkuo le kuo a phah ciengin ama kungah Topa kilah a, ama in, “Keima, Vanglien Pasien#17:1 Heb’ a zah ngaina-ah “El Shaddai” kici hi. ka hi hi; ka mai-ah hoi gamtat inlen kawbaang sin. 2Keima le nangma kikalah ka thuciemna ka bawl ding a, a tampitah kang phasah ding hi,” a ci hi. 3Tua ciengin Abram mai kunsuh a, Pasien in ama kungah, 4“Tami khu kei adinga nangma tawh ka thuciemna ahi hi: Nang, minam tampite’ pa na hi ding hi. 5Na min Abram#17:5 “a kitawisang pa” a cina ahi hi. hi nawn lo ding a, Abraham#17:5 “Mi tampite pa” ci-in kikhie hi. hi ta ding hi. Azieh pen minam tampite’ pa dingin kang bawlzo ta hi.#Rom 4:17 6Keima in nahpi tahin kang ciphasah ding hi. Minam liente kang suosah ding a, nang sung panin kumpite ang pieng ding hi. 7Keima in nang le nang zaw cienga na suonlehlahte#17:7 Heb “Cihlah” tungah Pasien ka hi nadinga tawntung thuciem ahi dingin, kei le nang le nang zaw cienga na suonlehlahte tungah a khan tungtawnun ka thuciemna ka kipsah ding hi.#Luk 1:55 8Tulaitah pemta na hina leitang ahi Canaan leitang zosie, nang le nang zaw cienga na suonlehlahte tungah na nei den dingun kang pie ding hi; kei pen amau’ Pasien ka hi ding hi,” a ci hi.#Sawl 7:5

9Pasien in Abraham kungah, “Nang le nang zaw cienga na suonlehlahte in a khangkhangun ka thuciem na zui ding uhi. 10Tami khu nang le kei kikal, nang le nang zaw cienga na suonlehlahte tawh kikala na zui ding uh ka thuciem ahi hi: Note lahah pasal zosie in tep a tan ding uhi.#Sawl 7:8; Rom 4:11 11Nang in na vundawn na tan ding a, tua pen keima le note kikalah thuciemna lim khat hi ding hi. 12Na khang tungtawnun note lahah a om pasal poma, na inn sung pieng silate, le na suonlehlahte ahi lo sum tawh na lei uh pasal poma a suo zaw uh ni giet a cin ciengin a tep uh kitan ding hi. 13Na inn sunga piengte hile na sum tawh na lei silate hile, a nipi-in a tep kitan ding hi. Tuaci’n na tahsa sung vua ka thuciem pen kumtawn thuciem hi ding hi. 14Tep kitan lo pasal poma, ka thuciem palsat ahi a, ama’ mite kung panin kisumaimang ding hi; ama in ka thuciemna palsat zo hi,” a ci hi.

15Pasien in Abraham kungah, “Na zi Sarai ahile Sarai na ci nawn sih ding a, ama’ min Sarah hi ta ding hi. 16Ama thupha ka pie ding a, tua banah ama tung panin tapa khat zong kang pie ding hi. Ama thupha ka pie ding a, ama in minam liente a piengsah ding hi; ama sung panin minamte’ kumpite pieng ding hi,” a ci hi. 17Tua ciengin Abraham a mai tuolkunin nui a, “Kum za pha pasal khat in ta nei thei ding amah? Kum sawm kuo a pha Sarah in ta a nei na ngel diei mah?” ci-in a lungsim sungah ama le ama a kiho hi. 18Abraham in Pasien kungah, “Na mai-ah Ishmael hing nungtasah po lacin,” a ci hi. 19Pasien in, “Hilo hi, na zi Sarah in nang adingin tapa khat nei ding a, a min Isaac#17:19 “ama nui hi” a cina ahi hi. na phuo ding hi. Ama tawh ka thuciemna ka sukip ding a, tua khu ama zaw cienga a suonlehlahte adingin kumtawn thuciem ahi ding hi. 20Ishmael adinga na ngetna ahileh ka za zo hi; ama thupha pie-in ka ciphasah ding a, pungsahin tampitah ka phasah ding hi; kumpi sawm le nite’ pa hi ding a, minam thupi khat ka suohsah ding hi. 21Ahi vangin khuovei tuhun ciengin Sarah sung panin nang dinga ang suoh ding Isaac tawh ka thuciem ka sukip ding hi,” a ci hi. 22Ama tawh a kiho zaw ciengin Abraham kung panin Pasien a peito ta hi.

23Tua ciengin Abraham in a tapa Ishmael le a inn sunga suoh pasal popo, silate ahi a, sum tawh kileite ahi zongin, ama’ inn sunga a om pasal zosie a unpi-in zawpi a, Pasien in ama kunga a gensa bangin tua ni mama-in a tep uh a tan hi. 24Abraham a tep a kitan lai-in kum sawmkuo le kuo pha hi. 25A tapa Ishmael a tep a kitan lai-in kum sawm le thum pha hi. 26Tua ni mama-in Abraham le a tapa Ishmael a tep uh kitan hi. 27A inn sunga pasal zosie, inn sunga suohte ahi a, gamdang mite’ tung pana sum tawh kileite ahi zongin, ama tawh a tep uh kitan ton hi.

Currently Selected:

PIENCILNA 17: ZBOTF01

Highlight

Copy