ရဲ 5
5
5
ဆၧဒၪဆၧလၧယၫဘၪထွ့ၫလံၬအထူၫလထူၫ လၧအယူၩဝ့ၫ.
1ယစၪ့ထၪ့ဒီၭယမ့ၬ, ဒဲယယိဆၧတၭ,ယိခွါ,လံၬအ 2ထူၫလၧအယူၩဝ့ၫလထူၫလီၫ.- အဝ့ၫဒၪစံၭယၧၩ,မွဲ နဒၪဘၪဆၧနီၪလမံၩ့လဲၪ. ယစံၭဆၧၫ့,ယဒၪဘၪလံၬ လၧအယူၩဝ့ၫလထူၫလီၫ. အဖၭထီၫနီၪအဖျါနံၫဆံၫ, 3ဒဲအဒၪ့ဎၩ့ဆံၫဖျါလီၫ.- တၭအဝ့ၫဒၪစံၭယၧၩ, အယီၩ မွဲဆၧဆိၪအၧၩ့ လၧအလ့ၩထၪ့ လၧခးထၧၫ့ဘံၪ့ယၫ အဖၧၩ့လီၫ. အဂဲးဘဲၫယီၩ ကယဲၦလၧအအၪ့ဂူၪဆၧ လဂၩလါလါနီၪ.ဆၧမၩဂၭဂီၩ့အဝ့ၫ လၧအယီၩလ ခီၫ,ဘဲၫအဝ့ၫနီၪအၥိၭ, ဒဲကယဲၦလၧအဆိၪလၩ့အၥၭ လဂၩလါလါနီၪ ဆၧမိမၩဂၭဂီၩ့အဝ့ၫလၧအနီၪလခီၫ 4ဘဲၫအဝ့ၫနီၪအၥိၭလီၫ.- ဆၧၥုၭမုခမျၧးအယဟိဝၩ စံၭဝ့ၫဒၪ,ယမိဒုၭဂဲၫထၪ့အဝ့ၫတၭ, မိလ့ၩနုၬလၧၦလၧ အအၪ့ဂူၪဆၧအဂံၪ့ဖၧၩ့, ဒဲလၧၦလၧအဆိၪလၩ့အၥၭ လၧယမံၩ့အမ့ၬယၫလတီၩဘၪအဂံၪ့ဖၧၩ့တၭ, မိအီၪ ဝ့ၫလၧအဂံၪ့အၥၭခံဖၧၩ့, ဒဲမိအၪ့ခွံၬအဝ့ၫအီၪလၧအ ၥံၪ့ၥံၪ,ဒဲအလိးၥံၪလဲၫ့ၥံၪလီၫ.
ဆၧဒၪဆၧလၧယၫဘၪထွ့ၫ ၦမုၪလဂၩဆၧၫ့နၩ့လၧအ့ဖၭအဖၧၩ့.
5အၥီၫ့လၧအချဲၩ့ဒုၪ့ယၧၩလဂၩနီၪ ဂဲၫထၪ့တၭ, စံၭ ယၧၩ,စၪ့ထၪ့လါနမ့ၬတၭ, ဆၧယီၩလၧအဂဲၫထၪ့မွဲနီၫ 6လဲၪနီၫလဲၪနီၪ, ယိခွါ,ဆံၭ.- တၭယစံၭအယီၩမွဲဆၧနီၪ လမံၩ့လဲၪ. တၭအဝ့ၫဒၪစံၭဝ့ၫ, အယီၩမွဲအ့ဖၭလၧအ ဂဲၫထၪ့လီၫ. တၭစံၭဝ့ၫဒၪ, အဝ့ၫၥံၪဖျီၪဝ့ၫဘဲၫဆၧယီၩ 7အၥိၭလၧခးထၧၫ့ဘံၪ့ယၫလီၫ.- တၭယိခွါ, ခံၫ့ၥၪၡၬ လလီၪ့ဒဲၦမုၪဆၧၫ့နၩ့လၧအ့ဖၭအဖၧၩ့နီၪ အီၪဝ့ၫလဂၩ 8လီၫ.- တၭအဝ့ၫစံၭဝ့ၫ,အယီၩမွဲဆၧလတီၩလလီၩ့ဘၪ လီၫ. တၭမွဲအခွံၬလၩ့ခွံၬ ၦမုၪလၧအ့ဖၭ အၥၭကျၩ တၭ,ခွံၬခံၫ့ၥၪၡၬလလီၪ့လၧအ့ဖၭအခိၪအဖၫ့ခိၪလီၫ.
9ထီးနီၪလဖၧၫ့ယစၪ့ထၪ့ယမ့ၬယယိဆၧတၭ, ယိခွါ, ၦမုၪနံၫဂၩဂဲၫထၪ့တၭ, လံၩအီၪဝ့ၫလၧအဒံၭလဖၪအ ဖၧၩ့လီၫ. အဂဲးဘဲၫယီၩ အီၪဝ့ၫလၧအဒံၭလဖၪဘဲၫ ထိၪဖၭဒိၪအဒံၭအၥိၭနီၪတၭ, အဝ့ၫၥံၪဆိၬထၪ့အ့ဖၭ 10လၧမူၭခိၪဒဲဂၪ့ခိၪ အဘိၩ့ဆၧၩ့လီၫ.- ထီးနီၪလဖၧၫ့ ယစံၭအၥီၫ့ လၧအချဲၩ့ဒုၪ့ယၧၩလဂၩ, အဝ့ၫၥံၪယီၩ 11ဆိၬထၪ့အ့ဖၭခီၫခီၫလဲၪ. တၭအဝ့ၫစံၭယၧၩ, ဘဲၫၥိၭ အမိမၩဂံၪ့လဖျိၪ့ လၧအဂးလၧခးၡဲနၫအဖၧၩ့လီၫ. မိအီၪဝ့ၫတၭ, ဆၧမိအီၪက့ၪအဝ့ၫထီးနီၪလၧအခၪ့ထံၭ ဒၪဝ့ၫအဖၫ့ခိၪနီၪလီၫ.
Currently Selected:
ရဲ 5: pwokyn2
Highlight
Share
Copy
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
